Фота з архіва
23 верасня, Мінск /Кар. БЕЛТА/. Сталіца з 2 па 4 кастрычніка прыме 48-ю Міжнародную спецыялізаваную выстаўку-кірмаш па аптовым продажы тавараў лёгкай прамысловасці BelTexIndustry, на палях якой свае навінкі прадэманструюць вядучыя прадпрыемствы галіны лёгкай прамысловасці Беларусі. Аб гэтым расказала старшыня канцэрна "Беллегпрам" Таццяна Лугіна ў час прэс-канферэнцыі, прысвечанай выстаўцы ВТІ як пляцоўцы, дзе задаюць модныя трэнды і прэзентуюць інавацыі тэкстыльнай галіны, перадае карэспандэнт БЕЛТА.
"Ужо традыцыйна на працягу шэрага гадоў у рамках выстаўкі ўсе лепшыя прадпрыемствы айчыннай галіны лёгкай прамысловасці дэманструюць навінкі, прапануюць да абмеркавання сваім аптовым пакупнікам распрацоўкі калекцый восень-зіма і вясна-лета наступнага года, каб паказаць сябе, па-першае, а па-другое, атрымаць зваротную сувязь ад прадстаўнікоў гандлю ў выглядзе заявак або папярэдніх аб'ёмаў, - растлумачыла кіраўнік канцэрна. - Выстаўка - магчымасць даведацца меркаванне спажыўца і зразумець, з чым мы ўгадалі, а з чым не, абмеркаваць цэнавыя прапановы і ўзгадніць аб'ёмы, запланаваныя да вытворчасці і рэалізацыі. Сустрэчы вытворцаў і пакупнікоў на BTI заўсёды праходзяць у вельмі дынамічным рэжыме".
Таццяна Лугіна падкрэслівае: у апошнія гады ў сувязі з глабальнымі змяненнямі ў эканоміцы на знешнім контуры значнасць вочных стасункаў, якія дае форум, узрасла ў разы. Зацікаўленасць праяўляюць і замежныя партнёры, паколькі BelTexIndustry з году ў год збірае ўсё большую колькасць замежных наведвальнікаў. У 2024-м, напрыклад, аб сваім намеры стаць удзельнікамі форуму заявілі не толькі надзейныя партнёры з самых розных рэгіёнаў Расіі, цікавасць праявілі і прадстаўнікі іншых краін постсавецкай прасторы. Так, буйная дэлегацыя ў складзе амаль 20 экспертаў чакаецца ад Асацыяцыі прадпрыемстваў тэкстыльнай і швейна-трыкатажнай прамысловасці Узбекістана, прыбудуць для ўдзелу ў BTI таксама спецыялісты з Кыргызстана і Казахстана. Папярэдне пацвердзілі свой удзел зімбабвійскія бізнес-колы.
Паводле слоў старшыні "Беллегпрама", выстаўка прадугледжвае вельмі насычаную дзелавую праграму. У экспазіцыі, дарэчы, прымуць удзел, акрамя айчынных вытворцаў легпрама, кампаніі з Турцыі і нерэзідэнты Беларусі і Расіі, якія імкнуцца наладзіць узаемадзеянні з прадпрыемствамі і суб'ектамі гандлю.
"Актыўнасць бізнес-камунікацый - сведчанне таго, што сёння наша галіна лёгкай прамысловасці нават у няпростых эканамічных умовах, што склаліся для нас на знешнім контуры, з выклікамі спраўляецца. Мы адчуваем напружанне і ў лагістычных схемах пастаўкі сыравіны або камплектуючых. Пэўныя складанасці ёсць з разлікамі як праз еўрапейскія банкі, так і ў рабоце з банкаўскімі ўстановамі Турцыі, Кітая, іншых дзяржаў. Гэта вядзе да павелічэння часу ў разліках, - расказала Таццяна Лугіна. - Як бы нам ні хацелася адваротнага, лёгкая прамысловасць і яе прадпрыемствы ўбудаваны ў агульную сістэму каардынат. І гэта датычыцца не толькі нас. Верагодна, дзякуючы сістэме, якая ўскладніла ўсё, суседнія краіны і сталі прыглядацца адна да адной і вучыцца бачыць сярод сябе сапраўдных партнёраў і калег".
