Фота Нацыянальнай акадэміі навук
5 мая, Мінск /Кар. БЕЛТА/. У Нацыянальнай акадэміі навук Беларусі 6 і 7 мая пройдзе міжнародная навукова-практычная канферэнцыя "Вялікая Перамога ў імя міру і стварэння (да 80-годдзя Перамогі савецкага народа ў Вялікай Айчыннай вайне)", паведамілі БЕЛТА ў прэс-службе Акадэміі навук.
Міжнародны форум аб'яднае вучоных-гісторыкаў з Масквы, Санкт-Пецярбурга, Курскай, Смаленскай, Тамбоўскай і Тульскай абласцей, Рэспублікі Татарстан, Чувашскай і Чачэнскай Рэспублікі, Казахстана, Узбекістана і Кыргызстана.
Беларуская гістарычная навука будзе прадстаўлена на канферэнцыі вучонымі з 55 беларускіх і 18 замежных арганізацый: акадэмічных інстытутаў, вышэйшых навучальных устаноў, музеяў, архіваў, бібліятэк, школ.
Удзельнікі канферэнцыі разгледзяць сучасныя падыходы да асвятлення падзей Вялікай Айчыннай вайны, міжнародных адносін напярэдадні і ў гады вайны; звернуцца да ключавых бітваў; нагадаюць аб спецыфіцы нацысцкага акупацыйнага рэжыму на тэрыторыі Беларусі і ў штодзённым побыце ва ўмовах акупацыі; функцыянаванні калабарацыянісцкіх арганізацый і генацыдзе беларускага народа; раскажуць аб асаблівасцях партызанскага руху і дзеяннях падпольных арганізацый на тэрыторыі нашай краіны; захаванні гістарычнай памяці і яе мемарыялізацыі; укладзе савецкага народа ў перамогу над нацызмам. Будзе ўдзелена ўвага і адлюстраванню гісторыі Вялікай Айчыннай вайны ў вучэбна-выхаваўчым працэсе ў школах, сярэдніх спецыяльных навучальных установах, ВНУ.
Праграмай канферэнцыі прадугледжана ўручэнне дыпломаў лаўрэатам XVIII Міжнароднай маладзёжнай навукова-практычнай канферэнцыі "Вялікая Айчынная вайна 1941-1945 гадоў у гістарычнай памяці народа", якую вось ужо 18 гадоў запар арганізуюць Інстытут гісторыі Нацыянальнай акадэміі навук Беларусі і гімназія нумар 174 Мінска. За ўзнагароды нязменна змагаюцца не менш за сотню навучэнцаў з усіх абласцей краіны і Мінска.
Міжнародная навукова-практычная канферэнцыя "Вялікая Перамога ў імя міру і стварэння (да 80-годдзя Перамогі савецкага народа ў Вялікай Айчыннай вайне)" арганізуецца ў адпаведнасці з планам падрыхтоўкі і правядзення мерапрыемстваў па святкаванні 80-й гадавіны вызвалення Беларусі ад нямецка-фашысцкіх захопнікаў і Перамогі савецкага народа ў Вялікай Айчыннай вайне. Арганізатарамі выступаюць Нацыянальная акадэмія навук, Інстытут гісторыі НАН Беларусі, Міністэрства абароны, Міністэрства адукацыі.-0-
Міжнародны форум аб'яднае вучоных-гісторыкаў з Масквы, Санкт-Пецярбурга, Курскай, Смаленскай, Тамбоўскай і Тульскай абласцей, Рэспублікі Татарстан, Чувашскай і Чачэнскай Рэспублікі, Казахстана, Узбекістана і Кыргызстана.
Беларуская гістарычная навука будзе прадстаўлена на канферэнцыі вучонымі з 55 беларускіх і 18 замежных арганізацый: акадэмічных інстытутаў, вышэйшых навучальных устаноў, музеяў, архіваў, бібліятэк, школ.
Удзельнікі канферэнцыі разгледзяць сучасныя падыходы да асвятлення падзей Вялікай Айчыннай вайны, міжнародных адносін напярэдадні і ў гады вайны; звернуцца да ключавых бітваў; нагадаюць аб спецыфіцы нацысцкага акупацыйнага рэжыму на тэрыторыі Беларусі і ў штодзённым побыце ва ўмовах акупацыі; функцыянаванні калабарацыянісцкіх арганізацый і генацыдзе беларускага народа; раскажуць аб асаблівасцях партызанскага руху і дзеяннях падпольных арганізацый на тэрыторыі нашай краіны; захаванні гістарычнай памяці і яе мемарыялізацыі; укладзе савецкага народа ў перамогу над нацызмам. Будзе ўдзелена ўвага і адлюстраванню гісторыі Вялікай Айчыннай вайны ў вучэбна-выхаваўчым працэсе ў школах, сярэдніх спецыяльных навучальных установах, ВНУ.
Праграмай канферэнцыі прадугледжана ўручэнне дыпломаў лаўрэатам XVIII Міжнароднай маладзёжнай навукова-практычнай канферэнцыі "Вялікая Айчынная вайна 1941-1945 гадоў у гістарычнай памяці народа", якую вось ужо 18 гадоў запар арганізуюць Інстытут гісторыі Нацыянальнай акадэміі навук Беларусі і гімназія нумар 174 Мінска. За ўзнагароды нязменна змагаюцца не менш за сотню навучэнцаў з усіх абласцей краіны і Мінска.
Міжнародная навукова-практычная канферэнцыя "Вялікая Перамога ў імя міру і стварэння (да 80-годдзя Перамогі савецкага народа ў Вялікай Айчыннай вайне)" арганізуецца ў адпаведнасці з планам падрыхтоўкі і правядзення мерапрыемстваў па святкаванні 80-й гадавіны вызвалення Беларусі ад нямецка-фашысцкіх захопнікаў і Перамогі савецкага народа ў Вялікай Айчыннай вайне. Арганізатарамі выступаюць Нацыянальная акадэмія навук, Інстытут гісторыі НАН Беларусі, Міністэрства абароны, Міністэрства адукацыі.-0-
Падпісвайцеся на нас у
