![](https://blr.belta.by/images/storage/news/with_archive/2024/000022_1721230836_133642_big.jpg)
17 ліпеня, Гродна /Кар. БЕЛТА/. Перад лясгасамі, пацярпелымі ад непагоды, стаіць задача мінімізаваць страты драўніны ў самы кароткі тэрмін. Аб гэтым пры азнаямленні з ходам распрацоўкі бураломаў на тэрыторыі Іўеўскага лясгаса заявіў журналістам міністр лясной гаспадаркі Аляксандр Кулік, перадае карэспандэнт БЕЛТА.
"На сённяшнюю раніцу ў нас каля 6 тыс. га (пашкоджана. - Заўвага БЕЛТА), 1,5 млн куб.м (пашкоджанай драўніны. - Заўвага БЕЛТА). Лічба быццам вялікая, але калі параўноўваць з бураломам 2015-2016 года, Смалявічы і Чэрвень, то там было 6 млн куб.м. Задача цяпер - мінімізаваць страты драўніны ў самы кароткі тэрмін. Драўніну нарыхтаваць і, як кіраўнік дзяржавы сказаў, забяспечыць аблвыканкамы, гэта значыць, гаспадаркі, арганізацыі будаўнічай драўнінай, чым мы цяпер і займаемся. Самы вялікі аб'ём у нас у Гомельскай вобласці. Туды накіравана ў дапамогу 100 адзінак тэхнікі. Гэта харвестары, форвардары. Спецыялісту, вальшчыку лесу, там працаваць цяжка. Тэхнікі дастаткова. Плюс 90 адзінак тэхнікі у самой Гомельскай вобласці", - сказаў Аляксандр Кулік, дадаўшы, што пры неабходнасці тэхніка будзе накіравана дадаткова.
"На сённяшнюю раніцу ў нас каля 6 тыс. га (пашкоджана. - Заўвага БЕЛТА), 1,5 млн куб.м (пашкоджанай драўніны. - Заўвага БЕЛТА). Лічба быццам вялікая, але калі параўноўваць з бураломам 2015-2016 года, Смалявічы і Чэрвень, то там было 6 млн куб.м. Задача цяпер - мінімізаваць страты драўніны ў самы кароткі тэрмін. Драўніну нарыхтаваць і, як кіраўнік дзяржавы сказаў, забяспечыць аблвыканкамы, гэта значыць, гаспадаркі, арганізацыі будаўнічай драўнінай, чым мы цяпер і займаемся. Самы вялікі аб'ём у нас у Гомельскай вобласці. Туды накіравана ў дапамогу 100 адзінак тэхнікі. Гэта харвестары, форвардары. Спецыялісту, вальшчыку лесу, там працаваць цяжка. Тэхнікі дастаткова. Плюс 90 адзінак тэхнікі у самой Гомельскай вобласці", - сказаў Аляксандр Кулік, дадаўшы, што пры неабходнасці тэхніка будзе накіравана дадаткова.
Кіраўнік Міністэрства лясной гаспадаркі адзначыў, што за свой 30-гадовы вопыт работы ў галіне, быў сведкам розных бураломаў. Тое, што адбылося на гэты раз у лясах, паводле ацэнкі Аляксандра Куліка, уяўляе сабой сярэдняй ступені пашкоджанні. "Усе сілы лясгасаў, каля 48 брыгад толькі ў Гомельскай вобласці былі накіраваны на аказанне дапамогі", - адзначыў міністр лясной гаспадаркі. Ён падкрэсліў, што першарадныя задачы, пастаўленыя перад прадстаўнікамі лясной сферы, былі выкананы дастойна: "Мы сваю задачу дастойна выканалі і атрымалі падзяку Прэзідэнта. Для нас гэта пахвальна, што Прэзідэнт ацаніў гэта. Я дзякую кожнаму работніку, хто прымаў удзел".
Аляксандр Кулік таксама звярнуў увагу, што ўся нарыхтаваная драўніна будзе рэалізавана. "Патрэбнасці прадпрыемстваў канцэрна "Беллеспаперапрам" у драўніне растуць, - сказаў кіраўнік Мінлясгаса. - Калі ў мінулым годзе мы ў месяц на цэлюлозны камбінат пастаўлялі 120-140 тыс. (куб.м. драўніны. - Заўвага БЕЛТА), сёння заяўка іх штомесячная - на 250 тыс. У разы аб'ёмы (выраслі. - Заўвага БЕЛТА), таму што попыт на іх прадукцыю расце. Плюс прадпрыемствы, якія вырабляюць прадукцыю з вялікай дабаўленай вартасцю таксама будуць спажываць гэту драўніну. Але першая задача - забяспечыць усе аблвыканкамы драўнінай, над гэтым працуем".
Аляксандр Кулік таксама сёння правёў прыём грамадзян у Лідскім райвыканкаме, азнаёміўся з работай мясцовага лясгаса і сустрэўся з працоўным калектывам установы, таксама наведаў ветэрана Вялікай Айчыннай вайны, які нядаўна адсвяткаваў 100-гадовы юбілей.-0-
Фота Леаніда Шчаглова