Фота з архіва
2 мая, Мінск /Кар. БЕЛТА/. Начальнік галоўнага ўпраўлення юрыдычнай работы і прававога забеспячэння Федэрацыі прафсаюзаў Беларусі Марына Лазар расказала ў праекце БЕЛТА "Краіна гаворыць", колькі чалавек атрымалі кансультацыі ў дні прафсаюзнага прававога прыёму ў мінулым годзе.
Прававая і тэхнічная інспекцыі Федэрацыі прафсаюзаў Беларусі працуюць па сваіх напрамках. "У нас ёсць юрыдычная кансультацыя, у якую работнікі могуць патэлефанаваць і атрымаць неабходную дапамогу. Раз у месяц у нас праходзяць дні прафсаюзнага прававога прыёму, калі ўся наша прававая інспекцыя, а гэта 115 спецыялістаў, прыязджае ў рэгіёны і кансультуе людзей па хвалюючых пытаннях", - адзначыла Марына Лазар, гаворачы пра работу прававых інспектараў.
У мінулым годзе на такія прыёмы прыйшло больш за 5 тыс. чалавек і атрымала кансультацыі. "Часам людзі прыходзяць з пытаннем, якое не зусім закранае кампетэнцыю прафсаюзаў, але мы можам яму падказаць, куды трэба звярнуцца. Часам прыходзяць людзі, якія просяць дапамогі, звязанай з напаўненнем калектыўнага дагавора. Напрыклад, прыходзіла жанчына на прыём з пытаннем аб тым, што ёй засталося тры гады да пенсіі, а наймальнік выдаў паведамленне аб непрадаўжэнні кантракта. У той жа дзень наш прававы інспектар пачаў разбірацца, а ў іх у калектыўным дагаворы было закладзена тры гады. Звязаўся наш прававы інспектар з кіраўніком прадпрыемства, з кадравай службай, і ў той жа дзень паведамленне аб непрадаўжэнні кантракта было анулявана", - дадала начальнік галоўнага ўпраўлення.
Часцей за ўсё работнікі звяртаюцца якраз за кансультацыямі, звязанымі з нормамі кантракта. "Часам, калі ў калектыўным дагаворы няма ахоўных норм, такія нормы могуць быць у тарыфным пагадненні. І некаторыя калектыўныя дагаворы робяць адсылку на нормы тарыфнага пагаднення і прызнаюць іх нормамі прамога дзеяння. Тады, калі не карыстаемся нормай калектыўнага дагавора, то тарыфным пагадненнем. Звяртаюцца таксама па пытаннях прыцягнення да адказнасці. Таму што, па-першае, наймальнік можа не прадоўжыць кантракт, калі чалавек мае спагнанне, а па-другое, гэта можа быць адлюстравана ў характарыстыках", - звярнула ўвагу Марына Лазар.-0-
*Праект створаны за кошт сродкаў мэтавага збору на вытворчасць нацыянальнага кантэнту
Прававая і тэхнічная інспекцыі Федэрацыі прафсаюзаў Беларусі працуюць па сваіх напрамках. "У нас ёсць юрыдычная кансультацыя, у якую работнікі могуць патэлефанаваць і атрымаць неабходную дапамогу. Раз у месяц у нас праходзяць дні прафсаюзнага прававога прыёму, калі ўся наша прававая інспекцыя, а гэта 115 спецыялістаў, прыязджае ў рэгіёны і кансультуе людзей па хвалюючых пытаннях", - адзначыла Марына Лазар, гаворачы пра работу прававых інспектараў.
У мінулым годзе на такія прыёмы прыйшло больш за 5 тыс. чалавек і атрымала кансультацыі. "Часам людзі прыходзяць з пытаннем, якое не зусім закранае кампетэнцыю прафсаюзаў, але мы можам яму падказаць, куды трэба звярнуцца. Часам прыходзяць людзі, якія просяць дапамогі, звязанай з напаўненнем калектыўнага дагавора. Напрыклад, прыходзіла жанчына на прыём з пытаннем аб тым, што ёй засталося тры гады да пенсіі, а наймальнік выдаў паведамленне аб непрадаўжэнні кантракта. У той жа дзень наш прававы інспектар пачаў разбірацца, а ў іх у калектыўным дагаворы было закладзена тры гады. Звязаўся наш прававы інспектар з кіраўніком прадпрыемства, з кадравай службай, і ў той жа дзень паведамленне аб непрадаўжэнні кантракта было анулявана", - дадала начальнік галоўнага ўпраўлення.
Часцей за ўсё работнікі звяртаюцца якраз за кансультацыямі, звязанымі з нормамі кантракта. "Часам, калі ў калектыўным дагаворы няма ахоўных норм, такія нормы могуць быць у тарыфным пагадненні. І некаторыя калектыўныя дагаворы робяць адсылку на нормы тарыфнага пагаднення і прызнаюць іх нормамі прамога дзеяння. Тады, калі не карыстаемся нормай калектыўнага дагавора, то тарыфным пагадненнем. Звяртаюцца таксама па пытаннях прыцягнення да адказнасці. Таму што, па-першае, наймальнік можа не прадоўжыць кантракт, калі чалавек мае спагнанне, а па-другое, гэта можа быць адлюстравана ў характарыстыках", - звярнула ўвагу Марына Лазар.-0-
*Праект створаны за кошт сродкаў мэтавага збору на вытворчасць нацыянальнага кантэнту
Падпісвайцеся на нас у
