9 кастрычніка, Мінск /Кар. БЕЛТА/. Мадэрнізаваная рэактыўная сістэма залпавага агню (РСЗА) "Ураган" можа паступіць на ўзбраенне беларускай арміі, паведамілі БЕЛТА ў Мінабароны Беларусі.
Сёння на палігоне Асіповіцкі прайшлі выпрабаванні з баявымі пускамі мадэрнізаванай РСЗА "Ураган". Пускі прайшлі паспяхова, снарады з высокай дакладнасцю паразілі цэлі.
Сістэма прайшла паглыбленую мадэрнізацыю на прадпрыемствах Дзяржкамваенпрама Беларусі. Мадэрнізаваны "Ураган" атрымаў новае шасі, сучасныя сродкі навігацыі, сувязі, перадачы даных, пазіцыянавання і інш.
Выпрабаванні пракаменціраваў начальнік ракетных войскаў і артылерыі Узброеных Сіл генерал-маёр Генадзь Казлоўскі. "Рэзультат мадэрнізацыі баявой машыны апраўдаў чаканні. Мадэрнізаваны "Ураган" атрымаўся прымальны для нашых войскаў. Дзякуючы новым шасі ён мае палепшаную праходнасць, больш зручны ў абслугоўванні. Перавод з паходнага становішча ў баявое ажыццяўляецца хутчэй, чым у не мадэрнізаванай версіі гэтай РСЗА", - прыводзіць словы Генадзя Казлоўскага прэс-служба Мінабароны.
"Гэта былі толькі папярэднія выпрабаванні. Яшчэ будзем удасканальваць некаторыя моманты. У хуткім часе пройдуць і дзяржаўныя выпрабаванні. Пасля гэтага ўжо будзе вырашацца пытанне аб пастаўцы баявых машын у нашы Узброеныя Сілы", - сказаў начальнік ракетных войскаў і артылерыі.-0-
