ДЗЯРЖОРГАНЫДЗЯРЖОРГАНЫ
Флаг Аўторак, 11 мая 2021
Мінск Ясна +19°C
Усе навіны
Усе навіны
Грамадства
22 красавіка 2021, 15:46

Маёмасныя пытанні і абарона правоў дзяцей - Чупрыс правяла прыём грамадзян у Чэрыкаве

Вольга Чупрыс у час прыёму грамадзян
Вольга Чупрыс у час прыёму грамадзян

22 красавіка, Чэрыкаў /Кар. БЕЛТА/. Маёмасныя пытанні і абарона правоў дзяцей - з такімі праблемамі на выязны прыём грамадзян звярнуліся жыхары Магілёўскай і Мінскай абласцей да намесніка кіраўніка Адміністрацыі Прэзідэнта Вольгі Чупрыс, які прайшоў сёння ў Чэрыкаўскім райвыканкаме, перадае карэспандэнт БЕЛТА.

Усяго на прыём паступіла пяць зваротаў. Па вырашэнне сваіх праблем сюды звярнуліся жыхары Мінска, Магілёва, Крычава і Чэрыкава.

Перад прыёмам адна з заяўніц з Магілёва адзначыла, што такія прыёмы дапамагаюць быць пачутымі. "Я прыехала сюды з асабістым пытаннем, з якім на мясцовым узроўні не можам разабрацца. І такія сустрэчы дапамагаюць быць пачутымі нават тым людзям, якія жывуць у аддаленых ці малых населеных пунктах. Гэта дае магчымасць разабрацца ў праблеме, удакладніць нейкія пытанні. Акрамя таго, такія сустрэчы ўсяляюць надзею, што твая праблема будзе вырашана", - падзялілася жанчына.

Разам з ёй прыехала яшчэ адна магіляўчанка - у жанчын былі пытанні аб магчымым памілаванні іх сыноў, якія адбываюць пакаранне за незаконны абарот наркотыкаў. Намеснік кіраўніка Адміністрацыі Прэзідэнта растлумачыла жанчынам парадак падачы хадайніцтваў і адзначыла некаторыя моманты, на якія звяртае ўвагу камісія, што разглядае такія звароты.

Са сваёй праблемай на прыём прыехала жыхарка Мінска. Жанчына расказала, што з 2000 года пражывала ў жылым доме, які размяшчаўся ў адной з гаспадарак Мінскага раёна. Дом будаваў яе муж, калі быў кіраўніком гэтага агракамбіната. Аднак мужчына не паспеў яго прыватызаваць і выкупіць - памёр. Пасля гэтага жанчыну з дома выселілі, паколькі ў гаспадарцы ніякіх дакументаў на пабудову не было. Жанчына расказала, што гэта жыллё пакінулі гаспадарцы. Цяпер яна пражывае ў здымным жыллі і хоча вярнуць дом. Раней жанчына звярталася ў Вярхоўны суд, у Адміністрацыю Прэзідэнта, аднак атрыманыя адказы яе не задаволілі.

З пытаннем аб абароне правоў непаўналетняга дзіцяці звярнулася жыхарка Крычава. Жанчына выхоўвае сына 2003 года нараджэння, з мужам разведзеная. Яна падала заяву на аліменты яшчэ ў 2006 годзе. Паводле сцвярджэнняў заяўніцы, сумы, што выплачваюцца, не адпавядаюць нормам заканадаўства. Былы муж заяўніцы працуе ў Расійскай Федэрацыі. У 2019 годзе выканаўчы ліст па пагадненні быў накіраваны ў Расію, аднак ніякіх выплат не ажыццяўлялася на працягу года, а пазней яна атрымала за год суму меншую, чым была пазначана ў паведамленні за 5 месяцаў.

Шматдзетная мама з Чэрыкава прыехала з пытаннем аб тым, чаму ёй адмовілі ва ўзнагароджанні Ордэнам Маці яшчэ на этапе падрыхтоўкі дакументаў. Жанчына выхоўвае 5 дзяцей, з якіх трое - непаўналетнія. Знайсці разумення на мясцовым узроўні не ўдалося, таму яна прыехала на асабісты прыём.

