30 снежня, Мінск /Кар. БЕЛТА/. Аб тым, як жыхары Брэсцкай вобласці, а таксама работнікі БМЗ, адгукнуліся на праблемы людзей, якія апынуліся ў складанай жыццёвай сітуацыі, і дапамаглі іх дзецям, у праекце "Краіна гаворыць" на YouTube-канале БЕЛТА расказалі першы намеснік начальніка галоўнага ўпраўлення па адукацыі Брэсцкага аблвыканкама Аляксандр Жук і начальнік аддзела інфармацыі, ідэалогіі і развіцця персаналу ААТ "БМЗ - кіруючая кампанія холдынга "БМК" Аляксандр Малабіцкі.
Аляксандр Жук адзначыў, што ў Брэсцкай вобласці ў гэтым годзе больш за 20 дзяцей бежанцаў ўдзельнічаюць у рэспубліканскай акцыі "Нашы дзеці". "Асаблівасць акцыі "Нашы дзеці" гэтага года - удзел у ёй дзяцей бежанцаў. Гэта вельмі важна, што хлопчыкі і дзяўчынкі, якія страцілі свой дом і сваю радзіму, адчуюць клопат блізкіх і дзяржавы ў цэлым", - заўважыў ён.
Аляксандр Малабіцкі ў сваю чаргу падкрэсліў, што неабыякавасць да чужой бяды і жаданне дапамагчы ў складанай жыццёвай сітуацыі закладзена ў менталітэце беларускага чалавека, таму спагада беларусаў да праблемы, якая склалася на граніцы з бежанцамі, не выклікае здзіўлення. "У нас на заводзе ўзнік цэлы валанцёрскі рух. Да гэтых працэсаў далучаецца ўсё большая колькасць маладых людзей ва ўзросце да 30 гадоў. І гэта сведчыць аб тым, што падрастаючае пакаленне выхоўваецца ў правільных беларускіх традыцыях, у традыцыях нашага менталітэту, у традыцыях міласэрнасці і дабра", - сказаў на заканчэнне Аляксандр Малабіцкі.
Праект створаны за кошт сродкаў мэтавага збору на вытворчасць нацыянальнага кантэнту.-0-
