Фота з архіва
12 лютага, Мінск /Кар. БЕЛТА/. З пытаннямі па аплаце працы медыкі могуць звярнуцца на гарачую лінію прафсаюза работнікаў аховы здароўя. Аб гэтым БЕЛТА паведамілі ў прэс-службе Федэрацыі прафсаюзаў Беларусі.
З надыходам 2025 года ўступіў у сілу шэраг заканадаўчых навацый, якія датычацца змяненняў аплаты працы работнікам бюджэтных арганізацый. Напрыклад, з 1 студзеня павысілася базавая стаўка для аплаты працы ў бюджэтнай сферы, яна склала Br270. Другі напрамак, па якім вядзецца работа міністэрствамі бюджэтнай сферы і прафсаюзамі ў рамках сацыяльнага партнёрства, - устанаўленне і павелічэнне ўзроўню стымулюючых выплат. У прыватнасці, такія рашэнні прыняты ўжо ў галіне аховы здароўя і адукацыі. Так, педагагічным работнікам павялічаны надбаўкі ад 20 працэнтаў да 55 працэнтаў ад акладу. Змяненні адбыліся і ў сферы аховы здароўя ў частцы павышэння надбаўкі ўрачам-спецыялістам (на 45 працэнтаў акладу).
Што датычыцца медыцынскіх работнікаў з сярэдняй медыцынскай адукацыяй, то ў адпаведнасці з пастановай профільнага міністэрства ад 7 лютага 2025 года нумар 18 надбаўка за работу ў галіне павялічыцца ўвогуле на 35 працэнтаў. Працэс павышэння будзе адбывацца паэтапна: з 1 сакавіка 2025 года - на 10 працэнтаў акладу, з 1 верасня - на 10 працэнтаў акладу; і з 1 снежня - яшчэ на 15 працэнтаў ад акладу.
У сувязі з новаўвядзеннямі медыцынскія работнікі могуць звярнуцца на гарачую лінію Беларускага прафсаюза работнікаў аховы здароўя. Свае пытанні па аплаце працы можна задаць спецыялістам па наступных тэлефонах: 8 (044) 584-72-27, 8 (017) 242-83-54, 8 (017) 390-97-99. Гарачая лінія працуе па аўторках, серадах і чацвяргах з 10.00 да 12.00.
"Прафсаюз работнікаў аховы здароўя сумесна з Міністэрствам аховы здароўя ў рамках сацыяльнага партнёрства прадаўжае работу па планамерным павышэнні памераў аплаты працы ў галіне. Напрыклад, адна з нашых агульных задач сёння - надбаўка па кантракце не менш як 30 працэнтаў для ўсіх медыцынскіх работнікаў. Акрамя таго, вядзецца далейшая работа па павелічэнні надбавак медыкам за кваліфікацыйныя катэгорыі, - растлумачыў старшыня Беларускага прафсаюза работнікаў аховы здароўя Вячаслаў Шыла. - Прафсаюзы таксама трымаюць на кантролі пытанні павышэння заработнай платы і своечасовасці яе выплаты, пры неабходнасці праводзяць тлумачальную работу ў працоўных калектывах і пры дапамозе тэлефоннай гарачай лініі дапамагаюць вярнуць работнікам незаконна ўтрыманыя або нявыплачаныя грашовыя сродкі".-0-
З надыходам 2025 года ўступіў у сілу шэраг заканадаўчых навацый, якія датычацца змяненняў аплаты працы работнікам бюджэтных арганізацый. Напрыклад, з 1 студзеня павысілася базавая стаўка для аплаты працы ў бюджэтнай сферы, яна склала Br270. Другі напрамак, па якім вядзецца работа міністэрствамі бюджэтнай сферы і прафсаюзамі ў рамках сацыяльнага партнёрства, - устанаўленне і павелічэнне ўзроўню стымулюючых выплат. У прыватнасці, такія рашэнні прыняты ўжо ў галіне аховы здароўя і адукацыі. Так, педагагічным работнікам павялічаны надбаўкі ад 20 працэнтаў да 55 працэнтаў ад акладу. Змяненні адбыліся і ў сферы аховы здароўя ў частцы павышэння надбаўкі ўрачам-спецыялістам (на 45 працэнтаў акладу).
Што датычыцца медыцынскіх работнікаў з сярэдняй медыцынскай адукацыяй, то ў адпаведнасці з пастановай профільнага міністэрства ад 7 лютага 2025 года нумар 18 надбаўка за работу ў галіне павялічыцца ўвогуле на 35 працэнтаў. Працэс павышэння будзе адбывацца паэтапна: з 1 сакавіка 2025 года - на 10 працэнтаў акладу, з 1 верасня - на 10 працэнтаў акладу; і з 1 снежня - яшчэ на 15 працэнтаў ад акладу.
У сувязі з новаўвядзеннямі медыцынскія работнікі могуць звярнуцца на гарачую лінію Беларускага прафсаюза работнікаў аховы здароўя. Свае пытанні па аплаце працы можна задаць спецыялістам па наступных тэлефонах: 8 (044) 584-72-27, 8 (017) 242-83-54, 8 (017) 390-97-99. Гарачая лінія працуе па аўторках, серадах і чацвяргах з 10.00 да 12.00.
"Прафсаюз работнікаў аховы здароўя сумесна з Міністэрствам аховы здароўя ў рамках сацыяльнага партнёрства прадаўжае работу па планамерным павышэнні памераў аплаты працы ў галіне. Напрыклад, адна з нашых агульных задач сёння - надбаўка па кантракце не менш як 30 працэнтаў для ўсіх медыцынскіх работнікаў. Акрамя таго, вядзецца далейшая работа па павелічэнні надбавак медыкам за кваліфікацыйныя катэгорыі, - растлумачыў старшыня Беларускага прафсаюза работнікаў аховы здароўя Вячаслаў Шыла. - Прафсаюзы таксама трымаюць на кантролі пытанні павышэння заработнай платы і своечасовасці яе выплаты, пры неабходнасці праводзяць тлумачальную работу ў працоўных калектывах і пры дапамозе тэлефоннай гарачай лініі дапамагаюць вярнуць работнікам незаконна ўтрыманыя або нявыплачаныя грашовыя сродкі".-0-
Падпісвайцеся на нас у
