Мазырскі пагранатрад заклікае жыхароў рэгіёна быць пільнымі

5 ліпеня, Мінск /Кар. БЕЛТА/. Мазырскі пагранічны атрад заклікае жыхароў рэгіёна быць пільнымі. Аб гэтым БЕЛТА паведамілі ў прэс-службе Мазырскага НПЗ.

У выпадку выяўлення ў пагранічнай зоне і на прылеглай да яе тэрыторыі невядомых асоб, грамадзян замежных дзяржаў, асоб, якія цікавяцца праходжаннем дзяржграніцы і спосабам яе аховы органамі пагранічнай службы, месцам дыслакацыі пагранічных падраздзяленняў, а таксама транспартных сродкаў з рэгістрацыйнымі знакамі замежных дзяржаў, аўтамабіляў таксі, якіх-небудзь лятальных апаратаў, што ажыццяўляюць палёты ў непасрэднай блізкасці да дзяржграніцы, пераканаўчая просьба неадкладна паведаміць аб гэтым па тэлефоне +375 (236) 21-79-04.

Раней у пагранічным ведамстве паведамлялі аб рэгулярных разведвальных палётах украінскіх БПЛА. Спробы залёту беспілотнікаў на тэрыторыю Беларусь спыняюцца з выкарыстаннем штатнага ўзбраення і тэхнічных сродкаў радыёэлектроннай барацьбы.

У прыватнасці, 26 чэрвеня ў Ельскім раёне Гомельскай вобласці пагранічны нарад ад пагранічнай заставы Мазырскага пагранатрада ў выніку прымянення баявой зброі і сродкаў падаўлення спыніў парушэнне паветранай прасторы квадракоптарам, які рухаўся з украінскай тэрыторыі ўглыб Беларусі. БПЛА быў прымушаны да пасадкі за 150 м ад дзяржаўнай граніцы.-0-