Дзмітрый Крутой
2 верасня, Віцебск /Алеся Пушнякова - БЕЛТА/. Адзіная ў краіне пачатковая школа, сумешчаная з дзіцячым садам, з'яўляецца ўнікальнай для краіны, і яе вопыт будуць тыражаваць на ўсю рэспубліку. Аб гэтым на адкрыцці ўстановы адукацыі журналістам расказаў кіраўнік Адміністрацыі Прэзідэнта Беларусі Дзмітрый Крутой, перадае карэспандэнт БЕЛТА.
Кіраўнік Адміністрацыі адзначыў, што гэты праект знаходзіўся на слыху не толькі ў Віцебску, але і ва ўсёй краіне. "Гэта ўнікальны праект, шмат гадоў аб ім гаварылі, калі ў адным аб'екце мы сумесцім і дашкольную адукацыю, і пачатковую школу. І тут на самай справе было закладзена шмат сэнсаў, акрамя галоўнага - бясшвовы адаптацыйны пераход дзетак з дзіцячага сада ў школу", - сказаў Дзмітрый Крутой.
Яшчэ адной перавагай у рэалізацыі такога праекта кіраўнік Адміністрацыі назваў эканамічны эфект. "Другі важны момант - гэта эканомія рэсурсаў. Забяспечыць самую высокую якасць, самыя сучасныя тэхналогіі, якія сёння толькі ёсць у нас у рэспубліцы, але пры гэтым сэканоміць на стадыі праектавання і будаўніцтва і на стадыі ўтрымання гэтага будынка. Гэта эканомія на адміністрацыі, на нейкіх гаспадарчых функцыях. І трэці важны момант - гэта педагогі", - падкрэсліў Дзмітрый Крутой.
Ён таксама дадаў, што вопыт такіх праектаў будзе распаўсюджвацца на ўсю рэспубліку: "Ужо ёсць зацікаўленасць іншых кіраўнікоў рэгіёнаў у такім аб'екце, таму будзем яго тыражаваць па рэспубліцы. І спадзяюся, што гэты эксперымент будзе вельмі ўдачным".-0-
Падпісвайцеся на нас у
