26 лістапада, Мінск /Кар. БЕЛТА/. Міністэрства абароны паведаміла аб рашэнні наконт нарошчвання дзяжурных сіл ППА і сумеснага патрулявання з ПКС Расіі, расказалі БЕЛТА ў прэс-службе ведамства.
"У сувязі з частымі выпадкамі палётаў розных відаў авіяцыі паблізу Дзяржаўнай граніцы Беларусі і ў інтарэсах прадухілення парушэння Дзяржаўнай граніцы ў паветранай прасторы прынята рашэнне аб нарошчванні складу дзяжурных сіл па ППА і сумесным патруляванні Дзяржаўнай граніцы ў паветранай прасторы авіяцыяй ВПС і войскаў ППА Узброеных Сіл Беларусі і ПКС Расійскай Федэрацыі", - расказалі ў Мінабароны.
25 лістапада выкананы палёт змешанай тактычнай групы для патрулявання паветранай прасторы ўздоўж граніцы Беларусі ў складзе шматфункцыянальных знішчальнікаў Су-30СМ Беларусі і Расіі.-0-