Уладзімір Кухараў
10 кастрычніка, Мінск /Кар. БЕЛТА/. Будзе зроблена ўсё для рэалізацыі праектаў "Мінскай змены", заявіў старшыня Мінгарвыканкама Уладзімір Кухараў у час урачыстага адкрыцця падвядзення вынікаў гарадскога праекта па выяўленні і падтрымцы маладзёжных ініцыятыў "Мінская змена - 2024", перадае карэспандэнт БЕЛТА.
"Уражвае спектр тых падыходаў, якія маладыя людзі ахапілі ў сваіх праектах. Яны паказалі, што думаюць аб будучым і стараюцца зрабіць жыццё людзей больш цікавым, стварыць атмасферу стварэння. І гэта ім удалося. Мы бачым, што колькасць удзельнікаў павялічваецца ў геаметрычнай прагрэсіі. Думаю, удзельнікі гэтага года задумвалі свае праекты некалькі гадоў таму і шмат працавалі над тым, каб быць прадстаўленымі на форуме і выстаўцы. У наступным годзе мы, вядома ж, зробім усё для рэалізацыі гэтых праектаў і прыцягнення новых удзельнікаў", - сказаў Уладзімір Кухараў.
"Гэта сапраўды ўнікальны праект, таму што ў ім удзельнічаюць маладыя людзі, якія сваёй творчасцю, працай, крэатыўнасцю сёння даказваюць, што могуць вырашаць любыя задачы. Яны смелыя, паколькі рызыкнулі выставіць свае праекты, над якімі шмат працавалі. Вядома ж, адборачны тур змог іх загартаваць, паколькі яны расказвалі аб сваіх праектах і даказвалі іх вартасць. Мы бачым праекты, якія ахопліваюць усе сферы жыццядзейнасці людзей. Яны вельмі глыбокія, таму што створаны на перспектыву. Іх можна далей развіваць і пашыраць, і яны абавязкова будуць рэалізаваны, таму што патрэбны людзям", - дадаў ён.
Сярод усіх праектаў яго асабліва зацікавіла распрацоўка праграмы для абітурыентаў каледжаў. "Гэта вельмі важна, таму што сёння мы бачым: у многіх маладых людзей з'яўляецца інтарэс да навучання ў сярэдніх спецыяльных навучальных установах. Мы павінны падтрымліваць гэту ініцыятыву. Маладыя людзі з "Інтэграла" распрацавалі праграму, якая дапаможа знайсці прафесію даспадобы і разабрацца ў працэсе праходжання гэтага шляху - ад выбару прафесіі да паступлення. Мы пастараемся, каб праграма да канца гэтага года была рэалізавана, і ў наступным годзе маладыя людзі, якія збіраюцца паступаць у каледжы, ужо маглі ёю скарыстацца", - падкрэсліў старшыня Мінгарвыканкама.
На адкрыцці ў "Мінск-Арэне" было прадстаўлена каля 100 праектаў ад 170 удзельнікаў. Многія працавалі ў групах. Таксама арганізавана работа секцый па напрамках праектнай дзейнасці з удзелам кіраўнікоў і прадстаўнікоў рэспубліканскіх органаў дзяржаўнага кіравання, дзяржарганізацый і моладзі Мінска.
На гэтых секцыях удзельнікі абмяркоўваюць развіццё гарадской мабільнасці і транспартнай інфраструктуры, экалогію, інавацыі і традыцыі ў сучаснай адукацыйнай прасторы сталіцы, развіццё турызму і спорту, іншыя пытанні.-0-
"Уражвае спектр тых падыходаў, якія маладыя людзі ахапілі ў сваіх праектах. Яны паказалі, што думаюць аб будучым і стараюцца зрабіць жыццё людзей больш цікавым, стварыць атмасферу стварэння. І гэта ім удалося. Мы бачым, што колькасць удзельнікаў павялічваецца ў геаметрычнай прагрэсіі. Думаю, удзельнікі гэтага года задумвалі свае праекты некалькі гадоў таму і шмат працавалі над тым, каб быць прадстаўленымі на форуме і выстаўцы. У наступным годзе мы, вядома ж, зробім усё для рэалізацыі гэтых праектаў і прыцягнення новых удзельнікаў", - сказаў Уладзімір Кухараў.
"Гэта сапраўды ўнікальны праект, таму што ў ім удзельнічаюць маладыя людзі, якія сваёй творчасцю, працай, крэатыўнасцю сёння даказваюць, што могуць вырашаць любыя задачы. Яны смелыя, паколькі рызыкнулі выставіць свае праекты, над якімі шмат працавалі. Вядома ж, адборачны тур змог іх загартаваць, паколькі яны расказвалі аб сваіх праектах і даказвалі іх вартасць. Мы бачым праекты, якія ахопліваюць усе сферы жыццядзейнасці людзей. Яны вельмі глыбокія, таму што створаны на перспектыву. Іх можна далей развіваць і пашыраць, і яны абавязкова будуць рэалізаваны, таму што патрэбны людзям", - дадаў ён.
Сярод усіх праектаў яго асабліва зацікавіла распрацоўка праграмы для абітурыентаў каледжаў. "Гэта вельмі важна, таму што сёння мы бачым: у многіх маладых людзей з'яўляецца інтарэс да навучання ў сярэдніх спецыяльных навучальных установах. Мы павінны падтрымліваць гэту ініцыятыву. Маладыя людзі з "Інтэграла" распрацавалі праграму, якая дапаможа знайсці прафесію даспадобы і разабрацца ў працэсе праходжання гэтага шляху - ад выбару прафесіі да паступлення. Мы пастараемся, каб праграма да канца гэтага года была рэалізавана, і ў наступным годзе маладыя людзі, якія збіраюцца паступаць у каледжы, ужо маглі ёю скарыстацца", - падкрэсліў старшыня Мінгарвыканкама.
На адкрыцці ў "Мінск-Арэне" было прадстаўлена каля 100 праектаў ад 170 удзельнікаў. Многія працавалі ў групах. Таксама арганізавана работа секцый па напрамках праектнай дзейнасці з удзелам кіраўнікоў і прадстаўнікоў рэспубліканскіх органаў дзяржаўнага кіравання, дзяржарганізацый і моладзі Мінска.
На гэтых секцыях удзельнікі абмяркоўваюць развіццё гарадской мабільнасці і транспартнай інфраструктуры, экалогію, інавацыі і традыцыі ў сучаснай адукацыйнай прасторы сталіцы, развіццё турызму і спорту, іншыя пытанні.-0-
Падпісвайцеся на нас у
