Фота з архіва
21 сакавіка, Мінск /Кар. БЕЛТА/. Лясы адыгрываюць важнейшую ролю ў рэгуляванні клімату і забеспячэнні экалагічнай бяспекі. Аб гэтым заявіў міністр лясной гаспадаркі Беларусі Аляксандр Кулік у сваім прывітанні ўдзельнікам навукова-практычнай канферэнцыі "Лясы ў зменлівым клімаце", якая праходзіць у вочна-завочным фармаце ў Расіі, паведамілі карэспандэнту БЕЛТА ў прэс-службе Мінлясгаса.
Кіраўнік лясной галіны Беларусі падкрэсліў, што экалагічныя праблемы, звязаныя са змяненнем клімату, у тым ліку ў галіне лясной гаспадаркі, знаходзяцца пад пільнай увагай вучоных і практыкаў нашай краіны вось ужо на працягу некалькіх дзесяцігоддзяў. Ён дадаў, што цяпер, калі наступствы змянення клімату адчуваюцца ва ўсім свеце, роля лясоў як ключавога элемента экалагічнай стабільнасці набывае асаблівае значэнне. "Лясы з'яўляюцца не толькі крыніцай каштоўных рэсурсаў, але і адыгрываюць важнейшую ролю ў рэгуляванні клімату, захаванні біяразнастайнасці і забеспячэнні экалагічнай бяспекі", - акцэнтаваў увагу міністр.
Паводле яго слоў, лясная гаспадарка ўжо адчула наступствы змянення клімату. "Засушлівыя вегетацыйныя перыяды апошніх гадоў, паніжэнне ўзроўню грунтавых вод прывялі да аслаблення насаджэнняў. На фоне павелічэння колькасці шкоднікаў пачалося масавае ўсыханне хвойных насаджэнняў. У апошнія гады таксама назіраецца пашкоджанне лясных насаджэнняў у выніку моцных вятроў", - сказаў Аляксандр Кулік.
У 2024 годзе прырода выпрабавала работнікаў лясной галіны на трываласць: у пачатку года неабходна было ўстараняць наступствы значнага ўсыхання яловых насаджэнняў, а ў другім паўгоддзі - наступствы ліпеньскага ўрагану, які пашкодзіў лясныя насаджэнні на плошчы больш як 48 тыс. га.
Міністэрства лясной гаспадаркі ў сваёй дзейнасці ўдзяляе асаблівую ўвагу сумеснай рабоце з міжнароднымі арганізацыямі па праектах, звязаных з адаптацыяй да змянення клімату, звярнуў увагу кіраўнік галіны. "Работа мінулых гадоў з ПРААН па шэрагу праектаў знайшла высокую ацэнку сярод спецыялістаў лясной гаспадаркі, эколагаў і міжнародных экспертаў. Міністэрства зацікаўлена ў развіцці далейшага супрацоўніцтва з ПРААН, у тым ліку шляхам рэалізацыі сумесных праектаў", - заўважыў Аляксандр Кулік.
На заканчэне міністр павіншаваў удзельнікаў канферэнцыі з Міжнародным днём лясоў і падкрэсліў, што гэты дзень - цудоўная магчымасць падкрэсліць значнасць лясоў для нашай планеты і кожнага чалавека.-0-
Кіраўнік лясной галіны Беларусі падкрэсліў, што экалагічныя праблемы, звязаныя са змяненнем клімату, у тым ліку ў галіне лясной гаспадаркі, знаходзяцца пад пільнай увагай вучоных і практыкаў нашай краіны вось ужо на працягу некалькіх дзесяцігоддзяў. Ён дадаў, што цяпер, калі наступствы змянення клімату адчуваюцца ва ўсім свеце, роля лясоў як ключавога элемента экалагічнай стабільнасці набывае асаблівае значэнне. "Лясы з'яўляюцца не толькі крыніцай каштоўных рэсурсаў, але і адыгрываюць важнейшую ролю ў рэгуляванні клімату, захаванні біяразнастайнасці і забеспячэнні экалагічнай бяспекі", - акцэнтаваў увагу міністр.
Паводле яго слоў, лясная гаспадарка ўжо адчула наступствы змянення клімату. "Засушлівыя вегетацыйныя перыяды апошніх гадоў, паніжэнне ўзроўню грунтавых вод прывялі да аслаблення насаджэнняў. На фоне павелічэння колькасці шкоднікаў пачалося масавае ўсыханне хвойных насаджэнняў. У апошнія гады таксама назіраецца пашкоджанне лясных насаджэнняў у выніку моцных вятроў", - сказаў Аляксандр Кулік.
У 2024 годзе прырода выпрабавала работнікаў лясной галіны на трываласць: у пачатку года неабходна было ўстараняць наступствы значнага ўсыхання яловых насаджэнняў, а ў другім паўгоддзі - наступствы ліпеньскага ўрагану, які пашкодзіў лясныя насаджэнні на плошчы больш як 48 тыс. га.
Міністэрства лясной гаспадаркі ў сваёй дзейнасці ўдзяляе асаблівую ўвагу сумеснай рабоце з міжнароднымі арганізацыямі па праектах, звязаных з адаптацыяй да змянення клімату, звярнуў увагу кіраўнік галіны. "Работа мінулых гадоў з ПРААН па шэрагу праектаў знайшла высокую ацэнку сярод спецыялістаў лясной гаспадаркі, эколагаў і міжнародных экспертаў. Міністэрства зацікаўлена ў развіцці далейшага супрацоўніцтва з ПРААН, у тым ліку шляхам рэалізацыі сумесных праектаў", - заўважыў Аляксандр Кулік.
На заканчэне міністр павіншаваў удзельнікаў канферэнцыі з Міжнародным днём лясоў і падкрэсліў, што гэты дзень - цудоўная магчымасць падкрэсліць значнасць лясоў для нашай планеты і кожнага чалавека.-0-
Падпісвайцеся на нас у
