Мабільная версія
ДЗЯРЖОРГАНЫ
Апошнія навіны
Усе навіны

Магчымасць пераводу арэнднага жылля ў сацыяльнае плануецца ўключыць у абноўлены Жыллёвы кодэкс

Грамадства 16.05.2018 | 16:27
Фота з архіва
Фота з архіва

16 мая, Мінск /Кар. БЕЛТА/. Магчымасць пераводу арэнднага жылля ў сацыяльнае плануецца ўключыць у абноўлены Жыллёвы кодэкс, паведаміла карэспандэнту БЕЛТА намеснік старшыні Пастаяннай камісіі па жыллёвай палітыцы і будаўніцтве Палаты прадстаўнікоў Аксана Гайдук.

Дэпутат растлумачыла, што магчымасць пераводу арэнднага жылля ў жылыя памяшканні сацыяльнага карыстання прадугледжана для пэўнай катэгорыі грамадзян. Размова ідзе аб тых, хто меў патрэбу ў паляпшэнні жыллёвых умоў, не стаяў у чарзе, але мае права на сацыяльнае жыллё. "Калі ім прадастаўлена арэнднае, то яго можна будзе перавесці ў жылое памяшканне сацыяльнага карыстання", - адзначыла Аксана Гайдук.

Гэта прадугледжана папраўкамі ў некаторыя законы Беларусі па пытаннях прававога рэгулявання жыллёвых адносін. Законапраект прадугледжвае выкладанне Жыллёвага кодэкса ў новай рэдакцыі і замацоўвае тое новае і перспектыўнае, што напрацавана за апошнія гады, захоўваючы пры гэтым сацыяльную накіраванасць. Аксана Гайдук расказала аб іншых новаўвядзеннях. У прыватнасці, законапраектам замацоўваюцца асноўныя жыллёва-камунальныя паслугі, а таксама пералік асоб, якія могуць выступаць іх выканаўцамі і спажыўцамі. У дакуменце прапісаны абавязак удзельнікаў долевай уласнасці аплачваць жыллёва-камунальныя паслугі суразмерна сваёй долі. У новым Жыллёвым кодэксе знайшла адлюстраванне новая структура дзяржжылфонду: сацыяльнае жыллё, жыллё ў інтэрнатах, спецыяльныя жылыя памяшканні і арэнднае жыллё. Акрамя таго, у законапраекце ўрэгуляваны асобныя пытанні, звязаныя з фінансавай арэндай (лізінгам) жылых памяшканняў.

Папраўкі ў некаторыя законы Беларусі па пытаннях прававога рэгулявання жыллёвых адносін дэпутаты плануюць разгледзець у першым чытанні на пасяджэнні Палаты прадстаўнікоў 17 мая.-0-

Версія для друку
Навіны рубрыкі Грамадства
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Спрашчэнне працэдуры дзяржрэгістрацыі і зняцця з уліку аўтамабіляў Савет Міністраў скарэкціраваў палажэнне аб парадку дзяржаўнай рэгістрацыі і дзяржаўнага ўліку транспартных сродкаў, зняцця з уліку і ўнясення змяненняў у дакументы, звязаныя з рэгістрацыяй транспартных сродкаў.