ДЗЯРЖОРГАНЫДЗЯРЖОРГАНЫ
Флаг Чацвер, 13 мая 2021
Мінск Суцэльная воблачнасць +9°C
Усе навіны
Усе навіны
Грамадства
31 сакавіка 2021, 11:44

Міклашэвіч: эфектыўнае дзяржбудаўніцтва магчыма толькі на трывалым канстытуцыйным фундаменце

Пётр Міклашэвіч
Пётр Міклашэвіч

31 сакавіка, Мінск /Кар. БЕЛТА/. Эфектыўнае дзяржаўна-прававое будаўніцтва магчыма толькі на трывалым канстытуцыйным фундаменце, заявіў у час пасяджэння Канстытуцыйнай камісіі старшыня Канстытуцыйнага суда старшыня камісіі Пётр Міклашэвіч, перадае карэспандэнт БЕЛТА.

"Эфектыўнае дзяржаўна-прававое будаўніцтва магчыма толькі на трывалым канстытуцыйным фундаменце. Пры гэтым, з аднаго боку, стабільнасць Канстытуцыі з'яўляецца важнай умовай устойлівага развіцця грамадства і дзяржавы. З другога - Канстытуцыя павінна адпавядаць грамадскім адносінам, якія змяняюцца", - сказаў Пётр Міклашэвіч.

Паводле яго слоў, задача Канстытуцыйнай камісіі - распрацаваць прапановы па змяненні Канстытуцыі Беларусі на сучасным этапе гістарычнага развіцця, улічваючы рэальныя асаблівасці сацыяльнага і палітыка-прававога развіцця краіны, наспелыя галоўныя патрэбнасці грамадства.

У працэсе сваёй дзейнасці Канстытуцыйная камісія павінна зыходзіць з фактара канстытуцыйнай пераемнасці. "Пераемнасць канстытуцыйных палажэнняў - залог устойлівасці і бяспекі дзяржавы, захавання дасягнутага прагрэсу ў палітычнай, эканамічнай, сацыяльнай і культурнай сферах", - адзначыў старшыня Канстытуцыйнай камісіі.

Сёння зацверджаны графік пасяджэнняў Канстытуцыйнай камісіі. Адбудзецца 9 пасяджэнняў з перыядычнасцю 2 разы ў месяц.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі