Меркаванне: будучыя прэзідэнцкія выбары прадэманструюць грамадскую салідарнасць і народнае адзінства

25 кастрычніка, Гомель /Кар. БЕЛТА/. Будучыя прэзідэнцкія выбары, якія адбудуцца 26 студзеня 2025 года, прадэманструюць грамадскую салідарнасць і народнае адзінства. Такім меркаваннем падзяліўся з карэспандэнтам БЕЛТА намеснік начальніка галоўнага ўпраўлення юстыцыі Гомельскага аблвыканкама, начальнік упраўлення прымусовага выканання Дзмітрый Кухараў.

Дзмітрый Кухараў лічыць, што яўка выбаршчыкаў у будучую электаральную кампанію можа пераўзысці папярэднія. "Галоўны фактар, які дазваляе выказваць такія меркаванні - напружаная геапалітычная сітуацыя, якая паказала аб'ектыўную пазіцыю дзеючага палітычнага курсу. Мы цяпер сталі сведкамі пералому ў грамадскай свядомасці, яднання вакол беларускай дзяржаўнасці. Таму не выключана, што на ўчасткі могуць прыйсці і тыя, хто ніколі не хадзіў на выбары, але сёння мае сваю пазіцыю", - падкрэсліў ён.

Адносна даты правядзення электаральнай кампаніі і саміх выбараў у Цэнтрвыбаркаме дадзены тлумачэнні. І на бытавым узроўні студзень для большасці людзей сімвалізуе новыя надзеі і пачынанні, новы старт. Гэта месяц сямейнага яднання, светлых хрысціянскіх свят і спрадвечна славянскіх традыцый. "Актам грамадскай салідарнасці і народнага адзінства стануць і будучыя прэзідэнцкія выбары. Так, ужо ў пачатку года беларусы выберуць чалавека, які будзе накіроўваць развіццё краіны, будаваць адносіны з іншымі дзяржавамі, абапіраючыся на інтарэсы народа, кіруючыся прынцыпамі міралюбнасці і добрасуседства", - рэзюмаваў Дзмітрый Кухараў.-0-