18 мая, Мінск /Кар. БЕЛТА/. Беларусь і Расія маюць такія даброты, пра якія любая краіны можа толькі марыць. Аб гэтым заявіў журналістам старшыня Заканадаўчага сходу Ніжагародскай вобласці Яўген Люлін па выніках сустрэчы са старшынёй Савета Рэспублікі Наталляй Качанавай, перадае карэспандэнт БЕЛТА.
"Улічваючы сённяшнюю сітуацыю, санкцыі, напэўна, няма такіх напрамкаў, дзе нам не трэба было б развіваць наша супрацоўніцтва. Тым больш улічваючы нашы сувязі, нашы выбудаваныя адносіны з пункту гледжання развіцця вытворчасцей, эканомікі, навукі, адукацыі, культуры. Мы на працягу апошніх 14 гадоў прайшлі вельмі вялікі шлях. Мы ў чатыры разы павялічылі аб'ёмы эканамічнага супрацоўніцтва. Гэта вельмі добрыя паказчыкі. Мы пастаянна развіваемся і пашыраем напрамкі. Калі пачыналі ў асноўным толькі з прамысловай і сельгасвытворчасці, то сёння наша ўзаемадзеянне ахоплівае ўсё: будаўніцтва, развіццё энергетыкі, навуку, адукацыю, культуру і шмат іншага", - расказаў Яўген Люлін.
Паводле яго слоў, перад прадпрыемствамі і бізнесам Беларусі і Расіі адкрыта шырокае акно магчымасцей. "Улічваючы санкцыі, з расійскага рынку выйшлі шэраг сур'ёзных кампаній, яны адкрылі магчымасці для прадстаўнікоў бізнесу і расійскага, і беларускага запаўняць гэтыя нішы. Разумееце, усе краіны змагаюцца за рынкі. А ў нас сёння ёсць сур'ёзныя нішы ў эканоміцы, якія можна і трэба запаўняць. І мы не павінны дзяліць гэта не беларускае, расійскае", - адзначыў старшыня Заканадаўчага сходу Ніжагародскай вобласці.
Яўген Люлін канстатаваў: нашы краіны самадастатковыя. "Мы маем энергетычную, абаронную, навуковую, харчовую бяспеку. Інакш кажучы, маем такія даброты, пра якія любая краіна свету можа толькі марыць. І мы можам выкарыстоўваць іх, каб выйсці на самыя перадавыя пазіцыі сусветнай эканомікі, палітыкі, культуры. І мы абавязкова будзем гэта рабіць, - дадаў ён. - Думаю, час, які ёсць, дазваляе нам па-новаму перагледзець усе нашы адносіны, тое, чым мы і займаемся сёння тут, у Беларусі. Мы пераглядаем, рэвізуем усё, што мы рабілі да гэтага, і сёння павінны рабіць у разы хутчэй і эфектыўней. І магчымасці для гэтага, безумоўна, ёсць".-0-
