Пяткевіч жыхарам Гродзенскай вобласці: праслаўляйце свой рэгіён і нашу Айчыну

6 верасня, Гродна /Кар. БЕЛТА/. Звяртаючыся да жыхароў Гродзеншчыны ў час урачыстага мерапрыемства з нагоды 80-годдзя Гродзенскай вобласці, першы намеснік кіраўніка Адміністрацыі Прэзідэнта Рэспублікі Беларусь Наталля Пяткевіч пажадала ім праслаўляць свой рэгіён і Айчыну, перадае карэспандэнт БЕЛТА.

"Лічба чатыры азначае стабільнасць, надзейнасць, парадак і адказнасць. Гродзенская вобласць адпавядае ўсім гэтым характарыстыкам у маштабах нашай краіны. Вы - самабытны край, які змог злучыць прадстаўнікоў розных культур, розных нацыянальнасцей, розных рэлігій і зрабіць, каб усім было камфортна. Захоўвайце гэту самабытнасць", - сказала Наталля Пяткевіч, звяртаючыся да прысутных у зале.

Першы намеснік кіраўніка Адміністрацыі Прэзідэнта дапоўніла: "80 гадоў у маштабах гісторыі - гэта наогул нічога. Але тое, што вы зрабілі за гэтыя гады, ужо ўмяшчае ў сябе тамы летапісу. Вам ёсць чым ганарыцца. Вам ёсць што праслаўляць. Праслаўляйце свой рэгіён і нашу Айчыну". Наталля Пяткевіч ад імя Адміністрацыі Прэзідэнта Рэспублікі Беларусь і ад сябе асабіста павіншавала жыхароў рэгіёна з юбілейнай датай. Першы намеснік кіраўніка Адміністрацыі Прэзідэнта Рэспублікі Беларусь таксама ўручыла ўзнагароды жыхарам рэгіёна.-0-