Сцяг Серада, 24 красавіка 2024
Усе навіны
Усе навіны
Грамадства
23 лютага 2024, 16:05

Лебедзеў: наглядальнікі ад СНД не выявілі парушэнняў на датэрміновым галасаванні

Сяргей Лебедзеў
Сяргей Лебедзеў
23 лютага, Дзяржынскі раён /Кар. БЕЛТА/. Наглядальнікі ад СНД не выявілі парушэнняў на датэрміновым галасаванні. Аб гэтым расказаў генеральны сакратар СНД, кіраўнік Місіі наглядальнікаў ад СНД Сяргей Лебедзеў у час наведвання выбарчых участкаў Дзяржынскага раёна Мінскай вобласці, перадае карэспандэнт БЕЛТА.
Сяргей Лебедзеў нагадаў, што наглядальнікі ад краін СНД раз'ехаліся па ўсіх абласцях Беларусі для таго, каб атрымаць больш шырокую карціну датэрміновага галасавання і ў цэлым выбараў. "Тыя паведамленні, якія паступаюць з месцаў да нас у штаб, радуюць, таму што ідзе спакойнае і арганізаванае галасаванне. Парушэнняў выбарчага заканадаўства не выявілі. Усім выбаршчыкам прадастаўляецца магчымасць выказаць сваё меркаванне адносна кандыдатаў і выбраць таго, каго яны палічаць найбольш добрым па сваіх дзелавых, прафесійных якасцях для вылучэння ў Палату прадстаўнікоў Беларусі", - адзначыў ён.
Кіраўнік Місіі наглядальнікаў адзначыў добрае афармленне ўчасткаў і інфармаванасць членаў участковых камісій. "Абсалютная большасць участкаў размяшчаецца ў добрых будынках і памяшканнях - школы, гімназіі, дамы культуры, ВНУ і іншае. Таксама радуе добрая падрыхтоўка ўсіх адказных за правядзенне выбараў, у першую чаргу гэта члены ўчастковых выбарчых камісій. Дзеля цікаўнасці мы задавалі ім пытанні аб тым, што трэба рабіць у тым ці іншым выпадку, напрыклад, калі выбаршчык не знайшоў сябе ў спісах або забыў дакументы, якія засведчваюць асобу. Усе, у каго мы пыталіся, адказалі дакладна і правільна. Менавіта правільная падрыхтоўка членаў камісій прыводзіць да таго, што галасаванне праходзіць добра. Аб цікавасці грамадзян Беларусі да выбараў і аб тым, што ім не ўсё роўна, хто будзе выбраны, сведчыць і яўка. Датэрміновае галасаванне яшчэ не завершана, але ўжо ў сярэднім па рэспубліцы і ва ўчастку Дзяржынскага раёна, дзе мы знаходзімся, яўка ўжо 23 працэнты", - падкрэсліў Сяргей Лебедзеў.
Ён лічыць, што такая патрабавальнасць і адказнае стаўленне да выбараў - гарантыя таго, што ў парламент Беларусі будуць выбраны найбольш дастойныя людзі, якія змогуць рэалізаваць свае праграмныя мэты і заявы, накіраваныя на далейшае развіццё краіны, забеспячэнне стабільнасці і паляпшэнне сацыяльных умоў. У большасці праграмных дакументаў кандыдатаў гэтыя мэты адлюстраваны.
"Мы, наглядальнікі з краін Садружнасці, а ўсяго нас больш за 230 чалавек, шчыра жадаем нашым сябрам і партнёрам дасягнення гэтых мэт", - даў наказ Сяргей Лебедзеў.

Кіраўнік Місіі наглядальнікаў наведаў акруговую выбарчую камісію нумар 71, участкі для галасавання нумар 1 і нумар 2 у Дзяржынску, а таксама ўсклаў кветкі да памятнага знака "Памяці партызан Беларускага руху" ў вёсцы Станькаве.
Місія наглядальнікаў ад СНД пачала маніторынг 22 студзеня. У яе склад уваходзяць эксперты і супрацоўнікі Выканаўчага камітэта СНД, прадстаўнікі краін Садружнасці.-0-
Падпісвайцеся на нас у
Twitter
Топ-навіны
Свежыя навіны Беларусі