Мінадукацыі: пашыраны спіс спецыяльнасцей, па якіх выпускнікі каледжаў могуць атрымаць вышэйшую адукацыю за тры гады

21 мая, Мінск /Кар. БЕЛТА/. Пашыраны спіс спецыяльнасцей, па якіх выпускнікі каледжаў могуць атрымаць вышэйшую адукацыю за тры гады. Аб гэтым расказаў начальнік галоўнага ўпраўлення прафесійнай адукацыі Міністэрства адукацыі Сяргей Пішчоў у праекце БЕЛТА "Краіна гаворыць".

У Беларусі павялічваецца колькасць дзевяцікласнікаў, якія паступаюць у каледжы пасля заканчэння школ. Але пры гэтым сістэма вышэйшай адукацыі не стаіць на месцы і стварае дадатковыя магчымасці для выпускнікоў каледжаў, якія атрымалі сярэднюю спецыяльную адукацыю, - гэта магчымасць атрымання вышэйшай адукацыі ў скарочаны тэрмін. "У адпаведнасці з даручэннем і аналізам, які правялі нашы Рэспубліканскі інстытут вышэйшай школы, Рэспубліканскі інстытут прафесійнай адукацыі разам з ВНУ і каледжамі, у бягучым годзе па шэрагу спецыяльнасцей мы скарацілі тэрмін навучання ў завочнай форме да трох гадоў. Гэта каля 50 спецыяльнасцей", - адзначыў Сяргей Пішчоў.

Гэтага дастаткова, упэўнены ён, з улікам выключэння дубліравання вучэбных дысцыплін, якія праходзілі на ўзроўні сярэдняй спецыяльнай адукацыі. "З гэтага года выпускнікі каледжаў змогуць атрымаць вышэйшую адукацыю за тры гады. Моладзь у нас працаўладкоўваецца на першае рабочае месца, прафесійна расце, атрымлівае практычны вопыт на першым рабочым месцы і атрымлівае ў завочнай форме вышэйшую адукацыю", - заўважыў начальнік галоўнага ўпраўлення.-0-

*Праект створаны за кошт сродкаў мэтавага збору на вытворчасць нацыянальнага кантэнту.