Дзмітрый Крутой
10 верасня, Мінск /Кар. БЕЛТА/. Да палітычных кампаній яшчэ далёка, а працаваць трэба цяпер, не збаўляючы абаротаў. Аб гэтым заявіў журналістам кіраўнік Адміністрацыі Прэзідэнта Дзмітрый Крутой па выніках нарады кіраўніка дзяржавы аб актуальных унутрыпалітычных пытаннях і падрыхтоўцы да правядзення палітычных кампаній, перадае карэспандэнт БЕЛТА.
"Палітычная кампанія яшчэ далёка, як сказаў Прэзідэнт, а працаваць трэба цяпер і не збаўляць абароты", - адзначыў Дзмітрый Крутой па выніках мерапрыемства. Адной з важных тэм, паводле яго слоў, стала работа са зваротамі грамадзян. Прайшло два гады з моманту абнаўлення заканадаўства, якое датычыцца гэтай сферы.
"Так ці інакш наша збеглая апазіцыя, вы бачыце, штодзённа ўкідвае бясконцую колькасць фэйкаў, звязаных з тымі ці іншымі сферамі, - падкрэсліў кіраўнік АП. - Мы ставімся да гэтага спакойна. Прэзідэнт пытаў, якія акцэнты цяпер у інфармацыйным парадку дня і ў кантэксце зваротаў грамадзян, якія паступаюць у АП, якія тэмы найбольш балючыя, хвалююць наша грамадства".
Напрыклад, пакуль ішла актыўная падрыхтоўка да новага навучальнага года, у інфаполе ўкідваліся фэйкі, звязаныя са школьнай формай, зместам падручнікаў, цэнамі на вучэбныя дапаможнікі. "Тэма занятасці і заработных плат вельмі мусіруецца ў інтэрнэце - што ў Беларусі нібы спее эканамічны пузыр, звязаны з апераджальным тэмпам росту заработных плат", - прывёў яшчэ адзін негатыўны прыклад Дзмітрый Крутой.
Каля 30 працэнтаў зваротаў звязаны з жыллёва-камунальнай гаспадаркай, і гэта лічба шмат гадоў не мяняецца. Разам з тым стала паступаць больш зваротаў наконт якасці і ўтрымання дарог. "Людзі чуюць з экранаў, што апошнія два гады ўрад значна павялічыў, пераразмеркаваў нават частку сродкаў у рамках бюджэтных асігнаванняў менавіта на дарожнае будаўніцтва. Таму ўсім хочацца, каб гэтыя планы былі звязаны з той мясцовасцю, дзе яны жывуць", - растлумачыў кіраўнік АП. Паводле яго слоў, Прэзідэнт у час нарады арыентаваў на тое, каб "больш канкрэтна, сумленна і празрыста" растлумачыць людзям сітуацыю з дарогамі на прыкладзе канкрэтных раёнаў, а не толькі ў маштабах краіны. Паколькі ўвогуле, стаўленне да таго, што робіцца для паляпшэння дарожнай сеткі на ўзроўні рэспубліканскіх, абласных трас, станоўчае. "Але, тым не менш, у канкрэтных месцах выклікае пэўны рэзананс", - адзначыў Дзмітрый Крутой.
Гэтыя паказчыкі стануць асновай для фарміравання праграмы развіцця краіны на наступную пяцігодку, аб чым таксама вялася размова на нарадзе ў Прэзідэнта. Кіраўнік дзяржавы заявіў аб планах па правядзенні ў пачатку 2025 года Усебеларускага народнага сходу, дзе плануецца ўжо ў агульных рысах акрэсліць перспектывы краіны на наступныя пяць гадоў. "Каб на працягу 2025 года, калі пачнецца актыўная распрацоўка праграмы развіцця краіны да 2030 года, мы разумелі, па якіх напрамках будзем рухацца", - сказаў Дзмітрый Крутой.-0-
"Палітычная кампанія яшчэ далёка, як сказаў Прэзідэнт, а працаваць трэба цяпер і не збаўляць абароты", - адзначыў Дзмітрый Крутой па выніках мерапрыемства. Адной з важных тэм, паводле яго слоў, стала работа са зваротамі грамадзян. Прайшло два гады з моманту абнаўлення заканадаўства, якое датычыцца гэтай сферы.
"Так ці інакш наша збеглая апазіцыя, вы бачыце, штодзённа ўкідвае бясконцую колькасць фэйкаў, звязаных з тымі ці іншымі сферамі, - падкрэсліў кіраўнік АП. - Мы ставімся да гэтага спакойна. Прэзідэнт пытаў, якія акцэнты цяпер у інфармацыйным парадку дня і ў кантэксце зваротаў грамадзян, якія паступаюць у АП, якія тэмы найбольш балючыя, хвалююць наша грамадства".
Напрыклад, пакуль ішла актыўная падрыхтоўка да новага навучальнага года, у інфаполе ўкідваліся фэйкі, звязаныя са школьнай формай, зместам падручнікаў, цэнамі на вучэбныя дапаможнікі. "Тэма занятасці і заработных плат вельмі мусіруецца ў інтэрнэце - што ў Беларусі нібы спее эканамічны пузыр, звязаны з апераджальным тэмпам росту заработных плат", - прывёў яшчэ адзін негатыўны прыклад Дзмітрый Крутой.
Ён растлумачыў, што на самай справе аналіз зваротаў грамадзян паказвае, што людзей хвалюе зусім іншае: "Мы не бачым вялікага ўсплёску, нават па асобных рэгіёнах колькасць зваротаў зменшылася, напрыклад у Мінску і Гродне. Ёсць невялікае павелічэнне ў Віцебску і Магілёве. Традыцыйна людзей хвалююць не вялікія, глабальныя палітычныя пытанні, а канкрэтныя бытавыя, сацыяльныя праблемы, звязаныя з месцам, дзе яны жывуць".
Што датычыцца тэмы занятасці і заработных плат, то кіраўнік дзяржавы чарговы раз звярнуў увагу на вялікае значэнне гэтага пытання для людзей. "Узровень даходаў насельніцтва Прэзідэнт лічыць самым ключавым параметрам, як і ўзровень занятасці", - падкрэсліў кіраўнік АП. Паводле яго слоў, беспрацоўе ў Беларусі цяпер на мінімальным узроўні, у пэўных сегментах эканомікі не хапае рабочых рук. А наконт узроўню даходаў ён растлумачыў, што рост ідзе ў адпаведнасці з прагнознымі параметрамі ў рамках сярэднетэрміновай праграмы развіцця краіны да 2025 года. "Мы там нічога не перавышаем, і ніякай сенсацыі на самай справе тут няма, - падкрэсліў Дзмітрый Крутой. - Аб'ёмы вытворчасці, аб'ёмы экспарту і ўзровень даходаў. Мы, нягледзячы на санкцыйны націск (практычна палавіна галін беларускай эканомікі знаходзіцца пад тымі ці іншымі відамі санкцый), усе прагнозныя параметры выконваем".
Падпісвайцеся на нас у
