Лета ў Беларусі прадаўжаецца? Сіноптыкі расказалі пра надвор'е на тыдзень

2 верасня, Мінск /Кар. БЕЛТА/. У Беларусі ў пачатку верасня захаваецца летняе надвор'е. Аб гэтым карэспандэнту БЕЛТА паведамілі ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.

"Жнівень завяршыў летні сезон на высокай тэмпературнай ноце. Лета скончылася толькі на календары. На бягучым тыдні верасня тэмпературны рэжым будзе цалкам летні - сярэдняя тэмпература паветра па-ранейшаму будзе перавышаць кліматычную норму, характэрную для гэтага часу, на 3-8 градусаў, пры гэтым у краіне будзе захоўвацца дэфіцыт ападкаў. У сувязі з гарачым і сухім надвор'ем, якое ўсталявалася, узрастае пагроза лясных пажараў. Не забывайце аб гэтым і будзьце асцярожнымі ў лесе з агнём", - сказалі ў Белгідрамеце.

З 3 па 8 верасня будзе пераважна без ападкаў. Ноччу і раніцай з 4 па 8 верасня ў асобных раёнах чакаецца слабы туман.

Тэмпература паветра ў аўторак, 3 верасня, ноччу складзе плюс 12-18 градусаў, днём - плюс 26-31 градус.

У сераду, 4 верасня, тэмпература паветра ўначы складзе 10-16 градусаў вышэй за нуль, днём - плюс 24-31 градус.

У чацвер, 5 верасня, ноччу чакаецца 9-16 градусаў вышэй за нуль, днём - плюс 23-30 градусаў.

У пятніцу, 6 верасня, тэмпература паветра ўначы складзе 10-16 градусаў вышэй за нуль, па паўночным усходзе - плюс 8-9 градусаў. Удзень будзе 22-29 градусаў цяпла.

У суботу, 7 верасня, тэмпература паветра ўначы складзе ад плюс 7 па паўночным усходзе да плюс 15 градусаў па захадзе, удзень будзе 22-28 градусаў цяпла.

У нядзелю, 8 верасня, тэмпература паветра ноччу складзе 7-14 градусаў вышэй за нуль, днём чакаецца 20-27 градусаў цяпла.-0-