Фота з архіва
4 кастрычніка, Мінск /Кар. БЕЛТА/. III Форум "Штучны інтэлект у Беларусі" і маштабная выстаўка перадавых айчынных распрацовак у галіне штучнага інтэлекту і робататэхнікі пройдуць у Нацыянальнай акадэміі навук Беларусі 10-11 кастрычніка, паведамілі БЕЛТА ў прэс-службе НАН.
Форум прымеркаваны да Дня Нацыянальнай акадэміі навук Беларусі. Да ўдзелу запрошаны навуковыя арганізацыі, якія займаюцца даследаваннямі ў галіне прымянення метадаў штучнага інтэлекту, прадстаўнікі тэхнапаркаў, рэзідэнтаў Парка высокіх тэхналогій, беларускіх прадпрыемстваў, прыватных кампаній, устаноў адукацыі, Акадэміі Міністэрства ўнутраных спраў Беларусі, Ваеннай акадэміі, а таксама школьнікі з усёй краіны.
У бягучым годзе форум выходзіць на міжнародны ўзровень дзякуючы гасцям з Расіі, Казахстана, Сербіі, а таксама рэзідэнтам індустрыяльнага парка "Вялікі камень", якія будуць прадстаўляць Кітай.
Удзельнікі форуму прадэманструюць свае дасягненні ў галіне штучнага інтэлекту на выстаўцы і прымуць удзел у насычанай дзелавой праграме. Галоўнай адметнасцю выстаўкі стане ўдзел беларускіх школьнікаў са сваімі распрацоўкамі ў галіне робататэхнікі.
У час форуму пройдзе маштабная выстаўка перадавых айчынных распрацовак у галіне штучнага інтэлекту і робататэхнікі, прэзентацыя інавацыйных навінак ад беларускіх вучоных. Таксама запланавана правядзенне хакатону сярод студэнтаў вышэйшых навучальных устаноў па падрыхтаваных кейсах ад Аб'яднанага інстытута праблем інфарматыкі НАН. Акрамя таго, будуць падведзены вынікі адкрытага конкурсу "Лідары штучнага інтэлекту ў Беларусі - 2024" у трох намінацыях: "Кампанія - лідар штучнага інтэлекту Беларусі", "Праект - лідар штучнага інтэлекту Беларусі", "Прадукт - лідар штучнага інтэлекту Беларусі".
Дзелавая праграма ўключае правядзенне пленарнага пасяджэння, круглых сталоў па розных тэматычных секцыях, уключаючы тэарэтычныя і практычныя распрацоўкі ў галіне штучнага інтэлекту ў Беларусі і за мяжой, падрыхтоўку кваліфікаваных кадраў па распрацоўцы і ўкараненні тэхналогій ШІ, перспектывы развіцця ШІ у Беларусі.
На думку арганізатараў, мэта форуму "Штучны інтэлект у Беларусі" - дэманстрацыя дасягненняў у галіне штучнага інтэлекту і робататэхнікі, развіццё і каардынацыя супрацоўніцтва вучоных і спецыялістаў, якія займаюцца даследаваннямі ў галіне прымянення метадаў ШІ, у інтарэсах пошуку эфектыўных рашэнняў і практычных рэкамендацый па іх прымяненні ў розных сферах.
Арганізатарамі III Форуму "Штучны інтэлект у Беларусі" традыцыйна выступаюць Нацыянальная акадэмія навук Беларусі і Аб'яднаны інстытут праблем інфарматыкі НАН.-0-
Форум прымеркаваны да Дня Нацыянальнай акадэміі навук Беларусі. Да ўдзелу запрошаны навуковыя арганізацыі, якія займаюцца даследаваннямі ў галіне прымянення метадаў штучнага інтэлекту, прадстаўнікі тэхнапаркаў, рэзідэнтаў Парка высокіх тэхналогій, беларускіх прадпрыемстваў, прыватных кампаній, устаноў адукацыі, Акадэміі Міністэрства ўнутраных спраў Беларусі, Ваеннай акадэміі, а таксама школьнікі з усёй краіны.
У бягучым годзе форум выходзіць на міжнародны ўзровень дзякуючы гасцям з Расіі, Казахстана, Сербіі, а таксама рэзідэнтам індустрыяльнага парка "Вялікі камень", якія будуць прадстаўляць Кітай.
Удзельнікі форуму прадэманструюць свае дасягненні ў галіне штучнага інтэлекту на выстаўцы і прымуць удзел у насычанай дзелавой праграме. Галоўнай адметнасцю выстаўкі стане ўдзел беларускіх школьнікаў са сваімі распрацоўкамі ў галіне робататэхнікі.
У час форуму пройдзе маштабная выстаўка перадавых айчынных распрацовак у галіне штучнага інтэлекту і робататэхнікі, прэзентацыя інавацыйных навінак ад беларускіх вучоных. Таксама запланавана правядзенне хакатону сярод студэнтаў вышэйшых навучальных устаноў па падрыхтаваных кейсах ад Аб'яднанага інстытута праблем інфарматыкі НАН. Акрамя таго, будуць падведзены вынікі адкрытага конкурсу "Лідары штучнага інтэлекту ў Беларусі - 2024" у трох намінацыях: "Кампанія - лідар штучнага інтэлекту Беларусі", "Праект - лідар штучнага інтэлекту Беларусі", "Прадукт - лідар штучнага інтэлекту Беларусі".
Дзелавая праграма ўключае правядзенне пленарнага пасяджэння, круглых сталоў па розных тэматычных секцыях, уключаючы тэарэтычныя і практычныя распрацоўкі ў галіне штучнага інтэлекту ў Беларусі і за мяжой, падрыхтоўку кваліфікаваных кадраў па распрацоўцы і ўкараненні тэхналогій ШІ, перспектывы развіцця ШІ у Беларусі.
На думку арганізатараў, мэта форуму "Штучны інтэлект у Беларусі" - дэманстрацыя дасягненняў у галіне штучнага інтэлекту і робататэхнікі, развіццё і каардынацыя супрацоўніцтва вучоных і спецыялістаў, якія займаюцца даследаваннямі ў галіне прымянення метадаў ШІ, у інтарэсах пошуку эфектыўных рашэнняў і практычных рэкамендацый па іх прымяненні ў розных сферах.
Арганізатарамі III Форуму "Штучны інтэлект у Беларусі" традыцыйна выступаюць Нацыянальная акадэмія навук Беларусі і Аб'яднаны інстытут праблем інфарматыкі НАН.-0-
Падпісвайцеся на нас у