BTI - буйнейшая галіновая выстаўка Беларусі з гісторыяй брэнда больш за 20 гадоў. Штогод калекцыі будучага сезона прэзентуюць звыш 80 экспанентаў з Беларусі, Турцыі, Расіі, Узбекістана і Кітая. У рамках дзелавой праграмы выстаўкі праходзяць спецыялізаваныя семінары і бізнес-сустрэчы з удзелам кіраўнікоў вядучых прадпрыемстваў і прадстаўнікоў гандлю і СМІ, прэзентацыі кампаній і паказы калекцый адзення і абутку.-0-
"Ужо традыцыйна на працягу шэрага гадоў у рамках выстаўкі ўсе лепшыя прадпрыемствы айчыннай галіны лёгкай прамысловасці дэманструюць навінкі, прапануюць да абмеркавання сваім аптовым пакупнікам распрацоўкі калекцый восень-зіма і вясна-лета наступнага года, каб паказаць сябе, па-першае, а па-другое, атрымаць зваротную сувязь ад прадстаўнікоў гандлю ў выглядзе заявак або папярэдніх аб'ёмаў, - растлумачыла кіраўнік канцэрна. - Выстаўка - магчымасць даведацца меркаванне спажыўца і зразумець, з чым мы ўгадалі, а з чым не, абмеркаваць цэнавыя прапановы і ўзгадніць аб'ёмы, запланаваныя да вытворчасці і рэалізацыі. Сустрэчы вытворцаў і пакупнікоў на BTI заўсёды праходзяць у вельмі дынамічным рэжыме".
Таццяна Лугіна падкрэслівае: у апошнія гады ў сувязі з глабальнымі змяненнямі ў эканоміцы на знешнім контуры значнасць вочных стасункаў, якія дае форум, узрасла ў разы. Зацікаўленасць праяўляюць і замежныя партнёры, паколькі BelTexIndustry з году ў год збірае ўсё большую колькасць замежных наведвальнікаў. У 2024-м, напрыклад, аб сваім намеры стаць удзельнікамі форуму заявілі не толькі надзейныя партнёры з самых розных рэгіёнаў Расіі, цікавасць праявілі і прадстаўнікі іншых краін постсавецкай прасторы. Так, буйная дэлегацыя ў складзе амаль 20 экспертаў чакаецца ад Асацыяцыі прадпрыемстваў тэкстыльнай і швейна-трыкатажнай прамысловасці Узбекістана, прыбудуць для ўдзелу ў BTI таксама спецыялісты з Кыргызстана і Казахстана. Папярэдне пацвердзілі свой удзел зімбабвійскія бізнес-колы.
Паводле слоў старшыні "Беллегпрама", выстаўка прадугледжвае вельмі насычаную дзелавую праграму. У экспазіцыі, дарэчы, прымуць удзел, акрамя айчынных вытворцаў легпрама, кампаніі з Турцыі і нерэзідэнты Беларусі і Расіі, якія імкнуцца наладзіць узаемадзеянні з прадпрыемствамі і суб'ектамі гандлю.
"Актыўнасць бізнес-камунікацый - сведчанне таго, што сёння наша галіна лёгкай прамысловасці нават у няпростых эканамічных умовах, што склаліся для нас на знешнім контуры, з выклікамі спраўляецца. Мы адчуваем напружанне і ў лагістычных схемах пастаўкі сыравіны або камплектуючых. Пэўныя складанасці ёсць з разлікамі як праз еўрапейскія банкі, так і ў рабоце з банкаўскімі ўстановамі Турцыі, Кітая, іншых дзяржаў. Гэта вядзе да павелічэння часу ў разліках, - расказала Таццяна Лугіна. - Як бы нам ні хацелася адваротнага, лёгкая прамысловасць і яе прадпрыемствы ўбудаваны ў агульную сістэму каардынат. І гэта датычыцца не толькі нас. Верагодна, дзякуючы сістэме, якая ўскладніла ўсё, суседнія краіны і сталі прыглядацца адна да адной і вучыцца бачыць сярод сябе сапраўдных партнёраў і калег".
BTI - буйнейшая галіновая выстаўка Беларусі з гісторыяй брэнда больш за 20 гадоў. Штогод калекцыі будучага сезона прэзентуюць звыш 80 экспанентаў з Беларусі, Турцыі, Расіі, Узбекістана і Кітая. У рамках дзелавой праграмы выстаўкі праходзяць спецыялізаваныя семінары і бізнес-сустрэчы з удзелам кіраўнікоў вядучых прадпрыемстваў і прадстаўнікоў гандлю і СМІ, прэзентацыі кампаній і паказы калекцый адзення і абутку.-0-
Падпісвайцеся на нас у
