29 чэрвеня, Мінск /Кар. БЕЛТА/. Беларусь адэкватна рэагуе на абстаноўку вакол краіны ў паветранай прасторы. Аб гэтым заявіў журналістам начальнік зенітных ракетных войскаў - начальнік упраўлення зенітных ракетных войскаў камандавання ВПС і войскаў ППА Узброеных Сіл палкоўнік Андрэй Севярынчык, перадае карэспандэнт БЕЛТА.
"Апошнім часам мы фіксуем рэзкае павелічэнне колькасці палётаў беспілотных лятальных апаратаў, якія вядуць разведку ў прыгранічных тэрыторыях з Рэспублікай Беларусь. Абстаноўка ў паветранай прасторы напружаная. Адзначаюцца пастаянныя парушэнні дзяржаўнай граніцы ў паветранай прасторы нашай дзяржавы. У сувязі з выконваемымі задачамі мы не заўсёды можам адкрыта расказаць пра ўсе факты парушэння. Але магу запэўніць, што ні адно парушэнне не застаецца без уздзеяння", - падкрэсліў Андрэй Севярынчык.
Ён дадаў: "Неабходна ўлічваць, што падраздзяленні Узброеных Сіл Украіны, якія знаходзяцца ў прыгранічных тэрыторыях, забяспечаны не толькі разведвальнымі беспілотнымі лятальнымі апаратамі, але і апаратамі з магчымасцю нанесці ўдар углыб Рэспублікі Беларусь. Нягледзячы на тое, што ўкраінскія фарміраванні зведваюць праблемы ў сродках проціпаветранай абароны на іншых напрамках, адзначана вялікая колькасць сіл ППА ў Жытомірскай вобласці".
"У гэтых умовах ВПС і войскі ППА адэкватна рэагуюць на абстаноўку, якая складваецца вакол Рэспублікі Беларусь. Для выяўлення лятальных апаратаў у паветранай прасторы Рэспублікі Беларусь дадаткова нарошчаны сілы і сродкі разведкі, а менавіта - выведзены рухомыя малавышынныя радыёлакацыйныя групы радыётэхнічных войскаў, нарошчана сістэма пастоў візуальнага нагляду з мэтай забеспячэння інфармацыяй агнявых падраздзяленняў зенітна-ракетных войскаў, войскаў ППА, аператыўных камандаванняў, якія знаходзяцца на баявым дзяжурстве", - адзначыў Андрэй Севярынчык.
Як паведамлялася раней, апошнім часам у зоне адказнасці Жытомірскага пагранічнага атрада дзяржаўнай пагранічнай службы Украіны фіксуецца павелічэнне групоўкі ўкраінскіх узброеных фарміраванняў, у тым ліку сіл спецыяльных аперацый і спецпадраздзяленняў Галоўнага ўпраўлення разведкі Міністэрства абароны Украіны.
Таксама стала вядома, што Дзяржаўны пагранічны камітэт мае звесткі аб знаходжанні ў паласе адказнасці Жытомірскага пагранічнага атрада падраздзяленняў так званага "Рускага добраахвотніцкага корпуса". Зафіксаваны рэкагнасцыроўка мясцовасці і актыўная разведвальная дзейнасць, у тым ліку з выхадам да дзяржаўнай граніцы Рэспублікі Беларусь.-0-
"Апошнім часам мы фіксуем рэзкае павелічэнне колькасці палётаў беспілотных лятальных апаратаў, якія вядуць разведку ў прыгранічных тэрыторыях з Рэспублікай Беларусь. Абстаноўка ў паветранай прасторы напружаная. Адзначаюцца пастаянныя парушэнні дзяржаўнай граніцы ў паветранай прасторы нашай дзяржавы. У сувязі з выконваемымі задачамі мы не заўсёды можам адкрыта расказаць пра ўсе факты парушэння. Але магу запэўніць, што ні адно парушэнне не застаецца без уздзеяння", - падкрэсліў Андрэй Севярынчык.
Ён дадаў: "Неабходна ўлічваць, што падраздзяленні Узброеных Сіл Украіны, якія знаходзяцца ў прыгранічных тэрыторыях, забяспечаны не толькі разведвальнымі беспілотнымі лятальнымі апаратамі, але і апаратамі з магчымасцю нанесці ўдар углыб Рэспублікі Беларусь. Нягледзячы на тое, што ўкраінскія фарміраванні зведваюць праблемы ў сродках проціпаветранай абароны на іншых напрамках, адзначана вялікая колькасць сіл ППА ў Жытомірскай вобласці".
"У гэтых умовах ВПС і войскі ППА адэкватна рэагуюць на абстаноўку, якая складваецца вакол Рэспублікі Беларусь. Для выяўлення лятальных апаратаў у паветранай прасторы Рэспублікі Беларусь дадаткова нарошчаны сілы і сродкі разведкі, а менавіта - выведзены рухомыя малавышынныя радыёлакацыйныя групы радыётэхнічных войскаў, нарошчана сістэма пастоў візуальнага нагляду з мэтай забеспячэння інфармацыяй агнявых падраздзяленняў зенітна-ракетных войскаў, войскаў ППА, аператыўных камандаванняў, якія знаходзяцца на баявым дзяжурстве", - адзначыў Андрэй Севярынчык.
Як паведамлялася раней, апошнім часам у зоне адказнасці Жытомірскага пагранічнага атрада дзяржаўнай пагранічнай службы Украіны фіксуецца павелічэнне групоўкі ўкраінскіх узброеных фарміраванняў, у тым ліку сіл спецыяльных аперацый і спецпадраздзяленняў Галоўнага ўпраўлення разведкі Міністэрства абароны Украіны.
Таксама стала вядома, што Дзяржаўны пагранічны камітэт мае звесткі аб знаходжанні ў паласе адказнасці Жытомірскага пагранічнага атрада падраздзяленняў так званага "Рускага добраахвотніцкага корпуса". Зафіксаваны рэкагнасцыроўка мясцовасці і актыўная разведвальная дзейнасць, у тым ліку з выхадам да дзяржаўнай граніцы Рэспублікі Беларусь.-0-
