Фота з архіва
26 студзеня, Мінск /Кар. БЕЛТА/. Каля 1 тыс. індыйскіх студэнтаў вучацца ў беларускіх ВНУ. Такую лічбу прывёў Надзвычайны і Паўнамоцны Пасол Індыі ў Беларусі Ашок Кумар у інтэрв'ю БЕЛТА з нагоды Нацыянальнага свята - Дня Рэспублікі, які краіна адзначае 26 студзеня.
"У Беларусь прыязджае ўсё больш студэнтаў з Індыі. Вялікая колькасць індыйскіх студэнтаў-медыкаў атрымліваюць адукацыю ў беларускіх дзяржаўных медыцынскіх універсітэтах, праходзяць прафесійную перападрыхтоўку і павышаюць сваю кваліфікацыю, - расказаў кіраўнік дыпламатычнай місіі. - Пераважная большасць з іх атрымліваюць медыцынскую адукацыю ў Мінску, Гродне, Віцебску і Гомелі".
Пасол таксама звярнуў увагу на тое, што для прыцягнення яшчэ большай колькасці індыйскіх абітурыентаў Беларусь значна пашырыла спектр англамоўных курсаў, асабліва ў галіне медыцыны.
"На маю думку, адукацыйнае партнёрства з'яўляецца ключавым слупам гуманітарнага супрацоўніцтва, на што звяртаецца асаблівая ўвага ў час розных беларуска-індыйскіх сустрэч, у тым ліку кансультацый паміж міністэрствамі замежных спраў. Існуе таксама сумесная рабочая група па адукацыі, якая займаецца пытаннямі супрацоўніцтва паміж Індыяй і Беларуссю ў сферы адукацыі, першае яе пасяджэнне адбылося ў 2016 годзе. Наступнае пасяджэнне плануецца правесці ў гэтым годзе", - сказаў Ашок Кумар.
Пасол падкрэсліў, што Індыя запрашае беларускія вышэйшыя навучальныя ўстановы да супрацоўніцтва ў сумесных праектах і даследаваннях са сваімі індыйскімі калегамі. "Мы таксама зацікаўлены ў тым, каб беларускі бок прапаноўваў больш тэхнічных курсаў, напрыклад інжынерных, на англійскай мове, што павялічыць колькасць індыйскіх студэнтаў, якія прыязджаюць вучыцца ў Беларусь", - заўважыў дыпламат.-0-
"У Беларусь прыязджае ўсё больш студэнтаў з Індыі. Вялікая колькасць індыйскіх студэнтаў-медыкаў атрымліваюць адукацыю ў беларускіх дзяржаўных медыцынскіх універсітэтах, праходзяць прафесійную перападрыхтоўку і павышаюць сваю кваліфікацыю, - расказаў кіраўнік дыпламатычнай місіі. - Пераважная большасць з іх атрымліваюць медыцынскую адукацыю ў Мінску, Гродне, Віцебску і Гомелі".
Пасол таксама звярнуў увагу на тое, што для прыцягнення яшчэ большай колькасці індыйскіх абітурыентаў Беларусь значна пашырыла спектр англамоўных курсаў, асабліва ў галіне медыцыны.
"На маю думку, адукацыйнае партнёрства з'яўляецца ключавым слупам гуманітарнага супрацоўніцтва, на што звяртаецца асаблівая ўвага ў час розных беларуска-індыйскіх сустрэч, у тым ліку кансультацый паміж міністэрствамі замежных спраў. Існуе таксама сумесная рабочая група па адукацыі, якая займаецца пытаннямі супрацоўніцтва паміж Індыяй і Беларуссю ў сферы адукацыі, першае яе пасяджэнне адбылося ў 2016 годзе. Наступнае пасяджэнне плануецца правесці ў гэтым годзе", - сказаў Ашок Кумар.
Пасол падкрэсліў, што Індыя запрашае беларускія вышэйшыя навучальныя ўстановы да супрацоўніцтва ў сумесных праектах і даследаваннях са сваімі індыйскімі калегамі. "Мы таксама зацікаўлены ў тым, каб беларускі бок прапаноўваў больш тэхнічных курсаў, напрыклад інжынерных, на англійскай мове, што павялічыць колькасць індыйскіх студэнтаў, якія прыязджаюць вучыцца ў Беларусь", - заўважыў дыпламат.-0-
Падпісвайцеся на нас у
