ДЗЯРЖОРГАНЫДЗЯРЖОРГАНЫ
Флаг Субота, 23 верасня 2023
Мінск Малавоблачна +24°C
Усе навіны
Усе навіны
Грамадства
19 верасня 2023, 14:01

Кубракоў: за восем месяцаў у Беларусь прыбылі 45 тыс. грамадзян Украіны

Іван Кубракоў
Іван Кубракоў

19 верасня, Мінск /Кар. БЕЛТА/. За 8 месяцаў у Беларусь прыбылі 45 тыс. грамадзян Украіны, паведаміў міністр унутраных спраў Іван Кубракоў на пасяджэнні дзясятай сесіі Палаты прадстаўнікоў сёмага склікання, перадае карэспандэнт БЕЛТА.

"За 8 месяцаў года па розных прычынах у Рэспубліку Беларусь прыбылі 45 тыс. грамадзян Украіны, - сказаў Іван Кубракоў. - З 2014 года грамадзянамі Рэспублікі Беларусь сталі 13 тыс. украінцаў. І гэты працэс пастаянна рухаецца. У нас на сённяшні дзень ёсць матэрыялы па ўступленні ў грамадзянства Рэспублікі Беларусь грамадзян Украіны".

"Што датычыцца сувязей з Рэспублікай Беларусь грамадзян, якія сюды прыязджаюць, - яны вельмі розныя, - адзначыў міністр. - У некага пражываюць сваякі. Але ў большасці выпадкаў грамадзяне Украіны прыбываюць да нас, таму што яны ведаюць і бачаць, што тут спакой, мір і парадак, можна працаваць, зарабляць, а самае галоўнае, спакойна гадаваць дзяцей. І цану міру на сённяшні дзень грамадзяне Украіны адчулі на сабе і цэняць, як ніхто іншы. Менавіта па гэтай прычыне ўсё больш грамадзян Украіны прыбываюць да нас і хочуць стаць грамадзянамі Рэспублікі Беларусь".

Іван Кубракоў прадставіў у Авальнай зале законапраект "Аб прыпыненні дзеяння Пагаднення паміж Рэспублікай Беларусь і Украінай аб рэгуляванні працэсу перасялення і абароне правоў перасяленцаў і членаў іх сем'яў". Праект закона ўнесены ў Палату прадстаўнікоў Саветам Міністраў па ўзгадненні з кіраўніком дзяржавы. Дакумент падрыхтаваны ў рамках мер у адказ на недружалюбныя дзеянні Украіны ў адносінах да Беларусі.

Часткай 1 арт.15 пагаднення прадугледжана, што кожны з бакоў мае права поўнасцю або часткова прыпыніць яго дзеянне, калі гэта неабходна для забеспячэння бяспекі дзяржавы, захавання грамадскага парадку або аховы здароўя насельніцтва. Паколькі пагадненне паміж Рэспублікай Беларусь і Украінай аб рэгуляванні працэсу перасялення і абароне правоў перасяленцаў і членаў іх сем'яў было ратыфікавана парламентам у адпаведнасці з законам "Аб міжнародных дагаворах Рэспублікі Беларусь" рашэнне аб прыпыненні яго дзеяння прымае Нацыянальны сход Беларусі ў форме закона.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі