Фота МУС
25 кастрычніка, Мінск /Кар. БЕЛТА/. Сёння ў Цэнтры падрыхтоўкі, павышэння кваліфікацыі і перападрыхтоўкі кадраў праходзіць пасяджэнне калегіі МУС. Аб гэтым БЕЛТА паведамілі ў МУС.
На парадку дня пытанні службовай дзейнасці органаў унутраных спраў у сферы бяспекі дарожнага руху, кадравага забеспячэння, ідэалагічнай работы і дысцыпліны, матэрыяльна-тэхнічнага аснашчэння.
"Па-ранейшаму колькасць пацярпелых у ДТЗ людзей значная. Патрабуецца прыняцце неадкладных мер па недапушчэнні і прафілактыцы здарэнняў з цяжкімі наступствамі. Заканадаўчыя ініцыятывы і прафілактычныя мерапрыемствы даюць станоўчы вынік па "п'яных" ДТЗ, іх колькасць скарачаецца", - адзначыў міністр унутраных спраў Іван Кубракоў, адкрываючы калегію.
Міністр адзначыў важнасць пытання ўдзелу ў дарожным руху веласіпедыстаў і грамадзян, якія выкарыстоўваюць сродкі персанальнай мабільнасці. Іх шырокае распаўсюджванне прывяло да павелічэння канфліктных сітуацый на дарогах. У сувязі з гэтым МУС ініцыявала грамадскае абмеркаванне праекта ўказа Прэзідэнта, якім прадугледжана ўнясенне змяненняў у ПДР.
Пры каардынацыі Міністэрства ўнутраных спраў за апошнія чатыры гады колькасць відэакамер Рэспубліканскай сістэмы маніторынгу грамадскай бяспекі павялічылася ў дзясяткі разоў і перавышае 40 тыс. адзінак. Яны даюць магчымасць фіксаваць парушэнні ПДР. У прыватнасці, факты кіравання транспартнымі сродкамі вадзіцелямі, пазбаўленымі такога права, у тым ліку і за нецвярозае ваджэнне. Таксама сёння ў тэставым рэжыме ў Мінску праводзіцца апрабаванне сістэмы аўтаматычнай фіксацыі парушэнняў правіл спынення і стаянкі транспартных сродкаў, праезду на забараняльны сігнал святлафора.
"Акцэнтую вашу ўвагу, што за грубыя парушэнні ПДР, асабліва ўчыненыя паўторна на працягу года, трэба прымяняць самыя жорсткія меры ўздзеяння, аж да крымінальнага, - падкрэсліў Іван Кубракоў. - Бясспрэчна, сіламі толькі органаў унутраных спраў вырашыць праблему аварыйнасці на дарогах мы не можам. Таму патрабуецца зладжаная сістэмная работа ўсіх зацікаўленых".-0-
На парадку дня пытанні службовай дзейнасці органаў унутраных спраў у сферы бяспекі дарожнага руху, кадравага забеспячэння, ідэалагічнай работы і дысцыпліны, матэрыяльна-тэхнічнага аснашчэння.
"Па-ранейшаму колькасць пацярпелых у ДТЗ людзей значная. Патрабуецца прыняцце неадкладных мер па недапушчэнні і прафілактыцы здарэнняў з цяжкімі наступствамі. Заканадаўчыя ініцыятывы і прафілактычныя мерапрыемствы даюць станоўчы вынік па "п'яных" ДТЗ, іх колькасць скарачаецца", - адзначыў міністр унутраных спраў Іван Кубракоў, адкрываючы калегію.
Міністр адзначыў важнасць пытання ўдзелу ў дарожным руху веласіпедыстаў і грамадзян, якія выкарыстоўваюць сродкі персанальнай мабільнасці. Іх шырокае распаўсюджванне прывяло да павелічэння канфліктных сітуацый на дарогах. У сувязі з гэтым МУС ініцыявала грамадскае абмеркаванне праекта ўказа Прэзідэнта, якім прадугледжана ўнясенне змяненняў у ПДР.
Пры каардынацыі Міністэрства ўнутраных спраў за апошнія чатыры гады колькасць відэакамер Рэспубліканскай сістэмы маніторынгу грамадскай бяспекі павялічылася ў дзясяткі разоў і перавышае 40 тыс. адзінак. Яны даюць магчымасць фіксаваць парушэнні ПДР. У прыватнасці, факты кіравання транспартнымі сродкамі вадзіцелямі, пазбаўленымі такога права, у тым ліку і за нецвярозае ваджэнне. Таксама сёння ў тэставым рэжыме ў Мінску праводзіцца апрабаванне сістэмы аўтаматычнай фіксацыі парушэнняў правіл спынення і стаянкі транспартных сродкаў, праезду на забараняльны сігнал святлафора.
"Акцэнтую вашу ўвагу, што за грубыя парушэнні ПДР, асабліва ўчыненыя паўторна на працягу года, трэба прымяняць самыя жорсткія меры ўздзеяння, аж да крымінальнага, - падкрэсліў Іван Кубракоў. - Бясспрэчна, сіламі толькі органаў унутраных спраў вырашыць праблему аварыйнасці на дарогах мы не можам. Таму патрабуецца зладжаная сістэмная работа ўсіх зацікаўленых".-0-
Падпісвайцеся на нас у
