Сцяг Аўторак, 18 чэрвеня 2024
Усе навіны
Усе навіны
Грамадства
09 верасня 2022, 11:40

Марзалюк: падручнік гісторыі беларускай дзяржаўнасці для ВНУ прэзентуюць 15 верасня

9 верасня, Мінск /Кар. БЕЛТА/. Прэзентацыя падручніка гісторыі беларускай дзяржаўнасці для ВНУ пройдзе 15 верасня. Аб гэтым на дыялогавай пляцоўцы рэспубліканскай інфармацыйна-асветнай акцыі "Беларусь адзіная" ў Барысаве, прымеркаванай да Дня народнага адзінства, заявіў старшыня Пастаяннай камісіі па адукацыі, культуры і навуцы Палаты прадстаўнікоў Ігар Марзалюк, паведамляе БЕЛТА.

На правакацыйнае пытанне журналіста, як процістаяць уплыву заходніх каштоўнасцей на беларускую моладзь, гісторык адказаў цытатай Канфуцыя: "Аднадумцы не тыя, хто думае аднолькава, а тыя, хто думае аб адным і тым жа". Таму давайце думаць пра нашу Беларусь. Наша гістарычная памяць не можа быць прычасанай, не можа быць нарэзкай нейкіх зручных фактаў з адкідваннем нязручных. Прэзідэнт вельмі правільна сказаў: "Гісторыя Беларусі - гісторыя вялікага народа". У нас даўнія гістарычныя традыцыі: адлік нашай дзяржаўнасці пачынаецца з Полацка і Турава. Мы былі этнавызначальнай этнічнай супольнасцю ў ВКЛ. Аб усім гэтым павінен ведаць кожны беларус".

Шмат увагі падчас сустрэчы было ўдзелена пытанням гістарычнай памяці, нацыянальнай і грамадзянскай самаідэнтычнасці. Ігар Марзалюк вылучыў нацыянальныя прыкметы беларусаў, такія як чалавечнасць, талерантнасць, дабрыня, якія адрозніваюць беларускі народ ад усіх іншых. "Гістарычная памяць - гэта адказ на тры найважнейшыя фундаментальныя пытанні: адкуль мы, чаму мы і чаму мы такія, якія мы ёсць. Менавіта на аснове гістарычнай традыцыі, калектыўнага вопыту пакаленняў мы будуем сваю стратэгію развіцця. У нас свая гісторыя, свая беларуская традыцыя і свой беларускі народ, які, нягледзячы на вельмі складаны шлях развіцця і ўсе выпрабаванні, якія выпалі на яго долю ў XX стагоддзі, змог захаваць чалавечнасць. Мы павінны ганарыцца, што беларусы - самы чалавечны і антынацысцкі народ. Для большасці беларусаў нехарактэрны ген здраднікаў. Беларусы ніколі не дазвалялі сабе, у адрозненне ад іншых народаў, самавольныя пагромы яўрэйскага насельніцтва і знішчэнне людзей па расава-этнічнай прыкмеце. Адзін з польскіх гісторыкаў абсалютна справядліва адзначыў, што Беларусь - краіна добрых людзей. І гэту дабрыню, традыцыю і сілу мы павінны захоўваць сёння, заўтра і заўсёды", - падкрэсліў эксперт.

Паводле слоў Ігара Марзалюка, Беларусь - прыклад таго, што нацыянальная дзяржава можа існаваць без нянавісці і ксенафобіі, калі пад нацыяй маюцца на ўвазе ўсе, у каго ёсць беларускі пашпарт, незалежна ад паходжання.

Гісторык таксама адзначыў, што пры яго ўдзеле быў створаны падручнік па гісторыі беларускай дзяржаўнасці для беларускіх ВНУ. Прэзентацыя кнігі тыражом 5,5 тыс. экзэмпляраў пройдзе 15 верасня. Новы падручнік па гісторыі Беларусі з'явіцца ў вучняў 11-х класаў сярэдніх навучальных устаноў. Праз год абновяцца падручнікі па гісторыі Беларусі для сістэмы прафесійна-тэхнічных навучальных устаноў.-0-

Падпісвайцеся на нас у
Twitter
Топ-навіны
Свежыя навіны Беларусі