22 лістапада, Гродна /Кар. БЕЛТА/. У пункце часовага размяшчэння ў транспартна-лагістычным цэнтры на граніцы знаходзяцца 22 цяжарныя бежанкі. Аб гэтым паведаміў старшыня Пастаяннай камісіі па адукацыі, навуцы, культуры і сацыяльным развіцці Савета Рэспублікі Віктар Лісковіч, перадае карэспандэнт БЕЛТА.
"Медыкі ўважліва сочаць за іх станам і гатовы ў любы момант аказаць патрэбную дапамогу. Добра наладжаны ўсе бытавыя працэсы ў плане харчавання і забеспячэння бежанцаў рэчамі першай неабходнасці. Пазменна працуюць камунальныя службы. Павялічана колькасць біятуалетаў. Удзяляем асаблівую ўвагу стану здароўя людзей, асабліва жанчын і дзяцей", - расказаў сенатар.
Паводле слоў Віктара Лісковіча, прапрацоўваецца пытанне арганізацыі на тэрыторыі лагістычнага цэнтра памяшкання, дзе бежанцы змогуць мыцца ў нармальных умовах. "Мабыць, гэта самае частае пажаданне бежанцаў адносна арганізацыі быту", - падкрэсліў ён.-0-
