1 жніўня, Смалявіцкі раён /Кар. БЕЛТА/. Творчую сустрэчу правялі артысты беларускай групы Aura Юлія Быкава і Яўген Алейнік у дзіцячым аздараўленчым лагеры "Хваля", перадае карэспандэнт БЕЛТА.
"Мы з вялікай любоўю ехалі сюды. У маім дзяцінстве такіх лагераў не было. У нас сёння незвычайны канцэрт, нават хутчэй творчая сустрэча. Мы з Юліяй пішам шмат песень і займаемся з дзецьмі. На наш погляд, кожнае дзіця творча таленавітае. Як адны з тых, хто лепш за ўсіх ведае, як развіваецца любая творчасць (дзіцячая, маладзёжная), адкажам на ўсе хвалюючыя пытанні", - звярнуўся да аўдыторыі Яўген Алейнік.
Юнакоў і дзяўчат хвалявалі розныя тэмы: гучалі пытанні пра творчасць, асабістае жыццё, гісторыю стварэння музычнай групы, працэс напісання песень, падрыхтоўку да выступлення, дасягненні і мэты, адносіны зорак да крытыкі і булінгу. Артысты дзяліліся жыццёвым вопытам і парадамі, што рабіць у той ці іншай сітуацыі.
"Калі адчуваеш у сабе патрэбнасць спяваць, танцаваць, маляваць, усё, што садзейнічае самавыяўленню, - гэта творчасць. Саромецца каго б там ні было, на мой погляд, на самай справе не варта", - падкрэсліла Юлія Быкава.
"Я лічу, гэта сустрэча вельмі значная і важная для дзяцей. Інтэрактыў, які ініцыяваў Яўген Алейнік, вельмі добры і плённы, зала жывая, дзецям цікава. Гэта дае моладзі зразумець, што быць зоркай не штосьці недасягальнае, трэба ставіць правільныя мэты, ісці да іх і ўсё атрымаецца. Калі дзецям расказваюць пра асабісты вопыт зорак, яны разумеюць, што рухаюцца ў правільным напрамку. Дзеці для сябе зразумелі, што для дасягнення поспеху трэба пастаянна прыкладаць намаганні і шмат працаваць", - адзначыла намеснік начальніка лагера Ліяна Клімук.
Рэспубліканская інфармацыйна-асветная акцыя "Крок да поспеху" пачалася сёння ў Беларусі. Яна разлічана на матывацыю моладзі, якая адпачывае ў дзіцячых аздараўленчых лагерах. Мэта - папулярызацыя дасягненняў рэспублікі і выхаванне пачуцця гонару за сваю краіну. Мінская вобласць першая прымае акцыю. У ходзе праекта ў дзяцей ёсць магчымасць сустрэцца з людзьмі, якія дабіліся поспеху ў сваіх сферах дзейнасці: культуры, спорце, адукацыі, сілавым блоку, журналістыцы, бізнесе і г.д.
Агульная тэрыторыя дзіцячага аздараўленчага лагера "Хваля" складае 10 тыс. кв.м. Летні сезон складаецца з пяці змен па 18 дзён. У кожны з заездаў адпачываюць каля 280 дзяцей ва ўзросце 6-17 гадоў.-0-
