6 чэрвеня, Мінск /Кар. БЕЛТА/. Міністэрства адукацыі зацвердзіла парадак праверкі здольнасцей для прыёму асоб з ліку навучэнцаў 11-х класаў у Акадэмію кіравання для асваення праграмы дадатковай адукацыі дзяцей і моладзі "Школа кіравання", гэта прадугледжана пастановай ведамства ад 16 мая 2023 года нумар 158, паведамляе БЕЛТА са спасылкай на Нацыянальны прававы інтэрнэт-партал.
Згодна з дакументам, праверка павінна праходзіць у два этапы: завочны (ён праходзіць дыстанцыйна), і вочны (праводзіцца на базе Акадэміі кіравання).
Праверка прадугледжана для 11-класнікаў. Для ўдзелу ў ёй школьнікі або іх законныя прадстаўнікі павінны падаць у ВНУ заяўку з анкетнымі данымі, рэкамендацыю з месца вучобы або з мясцовага выканаўчага і распарадчага органа, а таксама эсэ па тэмах, якія вызначаюцца Акадэміяй кіравання. Другі этап праверкі будзе складацца з тэставых заданняў на вызначэнне ўзроўню падрыхтоўкі для асваення зместу адукацыйнай праграмы.
За месяц да пачатку праверкі на сайце Акадэміі кіравання павінен размяшчацца графік іспытаў, тэмы эсы, патрабаванні да іх зместу і крытэрыі ацэньвання.
Пастанова ўступае ў сілу пасля яе афіцыйнага апублікавання.
Як растлумачыла прарэктар па вучэбнай рабоце Акадэміі кіравання Валянціна Швайко, выпускнікі, якія паспяхова асвоілі праграму "Школы кіравання", змогуць прэтэндаваць на паступленне ў Акадэмію кіравання ў 2024 годзе без уступных іспытаў.-0-
