23 лістапада, Мінск /Кар. БЕЛТА/. Сустрэча старшыні Дзяржаўнага пагранічнага камітэта генерал-лейтэнанта Анатоля Лапо з рэгіянальным дырэктарам МАМ па краінах Паўднёва-Усходняй і Усходняй Еўропы, а таксама Цэнтральнай Азіі Рэнатай Хельд і намеснікам дырэктара Бюро Еўропы УВКБ ААН Анжэлай Лі Росі адбылася сёння ў Мінску. Аб гэтым БЕЛТА паведамілі ў Дзяржпагранкамітэце.
"Бакі разгледзелі бягучую сітуацыю, звязаную з нерэгулярнымі мігрантамі, якія знаходзяцца на граніцы Беларусі і Польшчы. Акрамя таго, абмеркавалі ўзаемадзеянне ўсіх уключаных арганізацый для аказання дапамогі гэтай катэгорыі асоб", - расказалі ў ведамстве.
Анатоль Лапо адзначыў, што Дзяржпагранкамітэт адкрыты для дыялогу з усімі зацікаўленымі бакамі. Беларуская пагранічная служба прыкладае максімум намаганняў для вырашэння існуючай сітуацыі з бежанцамі, якія накіроўваюцца ў краіны Еўрасаюза. Па выніках сустрэчы бакі дасягнулі дамоўленасці па далейшым супрацоўніцтве ў гэтым напрамку.-0-
