Сцяг Аўторак, 19 сакавіка 2024
Усе навіны
Усе навіны
Грамадства
29 сакавіка 2023, 16:08

Макараў: кожнае пасланне Прэзідэнта народу і парламенту - вобраз будучыні

29 сакавіка, Мінск /Кар. БЕЛТА/. Кожнае пасланне Прэзідэнта беларускаму народу і парламенту - вобраз будучыні. Аб гэтым заявіў журналістам дырэктар БІСД Алег Макараў, перадае карэспандэнт БЕЛТА.

"Цяжка прадбачыць і гаварыць аб нейкіх чаканнях. Відавочна, што ёсць шэраг пытанняў, якія былі пастаўлены кіраўніком дзяржавы на падагульняючым Саўміне, якія датычацца эканомікі і развіцця. І тэма эканамічнага развіцця Беларусі, новых вектараў, новых рынкаў, развіццё сацыяльнай сферы. Таму што гэта - прыярытэт нашай краіны, прыярытэт Прэзідэнта Беларусі. Мы ад кожнага паслання чакаем вобраз будучыні; таго, як нам жыць далей", - сказаў Алег Макараў.

Паводле яго слоў, пасланне - вельмі значнае для беларускага народа і парламента. "Мы потым звяраем сваё жыццё з ім", - адзначыў дырэктар БІСД.

Прэзідэнт Беларусі Аляксандр Лукашэнка 31 сакавіка звернецца са штогадовым Пасланнем беларускаму народу і парламенту. Мерапрыемства пройдзе ў шырокім фармаце ў Палацы Рэспублікі. У ліку запрошаных - парламентарыі і дэлегацыі ад абласцей і горада Мінска, вышэйшыя службовыя асобы краіны, члены ўрада, кіраўнікі дзяржаўных органаў, сродкаў масавай інфармацыі, прадстаўнікі дыпламатычнага корпуса і міжнародных арганізацый, кіраўнікі рэлігійных канфесій, парламентарыі мінулых скліканняў, прадстаўнікі рэальнага сектара эканомікі, моладзь, прадстаўнікі грамадзянскай супольнасці, журналісты. Усяго ў мерапрыемстве прымуць удзел больш за 2500 чалавек.-0-

Падпісвайцеся на нас у
Twitter
Топ-навіны
Свежыя навіны Беларусі