Мабільная версія
ДЗЯРЖОРГАНЫ

Апошнія навіны
Усе навіны

Малатанажны транспарт вызваляецца ад платы за праезд па дарогах Беларусі з 10 чэрвеня па 10 ліпеня

Грамадства 10.06.2019 | 12:04

10 чэрвеня, Мінск /Кар. БЕЛТА/. Уладальнікі транспартных сродкаў з тэхнічна дапушчальнай агульнай масай не больш як 3,5 т з прычэпамі з 10 чэрвеня па 10 ліпеня вызваляюцца ад платы за праезд па платных аўтамабільных дарогах Беларусі. Гэта прадугледжана ўказам нумар 292, паведамляе карэспандэнт БЕЛТА.

На гэты перыяд уладальнікам названай катэгорыі транспартных сродкаў не трэба заключаць дагавор карыстання платнай аўтамабільнай дарогай, рэгістраваць транспартны сродак у сістэме BelToll і ўстанаўліваць на транспартны сродак устройства электроннай аплаты.

Калі ў вадзіцеля ўжо ёсць дагавор і ён будзе перамяшчацца па платных участках дарог у перыяд з 10 чэрвеня па 10 ліпеня, аператар раіць змясціць устройства электроннай аплаты ў ахоўную ўпакоўку (металізаваны пакет), інакш пры праездзе пад станцыямі збору платы яно будзе падаваць гукавыя сігналы. Пры гэтым спісанне грашовых сродкаў з рахунку праводзіцца не будзе.

З 00.00 11 ліпеня рух па платных дарогах Беларусі будзе ажыццяўляцца ў звычайным рэжыме.

Нагадаем, абавязацельствы па аплаце за карыстанне платнымі аўтадарогамі распаўсюджваюцца на транспартныя сродкі з тэхнічна дапушчальнай агульнай масай больш за 3,5 т, а таксама з тэхнічна дапушчальнай агульнай масай не больш за 3,5 т, зарэгістраваныя за межамі Еўразійскага эканамічнага саюза.

Указ нумар 292 "Аб мерах па падрыхтоўцы і правядзенні ІІ Еўрапейскіх гульняў 2019 года" падпісаны 24 ліпеня 2018 года. Дакумент таксама ўстанаўлівае бязвізавы ўезд у Беларусь для ўдзельнікаў, афіцыйных прадстаўнікоў, арганізатараў гульняў, іншых спецыялістаў з 20 мая па 10 ліпеня 2019 года, а таксама для замежных турыстаў з 10 чэрвеня па 10 ліпеня 2019 года па акрэдытацыйных картках або білетах на спартыўныя спаборніцтвы. Акрамя таго, дакумент абмяжоўвае перамяшчэнне грузавых аўтамабіляў у Мінску ў дзённы час у перыяд правядзення гульняў, рэгулюе тэрміны дзеяння спецыяльнай мытнай працэдуры адносна замежных тавараў, увозімых на тэрыторыю Беларусі і прызначаных для падрыхтоўкі і правядзення спаборніцтваў.-0-

Версія для друку
Навіны рубрыкі Грамадства
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Кіеў
Ліда
Мінск
Магілёў
Магілёў
Мозыр
Масква
Орша
Полацк
Рыга
Санкт-Пецярбург
Салігорск
Салігорск

Інфаграфіка

Партрэт кандыдата ў дэпутаты Усяго арганізаваны 5831 участак для галасавання, з якіх 46 за межамі краіны. Агульная колькасць выбаршчыкаў - 6 880 605 чалавек, з якіх за мяжой 3 682 чалавекі.