Фота e-cis.info
28 лістапада, Мінск /Кар. БЕЛТА/. Удзельнікі Форуму маладзёжных грамадскіх арганізацый краін СНД натхняюць іншых на добрыя і карысныя справы, заявіў генеральны сакратар СНД Сяргей Лебедзеў у прывітальным слове ўдзельнікам Форуму маладзёжных грамадскіх арганізацый дзяржаў Садружнасці. Аб гэтым БЕЛТА паведамілі ў прэс-службе Выканаўчага камітэта СНД.
Форум маладзёжных грамадскіх арганізацый дзяржаў - удзельніц СНД праходзіць з 27 па 30 лістапада ў Санкт-Пецярбургу. Ён ужо дзявяты раз збірае маладых лідараў краін Садружнасці, захоўваючы сваю ролю як знакавага месца сустрэч і абмеркавання актуальных пытанняў маладзёжнай палітыкі. "Мы высока цэнім актыўную грамадзянскую пазіцыю ўдзельнікаў форуму, які аб'ядноўвае неабыякавых людзей, гатовых дзяліцца вопытам і натхняць іншых на добрыя і карысныя справы", - адзначыў Сяргей Лебедзеў.
Паводле яго слоў, менавіта ўдзельнікі гэтага форуму мінулых гадоў сталі ініцыятарамі падрыхтоўкі міжнароднага праекта "Маладзёжная сталіца СНД", што паспяхова стартаваў у горадзе Ташкенце. Па іх ініцыятыве прынята рашэнне аб'явіць у Садружнасці Год валанцёрскага руху і яны ж сталі актыўнымі распрацоўшчыкамі плана мерапрыемстваў па яго правядзенні.
"Праграма цяперашняга форуму вельмі насычаная і цікавая. Пры гэтым кожны ўдзельнік можа ініцыяваць разгляд і іншых важных з яго пункту гледжання пытанняў", - падкрэсліў Сяргей Лебедзеў. Ён выказаў упэўненасць, што дзякуючы давернай маладзёжнай атмасферы на форуме будуць абмяркоўвацца актуальныя і сацыяльна значныя тэмы, а культурная жамчужына - цудоўны горад Санкт-Пецярбург пакіне самыя яркія ўспаміны.
Да ўдзелу запрошаны маладыя людзі ва ўзросце ад 18 да 35 гадоў з краін СНД, лідары і актывісты валанцёрскіх арганізацый / аб'яднанняў / рухаў, спецыялісты па рабоце з моладдзю з маладзёжных арганізацый і аб'яднанняў. Асноўнымі тэмамі форуму 2024 года сталі: валанцёрская дзейнасць у СНД (вынікі Года валанцёрскага руху ў СНД і перспектывы супрацоўніцтва, прэзентацыя паспяховых праектаў і мерапрыемстваў краін), дзейнасць спецыялістаў па рабоце з моладдзю з дзяржаў - удзельніц СНД (абмен вопытам, паспяховыя практыкі работы з моладдзю, знаёства з маладзёжнымі структурамі Садружнасці, прэзентацыя магчымасцей у краінах для спецыялістаў па рабоце з моладдзю).-0-
Форум маладзёжных грамадскіх арганізацый дзяржаў - удзельніц СНД праходзіць з 27 па 30 лістапада ў Санкт-Пецярбургу. Ён ужо дзявяты раз збірае маладых лідараў краін Садружнасці, захоўваючы сваю ролю як знакавага месца сустрэч і абмеркавання актуальных пытанняў маладзёжнай палітыкі. "Мы высока цэнім актыўную грамадзянскую пазіцыю ўдзельнікаў форуму, які аб'ядноўвае неабыякавых людзей, гатовых дзяліцца вопытам і натхняць іншых на добрыя і карысныя справы", - адзначыў Сяргей Лебедзеў.
Паводле яго слоў, менавіта ўдзельнікі гэтага форуму мінулых гадоў сталі ініцыятарамі падрыхтоўкі міжнароднага праекта "Маладзёжная сталіца СНД", што паспяхова стартаваў у горадзе Ташкенце. Па іх ініцыятыве прынята рашэнне аб'явіць у Садружнасці Год валанцёрскага руху і яны ж сталі актыўнымі распрацоўшчыкамі плана мерапрыемстваў па яго правядзенні.
"Праграма цяперашняга форуму вельмі насычаная і цікавая. Пры гэтым кожны ўдзельнік можа ініцыяваць разгляд і іншых важных з яго пункту гледжання пытанняў", - падкрэсліў Сяргей Лебедзеў. Ён выказаў упэўненасць, што дзякуючы давернай маладзёжнай атмасферы на форуме будуць абмяркоўвацца актуальныя і сацыяльна значныя тэмы, а культурная жамчужына - цудоўны горад Санкт-Пецярбург пакіне самыя яркія ўспаміны.
Да ўдзелу запрошаны маладыя людзі ва ўзросце ад 18 да 35 гадоў з краін СНД, лідары і актывісты валанцёрскіх арганізацый / аб'яднанняў / рухаў, спецыялісты па рабоце з моладдзю з маладзёжных арганізацый і аб'яднанняў. Асноўнымі тэмамі форуму 2024 года сталі: валанцёрская дзейнасць у СНД (вынікі Года валанцёрскага руху ў СНД і перспектывы супрацоўніцтва, прэзентацыя паспяховых праектаў і мерапрыемстваў краін), дзейнасць спецыялістаў па рабоце з моладдзю з дзяржаў - удзельніц СНД (абмен вопытам, паспяховыя практыкі работы з моладдзю, знаёства з маладзёжнымі структурамі Садружнасці, прэзентацыя магчымасцей у краінах для спецыялістаў па рабоце з моладдзю).-0-
Падпісвайцеся на нас у
