Мадэрнізацыя трамваяў, будаўніцтва спартзбудаванняў. Беларусь і Іркуцкая вобласць намецілі новыя праекты

20 студзеня, Масква /Эдуард Півавар - БЕЛТА/. Шэраг новых перспектыўных двухбаковых праектаў абмеркаваны на праведзенай 20 студзеня ў Маскве сустрэчы пасла Беларусі ў Расіі Аляксандра Рагожніка з губернатарам Іркуцкай вобласці Ігарам Кобзевым, перадае карэспандэнт БЕЛТА.

"Сёння мы прадметна абмеркавалі шэраг напрамкаў: пастаўкі кар'ерных самазвалаў, харчовай групы тавараў, будаўніцтва знакавых спартыўных збудаванняў. Акрамя таго - мадэрнізацыя трамвайнага парку ў Іркуцкай вобласці. Мы дамовіліся, што ў канцы лютага дэлегацыя Беларусі пад маім кіраўніцтвам выедзе ў Іркуцк для абмеркавання гэтага пытання", - расказаў журналістам Аляксандр Рагожнік па выніках перагавораў.

Бакі закраналі пытанні супрацоўніцтва ў сельскай гаспадарцы, у тым ліку па вырошчванні агародніны закрытага грунту. Асобна абмяркоўвалася гуманітарная сфера: маладзёжны парадак дня, праекты ў сферы адукацыі, удзел каманды "МАЗ-СПОРТаўта" ў ралі "Шаўковы шлях" летам бягучага года.

"Абмяркоўвалі ў тым ліку маючы адбыцца візіт губернатара ў Беларусь і наведванне ім знакавых беларускіх прадпрыемстваў, асабліва тых, якія звязаны з авіябудаваннем", - дадаў пасол.-0-