26 мая, Мінск /Кар. БЕЛТА/. Міністэрства адукацыі рэкамендавала арганізаваць у школах правядзенне кансультацый па ЦТ для выпускнікоў 11-х класаў, паведаміла карэспандэнту БЕЛТА прэс-сакратар ведамства Людміла Высоцкая.
"Гэта дасць магчымасць абітурыентам лепш падрыхтавацца і паказаць больш высокія рэзультаты, - сказала Людміла Высоцкая. - Кансультацыі рэкамендавана арганізаваць з 15 па 23 чэрвеня. Пры гэтым кожная школа сама вызначыць час і фармат іх правядзення".
У бягучым годзе ЦТ стартуе 25 чэрвеня. У гэты дзень абітурыенты будуць праходзіць іспыт па беларускай мове. ЦТ па рускай мове адбудзецца - 26 і 27 чэрвеня, па грамадазнаўстве - 29 чэрвеня, па матэматыцы - 1 і 2 ліпеня, біялогіі - 4 ліпеня. ЦТ па замежнай мове (англійская, нямецкая, французская, іспанская, кітайская) можна будзе здаць 6 ліпеня, па хіміі - 8 ліпеня, фізіцы - 10 ліпеня, гісторыі Беларусі - 12 ліпеня, геаграфіі - 14 ліпеня, сусветнай гісторыі (навейшы час) - 16 ліпеня.
Як адзначылі ў Міністэрстве адукацыі, ЦТ будзе праходзіць у адпаведнасці з патрабаваннямі і рэкамендацыямі Міністэрства аховы здароўя.-0-