"Асабліва на выязных прыёмах адчуваецца ўвага людзей да сваёй асабістай праблемы. Часта яны прыходзяць, разумеючы, што іх пытанне не можа быць вырашана тут і цяпер, тым больш калі яно датычыцца судовых спрэчак. Быццам бы ёсць судовае рашэнне, але чалавек не задаволены ім. Разам з тым ён хоча знайсці падтрымку і разуменне таго, куды рухацца далей, як яму жыць з гэтым далей, як прыняць гэта рашэнне. Мы ідзём насустрач, размаўляем, расказваем аб правамернасці гэтага рашэння, аб магчымых варыянтах далейшага абскарджання, потым як разабрацца ў ім, - адзначыла намеснік кіраўніка. - Стараюся пры асабістых прыёмах размаўляць з народам, падрабязна выслухоўваць, недзе дэталёва ўнікнуць у сітуацыю. У гэтым якраз і заключаецца мэта. Не ўсе ж могуць прыехаць у Мінск, напрыклад у Адміністрацыю Прэзідэнта, і ў абласны выканкам. А нават калі і могуць, абласны выканкам, як быццам свой і блізкі, а хочацца пачуць іншае меркаванне, убачыць удзел у сваёй асабістай праблеме не толькі мясцовай, але і цэнтральнай улады. Таму выязджаем, сустракаемся і стараемся вырашаць пытанні людзей. Як мне здаецца, у большасці выпадкаў паспяхова".

Паводле слоў Вольгі Чупрыс, выязныя прыёмы грамадзян - своеасаблівая зваротная сувязь. "Гэтыя асабістыя прыёмы даюць магчымасць і для самой улады зразумець, што не так на месцах, што трэба падкарэкціраваць. Недзе бачым варыянты ўдасканалення заканадаўства, арганізацыйнай работы ў органах улады. Потым кіруемся гэтым у практычнай дзейнасці", - падкрэсліла намеснік кіраўніка Адміністрацыі Прэзідэнта.

Таксама Вольга Чупрыс падзялілася новаўвядзеннямі, якія ў бліжэйшым будучым з'явяцца ў рабоце са зваротамі грамадзян і юрыдычных асоб. "Задумка Адміністрацыі Прэзідэнта аб стварэнні адзінай аўтаматызаванай сістэмы ўліку і апрацоўкі зваротаў грамадзян Беларусі была даўно - і рэалізацыя гэтай работы пачалася ўжо. Паколькі работа складаная (гэта ўкараненне інфармацыйных тэхналогій, распрацоўка пэўнага праграмнага забеспячэння), яна не была вырашана ў адзін дзень і нават год. Але ўжо ў гэтым годзе з'явіліся пробныя ўзоры такой сістэмы і да канца года яна павінна быць укаранёна ў жыццё. Наша галоўная мэта - павышэнне эфектыўнасці ў рабоце са зваротамі грамадзян і юрыдычных асоб, - падкрэсліла Вольга Чупрыс. - Чалавек зможа падаць свой электронны зварот і далей адсачыць працэс работы з ім. Пры гэтым органы дзяржаўнага кіравання будуць мець магчымасць адсочваць рух звароту, напрыклад, ад раённага выканкама і да Адміністрацыі Прэзідэнта. Мы будзем бачыць, як мяняўся ход звароту, як далей падаваліся гэтым грамадзянінам яшчэ некалькі звязаных зваротаў. Якія рашэнні па гэтым звароце прымаліся мясцовымі ўладамі, вышэйшымі органамі ўлады. Гэта значыць увесь ход работы са зваротам чалавека. І той, хто звярнуўся, таксама ўбачыць, як вялася работа па яго праблеме. Спадзяёмся, што такая работа пойдзе на карысць. Да канца года Міністэрства сувязі плануе запусціць сістэму ў падагульняючую эксплуатацыю".-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі