Гучнымі рэкордамі, яркімі падзеямі, дасягненнямі запомніцца жыхарам Гомельскай вобласці мінулы год. Настрой на год бягучы і ў цэлым на новае пяцігоддзе - жыць, працаваць, ствараць у адзіным для ўсёй краіны рытме, які абазначаны Прэзідэнтам: час канкрэтных спраў, кожнага на сваім месцы. Аб гарызонтах развіцця вобласці, буйных праектах і кропках росту, а таксама аб выніках мінулай пяцігодкі ў інтэрв'ю БЕЛТА расказаў старшыня Гомельскага аблвыканкама Іван Крупко.
- 2025 год стаў завяршальным у пяцігодцы. З якім настроем Гомельская вобласць падводзіць яго вынікі?
- Мы завяршылі 2025 год упэўнена і спакойна, разумеючы, што за дасягнутымі вынікамі стаіць сістэмная, штодзённая работа. Паводле папярэдніх ацэнак, валавы рэгіянальны прадукт вобласці вырас на 2,5 працэнта. Гэта не разавы поспех, а заканамерны вынік паступальнага развіцця ключавых галін: сельскай гаспадаркі, прамысловасці, будаўніцтва, транспарту, гандлю.
Важна, што эканоміка развіваецца збалансавана. Істотную ролю адыгралі інвестыцыі: у асноўны капітал укладзена Br6,3 млрд з тэмпам росту звыш 118 працэнтаў. Паралельна раслі даходы людзей - рэальная заработная плата павялічылася амаль на 10 працэнтаў. А значыць, эканамічныя паказчыкі трансфармуюцца непасрэдна ў якасць жыцця.
- Якія сферы, напрамкі сталі вызначальнымі ў 2025 годзе?
- Асабліва адзначу сельскую гаспадарку. Рост вытворчасці прадукцыі перасягнуў 108 працэнтаў, а ў сельгасарганізацыях - 112 працэнтаў. Гэта вынік навядзення парадку, укаранення тэхналогій, павышэння дысцыпліны і адказнасці. Як не раз падкрэсліваў Прэзідэнт Аляксандр Лукашэнка, парадак і дысцыпліна - фундамент любой эфектыўнасці. Для Гомельскай вобласці гэта практычны арыенцір.
Сур'ёзны імпульс атрымалі і інвестыцыйныя праекты, мадэрнізацыя вытворчасцей, абнаўленне інфраструктуры. Мы не проста закрывалі бягучыя задачы, а фарміравалі задзел на будучыню, пад новую пяцігодку.
- Калі гаварыць шырэй, якія ключавыя вынікі ўсёй пяцігодкі 2021-2025 гадоў для рэгіёна?
- Гэта была няпростая пяцігодка: знешні націск, змяненне лагістыкі, неабходнасць аператыўна перабудоўваць эканоміку. Але менавіта ў такіх умовах праяўляецца ўстойлівасць сістэмы.
За пяць гадоў валавы рэгіянальны прадукт вобласці павялічыўся на 3,5 працэнта, а сумарны аб'ём перасягнуў $85 млрд. Рэальная заработная плата вырасла больш як на 40 працэнтаў і дасягнула ўзроўню амаль Br2,5 тыс.
За пяцігодку пабудавана звыш 2,3 млн кв.м жылля, у тым ліку каля 550 тыс. кв.м у сельскай мясцовасці. Гэта дало магчымасць наблізіць забяспечанасць жыллём да 30 кв.м на чалавека.
Адначасова ўводзіліся і рэканструяваліся аб'екты сацыяльнай інфраструктуры: школы, дзіцячыя сады, спартыўныя збудаванні, установы аховы здароўя і сацабслугоўвання.
- Добрыя вынікі паказаў і прамысловы блок…
- Безумоўна. Мы істотна абнавілі вытворчы патэнцыял. Рэалізаваны па-сапраўднаму знакавыя праекты. Петрыкаўскі горна-абагачальны комплекс, а гэта стратэгічна важная вытворчасць і больш за тысячу новых рабочых месцаў. У Добрушы на фабрыцы "Герой працы" асвоены выпуск сучасных відаў кардону. У Светлагорску створаны імпартазамяшчальныя вытворчасці: ад медыцынскіх пальчатак да зварачных электродаў. Мазырскі НПЗ увёў комплекс гідракрэкінгу, што дало магчымасць павысіць глыбіню перапрацоўкі нафты да 90 працэнтаў. Гэта ўжо іншы тэхналагічны ўзровень і іншая канкурэнтаздольнасць.
Усяго за пяць гадоў у эканоміку вобласці ўкладзена больш як Br25 млрд інвестыцый у асноўны капітал. І гэта інвестыцыі развіцця.
- У 2025 годзе Усебеларускім народным сходам прынята Праграма сацыяльна-эканамічнага развіцця на 2026-2030 гады. Якія арыенціры яна задае для Гомельскай вобласці?
- Гэта ключавы стратэгічны дакумент. Упершыню праграма зацверджана вышэйшым органам народаўладдзя і, як падкрэсліў Прэзідэнт, кожнае яе палажэнне падлягае няўхільнаму выкананню. Галоўны сэнс праграмы - нацыянальныя інтарэсы, бяспека і чалавек.
Для Гомельскай вобласці новая пяцігодка напоўнена канкрэтнымі задачамі. Мы плануем рэалізаваць больш за 100 інвестыцыйных праектаў, звыш 60 - у прамысловасці, з агульным аб'ёмам каля Br5,5 млрд. Гэта мадэрнізацыя "Гомсельмаша", "Гомельшкла", новыя вытворчасці на "СветлагорскХімвалакно", буйныя праекты на Гомельскім хімічным заводзе і Мазырскім НПЗ.
- Якую ролю ў будучай пяцігодцы будзе адыгрываць развіццё раёнаў і малых гарадоў?
- Ключавую. Прынцып Прэзідэнта "моцныя рэгіёны - моцная краіна" для нас практычны арыенцір. Мы прадоўжым рэалізацыю ініцыятывы "Адзін раён - адзін праект", развіццё прамысловай занятасці па-за буйнымі цэнтрамі. Людзі павінны мець магчымасць дастойна працаваць і камфортна жыць там, дзе нарадзіліся.
Не менш важным застаецца аграрны сектар: будаўніцтва і рэканструкцыя больш як 40 жывёлагадоўчых аб'ектаў, развіццё перапрацоўкі, укараненне перадавых тэхналогій.
- Якія сацыяльныя прыярытэты можна вылучыць на бліжэйшыя гады?
- У цэнтры, як і раней, - чалавек. Яго дабрабыт, здароўе, камфорт. У наступную пяцігодку мы плануем прыцягнуць больш за Br50 млрд інвестыцый, забяспечыць рост валавога рэгіянальнага прадукту не менш як 12 працэнтаў.
Але галоўнае, каб рост эканомікі адчуваўся ў кожнай сям'і. Для нас прынцыпова важна, каб за лічбамі стаялі рэальныя змяненні: у дварах, на прадпрыемствах, у сем'ях. Гэта развіццё медыцыны і адукацыі, сацыяльнай абароны, добраўпарадкавання, жыллёва-камунальных паслуг. Год добраўпарадкавання завершаны, але сам падыход - павага да чалавека і асяроддзя яго жыцця - застаецца.
- На старце новага года чаго б вы пажадалі жыхарам усяго рэгіёна?
- Няхай 2026-ы прынясе ў кожны дом здароўе, спакой, упэўненасць у заўтрашнім дні. У нас ёсць дакладныя мэты, зразумелы план дзеянняў і галоўнае - людзі, якія ўмеюць працаваць і вераць у сваю краіну. А значыць, усе пастаўленыя задачы нам пад сілу.
БЕЛТА.-0-
- 2025 год стаў завяршальным у пяцігодцы. З якім настроем Гомельская вобласць падводзіць яго вынікі?
- Мы завяршылі 2025 год упэўнена і спакойна, разумеючы, што за дасягнутымі вынікамі стаіць сістэмная, штодзённая работа. Паводле папярэдніх ацэнак, валавы рэгіянальны прадукт вобласці вырас на 2,5 працэнта. Гэта не разавы поспех, а заканамерны вынік паступальнага развіцця ключавых галін: сельскай гаспадаркі, прамысловасці, будаўніцтва, транспарту, гандлю.
Важна, што эканоміка развіваецца збалансавана. Істотную ролю адыгралі інвестыцыі: у асноўны капітал укладзена Br6,3 млрд з тэмпам росту звыш 118 працэнтаў. Паралельна раслі даходы людзей - рэальная заработная плата павялічылася амаль на 10 працэнтаў. А значыць, эканамічныя паказчыкі трансфармуюцца непасрэдна ў якасць жыцця.
- Якія сферы, напрамкі сталі вызначальнымі ў 2025 годзе?
- Асабліва адзначу сельскую гаспадарку. Рост вытворчасці прадукцыі перасягнуў 108 працэнтаў, а ў сельгасарганізацыях - 112 працэнтаў. Гэта вынік навядзення парадку, укаранення тэхналогій, павышэння дысцыпліны і адказнасці. Як не раз падкрэсліваў Прэзідэнт Аляксандр Лукашэнка, парадак і дысцыпліна - фундамент любой эфектыўнасці. Для Гомельскай вобласці гэта практычны арыенцір.
Сур'ёзны імпульс атрымалі і інвестыцыйныя праекты, мадэрнізацыя вытворчасцей, абнаўленне інфраструктуры. Мы не проста закрывалі бягучыя задачы, а фарміравалі задзел на будучыню, пад новую пяцігодку.
- Калі гаварыць шырэй, якія ключавыя вынікі ўсёй пяцігодкі 2021-2025 гадоў для рэгіёна?
- Гэта была няпростая пяцігодка: знешні націск, змяненне лагістыкі, неабходнасць аператыўна перабудоўваць эканоміку. Але менавіта ў такіх умовах праяўляецца ўстойлівасць сістэмы.
За пяць гадоў валавы рэгіянальны прадукт вобласці павялічыўся на 3,5 працэнта, а сумарны аб'ём перасягнуў $85 млрд. Рэальная заработная плата вырасла больш як на 40 працэнтаў і дасягнула ўзроўню амаль Br2,5 тыс.
За пяцігодку пабудавана звыш 2,3 млн кв.м жылля, у тым ліку каля 550 тыс. кв.м у сельскай мясцовасці. Гэта дало магчымасць наблізіць забяспечанасць жыллём да 30 кв.м на чалавека.
Адначасова ўводзіліся і рэканструяваліся аб'екты сацыяльнай інфраструктуры: школы, дзіцячыя сады, спартыўныя збудаванні, установы аховы здароўя і сацабслугоўвання.
- Добрыя вынікі паказаў і прамысловы блок…
- Безумоўна. Мы істотна абнавілі вытворчы патэнцыял. Рэалізаваны па-сапраўднаму знакавыя праекты. Петрыкаўскі горна-абагачальны комплекс, а гэта стратэгічна важная вытворчасць і больш за тысячу новых рабочых месцаў. У Добрушы на фабрыцы "Герой працы" асвоены выпуск сучасных відаў кардону. У Светлагорску створаны імпартазамяшчальныя вытворчасці: ад медыцынскіх пальчатак да зварачных электродаў. Мазырскі НПЗ увёў комплекс гідракрэкінгу, што дало магчымасць павысіць глыбіню перапрацоўкі нафты да 90 працэнтаў. Гэта ўжо іншы тэхналагічны ўзровень і іншая канкурэнтаздольнасць.
Усяго за пяць гадоў у эканоміку вобласці ўкладзена больш як Br25 млрд інвестыцый у асноўны капітал. І гэта інвестыцыі развіцця.
- У 2025 годзе Усебеларускім народным сходам прынята Праграма сацыяльна-эканамічнага развіцця на 2026-2030 гады. Якія арыенціры яна задае для Гомельскай вобласці?
- Гэта ключавы стратэгічны дакумент. Упершыню праграма зацверджана вышэйшым органам народаўладдзя і, як падкрэсліў Прэзідэнт, кожнае яе палажэнне падлягае няўхільнаму выкананню. Галоўны сэнс праграмы - нацыянальныя інтарэсы, бяспека і чалавек.
Для Гомельскай вобласці новая пяцігодка напоўнена канкрэтнымі задачамі. Мы плануем рэалізаваць больш за 100 інвестыцыйных праектаў, звыш 60 - у прамысловасці, з агульным аб'ёмам каля Br5,5 млрд. Гэта мадэрнізацыя "Гомсельмаша", "Гомельшкла", новыя вытворчасці на "СветлагорскХімвалакно", буйныя праекты на Гомельскім хімічным заводзе і Мазырскім НПЗ.
- Якую ролю ў будучай пяцігодцы будзе адыгрываць развіццё раёнаў і малых гарадоў?
- Ключавую. Прынцып Прэзідэнта "моцныя рэгіёны - моцная краіна" для нас практычны арыенцір. Мы прадоўжым рэалізацыю ініцыятывы "Адзін раён - адзін праект", развіццё прамысловай занятасці па-за буйнымі цэнтрамі. Людзі павінны мець магчымасць дастойна працаваць і камфортна жыць там, дзе нарадзіліся.
Не менш важным застаецца аграрны сектар: будаўніцтва і рэканструкцыя больш як 40 жывёлагадоўчых аб'ектаў, развіццё перапрацоўкі, укараненне перадавых тэхналогій.
- Якія сацыяльныя прыярытэты можна вылучыць на бліжэйшыя гады?
- У цэнтры, як і раней, - чалавек. Яго дабрабыт, здароўе, камфорт. У наступную пяцігодку мы плануем прыцягнуць больш за Br50 млрд інвестыцый, забяспечыць рост валавога рэгіянальнага прадукту не менш як 12 працэнтаў.
Але галоўнае, каб рост эканомікі адчуваўся ў кожнай сям'і. Для нас прынцыпова важна, каб за лічбамі стаялі рэальныя змяненні: у дварах, на прадпрыемствах, у сем'ях. Гэта развіццё медыцыны і адукацыі, сацыяльнай абароны, добраўпарадкавання, жыллёва-камунальных паслуг. Год добраўпарадкавання завершаны, але сам падыход - павага да чалавека і асяроддзя яго жыцця - застаецца.
- На старце новага года чаго б вы пажадалі жыхарам усяго рэгіёна?
- Няхай 2026-ы прынясе ў кожны дом здароўе, спакой, упэўненасць у заўтрашнім дні. У нас ёсць дакладныя мэты, зразумелы план дзеянняў і галоўнае - людзі, якія ўмеюць працаваць і вераць у сваю краіну. А значыць, усе пастаўленыя задачы нам пад сілу.
БЕЛТА.-0-
Падпісвайцеся на нас у
