ДЗЯРЖОРГАНЫДЗЯРЖОРГАНЫ
Флаг Субота, 4 снежня 2021
Мінск -3°C
Усе навіны
Усе навіны
Грамадства
20 кастрычніка 2021, 14:54

Кунцэвіч: медыя трэба кампетэнтна асвятляць тэму COVID-19, не дазваляючы фэйкамётам сеяць паніку

Фота з архіва
Фота з архіва

20 кастрычніка, Мінск /Кар. БЕЛТА/. Медыя трэба кампетэнтна асвятляць тэму COVID-19, не дазваляючы фэйкамётам сеяць паніку, заявіў першы намеснік міністра інфармацыі Андрэй Кунцэвіч у час вэбінара "СМІ супраць COVID-19", перадае карэспандэнт БЕЛТА.

"У інфармацыйным плане пандэмія каранавіруса - гэта, мабыць, першы выпадак, калі праблемы, звязаныя з распаўсюджваннем віруса, асвятляюцца ўсімі сусветнымі медыя ў рэжыме анлайн. Беларусь не выключэнне. Гэтыя матэрыялы заўсёды выклікалі і выклікаюць у аўдыторыі жывую цікавасць. Важна, каб яны былі праўдзівымі, адлюстроўвалі рэальную сітуацыю", - сказаў Андрэй Кунцэвіч.

Ён заўважыў, што на пандэміі некаторыя зрабілі сабе пэўны піяр, выкарыстоўваючы як сумленныя, так і несумленныя меры. Невыпадкова, асабліва ў пачатковы перыяд распаўсюджвання COVID-19, з падачы журналістаў пандэмію называлі інфадэміяй. "У гэты час з'явілася мноства так званых фэйкамётаў, якія набіралі і прадаўжаюць набіраць бонусы за кошт таго, што сеюць паніку сярод людзей, спецыялізуючыся на шокавай сенсацыі. А дрэнныя навіны, як вы ведаеце, прадаюцца лепш і хутчэй. Навуковы факт - адзін панічна настроены чалавек здольны ўцягнуць у паніку каля 30-40 чалавек", - сказаў першы намеснік міністра.

Каб не дапусціць такога, журналістам, прадстаўнікам СМІ і прэс-службам трэба правільна і прафесійна падаваць такую інфармацыю, даваць тлумачэнні па ўзнятай праблематыцы, адзначыў Андрэй Кунцэвіч. "Задача СМІ сёння, на мой погляд, - кампетэнтна, аператыўна асвятляць гэту тэму, не дазваляць розным фэйкамётам завалодаць увагай аўдыторыі, пасеяць у грамадстве хаос і паніку. Да таго ж, як мы бачым, тэма кавіду пэўнымі "добразычліўцамі" ў Беларусі актыўна выкарыстоўваецца ў палітычных мэтах, аб чым учора прадметна гаварылася на вялікай нарадзе ў кіраўніка нашай дзяржавы", - сказаў ён.

Як паказваюць аб'ектыўныя даныя, чацвёртая хваля каранавіруса - гэта хваля непрышчэпленых, заўважыў Андрэй Кунцэвіч. Паводле яго слоў, менавіта вакцынацыя ў медыйным плане з'яўляецца адной з галоўных тэм сёння, якія выклікаюць мноства спрэчак аб яе неабходнасці і магчымых рызыках. Пытанняў у людзей тысячы і яны павінны знаходзіць на іх своечасовыя адказы ў медыя.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі