Фота з архіва
5 ліпеня, Мінск /Кар. БЕЛТА/. Інтэнсіўнасць правакацыйных дзеянняў з боку ўкраінскіх фарміраванняў не зніжаецца. Аб гэтым на брыфінгу заявіў журналістам начальнік галоўнага ўпраўлення - намеснік начальніка Генеральнага штаба Узброеных Сіл Уладзімір Купрыянюк, перадае карэспандэнт БЕЛТА.
"Паскоранымі тэмпамі ўкраінскі бок ажыццяўляў інжынернае абсталяванне прыгранічных раёнаў Ровенскай, Валынскай, Жытомірскай і Чарнігаўскай абласцей, уключаючы мініраванне мясцовасці, разбурэнне мастоў, перапраў і ўчасткаў дарог. Паводле нашай ацэнкі, сёння групоўка войскаў "Поўнач", у зону адказнасці якой уваходзіць участак украінска-беларускай граніцы, налічвае больш за 115 тыс. ваеннаслужачых, у тым ліку непасрэдна на ўзмацненні граніцы - да 15 тыс.", - сказаў Уладзімір Купрыянюк.
Цяпер, падкрэсліў намеснік начальніка Генштаба, беларускі бок прадаўжае адзначаць задзейнічанне для аховы граніцы фарміраванняў са складу механізаваных злучэнняў, брыгад тэрытарыяльнай абароны і Нацыянальнай паліцыі Украіны. Пры гэтым у прыгранічных раёнах фіксуецца перамяшчэнне цяжкай тэхнікі, у тым ліку танкаў, артылерыйскіх сістэм і сродкаў ППА. Адначасова не зніжаецца інтэнсіўнасць правакацыйных і дэманстратыўных дзеянняў з боку ўкраінскіх фарміраванняў, у тым ліку з задзейнічаннем беспілотнай авіяцыі, якая неаднаразова парушала нашу дзяржаўную граніцу.
"Мы добра разумеем, што гэтыя дзеянні маюць не толькі разведвальныя мэты, але спробы закідвання на нашу тэрыторыю выбуховых рэчываў і іншых матэрыяльна-тэхнічных сродкаў для забеспячэння магчымых дзеянняў дыверсійнай накіраванасці", - рэзюмаваў Уладзімір Купрыянюк.-0-
"Паскоранымі тэмпамі ўкраінскі бок ажыццяўляў інжынернае абсталяванне прыгранічных раёнаў Ровенскай, Валынскай, Жытомірскай і Чарнігаўскай абласцей, уключаючы мініраванне мясцовасці, разбурэнне мастоў, перапраў і ўчасткаў дарог. Паводле нашай ацэнкі, сёння групоўка войскаў "Поўнач", у зону адказнасці якой уваходзіць участак украінска-беларускай граніцы, налічвае больш за 115 тыс. ваеннаслужачых, у тым ліку непасрэдна на ўзмацненні граніцы - да 15 тыс.", - сказаў Уладзімір Купрыянюк.
Цяпер, падкрэсліў намеснік начальніка Генштаба, беларускі бок прадаўжае адзначаць задзейнічанне для аховы граніцы фарміраванняў са складу механізаваных злучэнняў, брыгад тэрытарыяльнай абароны і Нацыянальнай паліцыі Украіны. Пры гэтым у прыгранічных раёнах фіксуецца перамяшчэнне цяжкай тэхнікі, у тым ліку танкаў, артылерыйскіх сістэм і сродкаў ППА. Адначасова не зніжаецца інтэнсіўнасць правакацыйных і дэманстратыўных дзеянняў з боку ўкраінскіх фарміраванняў, у тым ліку з задзейнічаннем беспілотнай авіяцыі, якая неаднаразова парушала нашу дзяржаўную граніцу.
"Мы добра разумеем, што гэтыя дзеянні маюць не толькі разведвальныя мэты, але спробы закідвання на нашу тэрыторыю выбуховых рэчываў і іншых матэрыяльна-тэхнічных сродкаў для забеспячэння магчымых дзеянняў дыверсійнай накіраванасці", - рэзюмаваў Уладзімір Купрыянюк.-0-
