Мабільная версія
ДЗЯРЖОРГАНЫ

Апошнія навіны
Усе навіны

Кол-цэнтр па афармленні ДТЗ без выкліку ДАІ з 19 жніўня будзе працаваць кругласутачна па нумары 140

Грамадства 16.08.2019 | 14:18
Фота з архіва
Фота з архіва

16 жніўня, Мінск /Кар. БЕЛТА/. Кол-цэнтр для кансультавання па афармленні ДТЗ без выкліку ДАІ з 19 жніўня будзе працаваць кругласутачна па кароткім нумары 140. Аб гэтым паведамілі БЕЛТА ў Беларускім бюро па транспартным страхаванні.

"Часта вадзіцелі, знаходзячыся ў стрэсавай сітуацыі, зведваюць цяжкасці пры прыняцці рашэння адносна афармлення ДТЗ без выкліку ДАІ і запаўнення паведамлення. У сувязі з гэтым Беларускім бюро па транспартным страхаванні сумесна са страхавымі арганізацыямі - членамі бюро створаны кол-цэнтр па кароткім нумары 140 для кансультавання грамадзян па пытаннях, звязаных з афармленнем ДТЗ без выкліку ДАІ. З 19 жніўня кол-цэнтр 140 пачне працаваць у кругласутачным рэжыме", - паведамілі ў Беларускім бюро па транспартным страхаванні.

Звярнуўшыся ў кол-цэнтр 140, грамадзяне змогуць аператыўна атрымаць кансультацыю як па парадку і ўмовах афармлення ДТЗ без выкліку ДАІ, так і па запаўненні паведамлення і іншых пытаннях, на якія неабходна звярнуць асаблівую ўвагу ў такіх сітуацыях.

Аператары кол-цэнтра 140 пры неабходнасці змогуць праверыць у базе даных па абавязковым страхаванні грамадзянскай адказнасці ўладальнікаў транспартных сродкаў наяўнасць дзеючых дагавораў страхавання аўто, што маюць дачыненне да ДТЗ.

Кансультацыі аператарамі кол-цэнтра 140 прадастаўляюцца бясплатна. Пры гэтым паслугі мабільнай сувязі аплачваюцца па тарыфах мабільных аператараў, званкі для абанентаў стацыянарнай тэлефоннай сеткі бясплатныя.

У Беларускім бюро па транспартным страхаванні нагадалі, што перавагамі афармлення ДТЗ з дапамогай запаўнення паведамлення з'яўляюцца хуткасць і зручнасць, паколькі вадзіцелям не трэба чакаць прыезду супрацоўнікаў ДАІ. Пры гэтым страхоўшчык выплачвае пацярпеламу страхавую кампенсацыю на падставе паведамлення, а вінаваты не прыцягваецца да адміністрацыйнай адказнасці.

Магчымасць пры нязначным ДТЗ аформіць яго без выкліку ДАІ шляхам запаўнення бланка паведамлення аб дарожна-транспартным здарэнні з'явілася з 2010 года. Такія бланкі выдаюцца ў абавязковым парадку пры заключэнні дагавора страхавання бясплатна страхоўшчыкамі, а таксама ў паштовых аддзяленнях і на аўтазапраўках.

Удзельнікі ДТЗ маюць права не паведамляць аб ім ДАІ пры наяўнасці адначасова некалькіх абставін: урон нанесены толькі двум транспартным сродкам; у вадзіцеляў адсутнічаюць прэтэнзіі да стану адзін аднаго (гэтыя асобы не знаходзяцца ў стане алкагольнага ап'янення або ў стане, выкліканым спажываннем наркатычных сродкаў, псіхатропных рэчываў і г.д.); ва ўдзельнікаў ДТЗ няма рознагалоссяў па характары бачных пашкоджанняў транспартных сродкаў, абставінах нанясення ўрону, і адзін з вадзіцеляў прызнае сваю віну; адносна транспартных сродкаў дзейнічаюць дагаворы абавязковага страхавання грамадзянскай адказнасці іх уладальнікаў; вадзіцелі маюць права кіравання транспартнымі сродкамі адпаведнай катэгорыі; урон, нанесены кожнаму транспартнаму сродку, што меў дачыненне да ДТЗ, ацэньваецца іх вадзіцелямі ў памеры да 400 еўра. З 1 верасня ўступае ў сілу ўказ ад 11 мая 2019 года нумар 175 "Аб страхаванні", у адпаведнасці з якім павялічаны ліміт страхавой кампенсацыі пры афармленні ДТЗ без выкліку ДАІ з 400 да 800 еўра.-0-

Версія для друку
Навіны рубрыкі Грамадства
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Кіеў
Ліда
Мінск
Магілёў
Магілёў
Мозыр
Масква
Орша
Полацк
Рыга
Санкт-Пецярбург
Салігорск
Салігорск

Інфаграфіка

Асеннія кірмашы Сезон асенніх кірмашоў адкрываецца ў Беларусі. Усяго запланавана больш за 150 кірмашоў