19 жніўня, Мінск /Кар. БЕЛТА/. Міністр сельскай гаспадаркі і харчавання Анатоль Ліневіч па выніках нарады Прэзідэнта Беларусі Аляксандра Лукашэнкі з кіраўніцтвам Савета Міністраў расказаў журналістам аб мерах па захаванні пагалоўя буйной рагатай жывёлы і прычынах падзяжу, перадае карэспандэнт БЕЛТА.
Як падкрэсліў міністр, прагрэсіўныя сельскагаспадарчыя прадпрыемствы арыентаваны на тое, каб сістэмна, тэхналагічна працаваць і ажыццяўляць вытворчасць малака на высокім сучасным узроўні. Паводле яго слоў, гэтыя працэсы патрабуюць наяўнасці буйной рагатай жывёлы з высокай прадукцыйнасцю. А значыць, менш прадукцыйных жывёл даводзіцца выбракоўваць. Усяго ў 2023 годзе выбракавана 545 тыс. галоў кароў, або 39 працэнтаў ад агульнага пагалоўя па годзе. Больш за ўсё - у Брэсцкай, Гродзенскай і Мінскай абласцях, дзе самыя высокія ўдоі па краіне, - 44 працэнты, 42 працэнты і 41 працэнт адпаведна.
"Мы ставім пагалоўе на сучасныя комплексы і ставім сабе за мэту атрымліваць пры вытворчасці малака ўдоі на ўзроўні перадавых краін. Па Брэсцкай і Гродзенскай абласцях удоі складаюць вышэй за 7 тыс.л у год, па Мінскай - наблізіліся да гэтай планкі. З улікам гэтага павялічваюцца патрабаванні да жывёлы - яна павінна быць з добрай малакааддачай, - растлумачыў Анатоль Ліневіч. - Цяпер інтэнсіўныя спосабы вытворчасці малака, мы хочам атрымаць максімальную эканамічную выгаду. Таму нацэлены на тое, каб як мага большую аддачу атрымаць ад жывёлы".
Для забеспячэння захаванасці жывёлы, скарачэння падзяжу і выбракоўкі, на думку міністра, патрэбна строгае выкананне вытворчай і тэхналагічнай дысцыпліны. "Ёсць яшчэ шэраг момантаў, на якія варта было б звярнуць увагу. Мы іх бачым", - сказаў ён. Напрыклад, для захавання пагалоўя цялят з эканамічна менш устойлівых ферм цялят збіраюць у адной гаспадарцы, дзе забяспечваюць неабходны догляд.
"Устаноўленых правіл вельмі шмат. І ўсе яны, у прынцыпе, працуюць. Але з удасканаленнем тэхналогій трэба ўдасканаліць і падыходы", - упэўнены міністр. Ён лічыць, што трэба больш прадметна займацца падрыхтоўкай высокаэнергетычных кармоў, ствараць вакол буйных комплексаў пашы, каб можна было выпасваць жывёлу, укамплектоўваць ветэрынарную службу. Магчыма, варта стварыць перасовачныя кармавыя лабараторыі, каб карэкціраваць рацыён жывёл. "Мы над гэтым працуем", - запэўніў Анатоль Ліневіч.-0-
Як падкрэсліў міністр, прагрэсіўныя сельскагаспадарчыя прадпрыемствы арыентаваны на тое, каб сістэмна, тэхналагічна працаваць і ажыццяўляць вытворчасць малака на высокім сучасным узроўні. Паводле яго слоў, гэтыя працэсы патрабуюць наяўнасці буйной рагатай жывёлы з высокай прадукцыйнасцю. А значыць, менш прадукцыйных жывёл даводзіцца выбракоўваць. Усяго ў 2023 годзе выбракавана 545 тыс. галоў кароў, або 39 працэнтаў ад агульнага пагалоўя па годзе. Больш за ўсё - у Брэсцкай, Гродзенскай і Мінскай абласцях, дзе самыя высокія ўдоі па краіне, - 44 працэнты, 42 працэнты і 41 працэнт адпаведна.
"Мы ставім пагалоўе на сучасныя комплексы і ставім сабе за мэту атрымліваць пры вытворчасці малака ўдоі на ўзроўні перадавых краін. Па Брэсцкай і Гродзенскай абласцях удоі складаюць вышэй за 7 тыс.л у год, па Мінскай - наблізіліся да гэтай планкі. З улікам гэтага павялічваюцца патрабаванні да жывёлы - яна павінна быць з добрай малакааддачай, - растлумачыў Анатоль Ліневіч. - Цяпер інтэнсіўныя спосабы вытворчасці малака, мы хочам атрымаць максімальную эканамічную выгаду. Таму нацэлены на тое, каб як мага большую аддачу атрымаць ад жывёлы".
Для забеспячэння захаванасці жывёлы, скарачэння падзяжу і выбракоўкі, на думку міністра, патрэбна строгае выкананне вытворчай і тэхналагічнай дысцыпліны. "Ёсць яшчэ шэраг момантаў, на якія варта было б звярнуць увагу. Мы іх бачым", - сказаў ён. Напрыклад, для захавання пагалоўя цялят з эканамічна менш устойлівых ферм цялят збіраюць у адной гаспадарцы, дзе забяспечваюць неабходны догляд.
"Устаноўленых правіл вельмі шмат. І ўсе яны, у прынцыпе, працуюць. Але з удасканаленнем тэхналогій трэба ўдасканаліць і падыходы", - упэўнены міністр. Ён лічыць, што трэба больш прадметна займацца падрыхтоўкай высокаэнергетычных кармоў, ствараць вакол буйных комплексаў пашы, каб можна было выпасваць жывёлу, укамплектоўваць ветэрынарную службу. Магчыма, варта стварыць перасовачныя кармавыя лабараторыі, каб карэкціраваць рацыён жывёл. "Мы над гэтым працуем", - запэўніў Анатоль Ліневіч.-0-
Падпісвайцеся на нас у
