ДЗЯРЖОРГАНЫДЗЯРЖОРГАНЫ
Флаг Чацвер, 1 снежня 2022
Мінск Малавоблачна -8°C
Усе навіны
Усе навіны
Грамадства
27 верасня 2022, 18:27

Меркаванне: патрабаванні да прыватных школ павінны быць такія ж, як да дзяржаўных

Фота з архіва
Фота з архіва

27 верасня, Брэст /Кар. БЕЛТА/. Патрабаванні да дзяржаўных і прыватных устаноў адукацыі павінны быць аднолькавымі. Такое меркаванне выказала карэспандэнту БЕЛТА дырэктар сярэдняй школы нумар 6 Брэста, дэпутат гарадскога Савета Ала Старыкевіч.

"Я лічу, што ўсё павінна быць на заканадаўчым узроўні аднолькава для любой установы адукацыі - не важна, дзяржаўная яна ці прыватная. Я не супраць таго, каб там былі дзеці, якія жадаюць вучыцца, але там павінна быць адпаведная праграма, унутраны распарадак, бяспека і, вядома ж, там павінны прысутнічаць сімволіка і атрыбутыка дзяржавы, якая дае ліцэнзію. Трэба паважаць закон, таму што мы ў Брэсце сутыкнуліся з такой сітуацыяй, што была польская школа і дзеці больш ведалі пра польскую гісторыю, спявалі польскі гімн і не ведалі слоў беларускага гімна. Вось гэта прыводзіць нас у стан асцярожнасці. Нам хацелася б, каб дзяржава кантралявала такія школы", - сказала педагог.

Пры гэтым яна адмаўляе наяўнасць якой-небудзь канкурэнцыі паміж дзяржаўнымі і прыватнымі ўстановамі адукацыі. "Канкурэнцыі не будзе. Памятаю, гэта пытанне ўзнімалася, калі ў нас сталі з'яўляцца прыватныя дзіцячыя сады. І бацькі, якія мелі добры дастатак, выбіралі дзяржаўныя сады. Таму што яны бачаць, якая там праграма, кантроль і адукацыя ў педагогаў. У дзяржаўнай школе ёсць выразная, арганізаваная адукацыйная сістэма. У прыватнай школе, можа, ёсць нейкія новыя цікавыя методыкі, нешматлікія групы дазваляюць мэтанакіравана працаваць на нейкае пэўнае дзіця. Але гэтыя ўстановы трэба прывесці ў агульную сістэму - так, каб да іх былі такія ж патрабаванні, як у дзяржаўных школ", - рэзюмавала дырэктар.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі