20 студзеня, Мінск /Кар. БЕЛТА/. Дакументальна-біяграфічны нарыс "Наш Прэзідэнт" прэзентавалі 20 студзеня ў Нацыянальнай бібліятэцы Беларусі, перадае карэспандэнт БЕЛТА.
Прэзентаваў яго аўтарскі калектыў выдання - Аляксандр Радзькоў, Наталля Эйсмант, Уладзімір Пярцоў, Аляксандр Карлюкевіч.
Прэс-сакратар Прэзідэнта Беларусі Наталля Эйсмант расказала, што шлях, які прайшоў аўтарскі калектыў, быў доўгім і няпростым. "Мы не ставілі перад сабой задачу напісаць біяграфію Прэзідэнта. Тым больш не ставілі задачу раскрыць нейкія кулуары палітычнага жыцця і, не дай бог, зрабіць нешта штучна кідкае, шакіруючае, жоўтае. Гэта не наш стыль і не наш метад, - сказала яна. - Задача, як я сама для сябе ўнутры вызначаю, - нагадаць, які шлях прайшоў і кожны дзень праходзіць Прэзідэнт, колькі ім зроблена і робіцца для нашай краіны, для кожнага з нас".
Наталля Эйсмант заўважыла, што многія з журналістаў, якія кожны дзень працуюць з кіраўніком дзяржавы, добра ведаюць стаўленне Прэзідэнта да такіх матэрыялаў, твораў пра яго. "Ніякага правадырства. Гэта не толькі наш лозунг і дэвіз. У нас на такія рэчы адназначнае табу", - падкрэсліла яна.
Замахнуцца на такую работу было вялікай адказнасцю, упэўнена прэс-сакратар Прэзідэнта Беларусі. "Мы ўсе разумеем, што кніга пра Прэзідэнта - тая кніга, якую кожны будзе разглядваць пад мікраскопам. У першую чаргу сам Прэзідэнт, нашы людзі, мы з вамі, нашы апаненты, - сказала яна. - І ўсё ж, нягледзячы на гэтыя абставіны, пасля доўгага пошуку, сумненняў, мы за гэту справу вырашылі ўзяцца".
Калектыў аўтараў доўга выношваў ідэю, шукаў стыль падачы матэрыялу, форму гэтай кнігі, прадоўжыла Наталля Эйсмант. "Шукалі, чым можна зацікавіць, закрануць. Працавалі, спыняючыся, шмат спрачаліся, дыскутавалі, нешта скарачалі, нешта дадавалі, жыццё нам падкідвала нейкія рэчы. У мінулым годзе палёт першай беларускай касманаўткі - мы ведаем асабісты ўдзел Прэзідэнта ў гэтай важнейшай гісторыі, глабальнай гісторыі нашай краіны. Вядома, гэтага не магло не з'явіцца ў кнізе", - адзначыла прэс-сакратар Прэзідэнта.
Складана было пачаць работу, але не менш складана было завяршыць, заўважыла яна. Здавалася, што можна падабраць лепшы ракурс, пераставіць месцамі абзацы, словы. Доўга не маглі паставіць кропку. Аднак гэта адбылося, і кніга лягла на стол Прэзідэнта.
"Вельмі доўгі час Прэзідэнт аб гэтай рабоце не ведаў. Мы сапраўды рабілі яе ініцыятыўна, самастойна", - дадала Наталля Эйсмант.
"У жніўні 2024 года, як нам здавалася цалкам у гатовым выглядзе, кніга лягла на галоўны рабочы стол нашай краіны. Мы ведаем, што Прэзідэнт кнігу паглядзеў. Не было ніякіх ацэнак, ніякіх рэакцый, - сказала яна. - Было адзінае даручэнне: гэту кнігу павінны пачытаць розныя людзі, розных узроставых, сацыяльных груп, людзі нашы, людзі палітычна нейтральныя".
Даручэнне Прэзідэнта было выканана. "Гэту кнігу пачыталі праграміст і пенсіянер, дэпутат і дырэктар Нацыянальнай бібліятэкі, кіраўнік аднаго з нашых цэнтральных СМІ, профільныя эксперты па самых важных для нас напрамках. І гэта быў вельмі і вельмі актыўны ўдзел. У кожнага, хто глядзеў кнігу, былі свае заўвагі, свае прапановы. Шмат у чым мы іх улічылі і прадоўжылі дашліфоўку", - расказала прэс-сакратар Прэзідэнта.
Наталля Эйсмант акцэнтавала ўвагу, што фінальны варыянт стаў вынікам удзелу ў гэтай рабоце вялікай колькасці людзей, атрымалася сапраўды экспертна-народная праца.
Разам з тым, аўтарскі калектыў шукаў асаблівасці, якімі павінна вызначацца такая кніга. "Вырашылі, што вельмі важна выклікаць у чытача пачуццё дачынення да прэзідэнцкай работы, прэзідэнцкага лёсу. У кнізе ў сувязі з гэтым з'явіліся дадатковыя матэрыялы", - адзначыла Наталля Эйсмант.
Так, у першай частцы, якая расказвае пра дзяцінства, юнацтва, універсітэцкія гады і ваенную службу, можна ўбачыць сапраўдны эксклюзіў - копію камсамольскай характарыстыкі Аляксандра Лукашэнкі, копію старонкі студэнцкай залікоўкі. Цяпер гэта ўсё можа з'явіцца ў кожным доме, кожнай кватэры, кожным рабочым кабінеце.
У выданні прадстаўлены таксама рукапісныя тэзісы кіраўніка дзяржавы, зробленыя ў момант удзелу ў Генасамблеі ААН у верасні 2015 года ў Нью-Ёрку.
"Гэта немалаважны момант, які характарызуе нашага Прэзідэнта, - сказала прэс-сакратар. - Мы ўсе добра ведаем, што кіраўнік дзяржавы над кожным выступленнем працуе асабіста. Асабліва над такімі фундаментальнымі, рэзананснымі выступленнямі".
Наталля Эйсмант адзначыла, што сама бачыла, як Прэзідэнт, знаходзячыся на Генасамблеі ААН, слухаючы сусветных лідараў, шліфаваў сваё выступленне, хоць да гэтага была праведзена вялікая работа Адміністрацыяй Прэзідэнта, МЗС. "Такая работа ідзе да апошняй секунды, літаральна да выхаду да трыбуны. Трэба рабіць так, каб нас слухалі і чулі з вялікіх трыбун", - падкрэсліла яна, дадаўшы, што названыя матэрыялы павінны выклікаць пачуццё дачынення ў кожнага чытача.
Як паведамілі на прэзентацыі, набыць кнігу можна ўжо сёння ў магазіне "Светач" і магазінах "Першы".-0-
Прэзентаваў яго аўтарскі калектыў выдання - Аляксандр Радзькоў, Наталля Эйсмант, Уладзімір Пярцоў, Аляксандр Карлюкевіч.
Прэс-сакратар Прэзідэнта Беларусі Наталля Эйсмант расказала, што шлях, які прайшоў аўтарскі калектыў, быў доўгім і няпростым. "Мы не ставілі перад сабой задачу напісаць біяграфію Прэзідэнта. Тым больш не ставілі задачу раскрыць нейкія кулуары палітычнага жыцця і, не дай бог, зрабіць нешта штучна кідкае, шакіруючае, жоўтае. Гэта не наш стыль і не наш метад, - сказала яна. - Задача, як я сама для сябе ўнутры вызначаю, - нагадаць, які шлях прайшоў і кожны дзень праходзіць Прэзідэнт, колькі ім зроблена і робіцца для нашай краіны, для кожнага з нас".
Наталля Эйсмант заўважыла, што многія з журналістаў, якія кожны дзень працуюць з кіраўніком дзяржавы, добра ведаюць стаўленне Прэзідэнта да такіх матэрыялаў, твораў пра яго. "Ніякага правадырства. Гэта не толькі наш лозунг і дэвіз. У нас на такія рэчы адназначнае табу", - падкрэсліла яна.
Калектыў аўтараў доўга выношваў ідэю, шукаў стыль падачы матэрыялу, форму гэтай кнігі, прадоўжыла Наталля Эйсмант. "Шукалі, чым можна зацікавіць, закрануць. Працавалі, спыняючыся, шмат спрачаліся, дыскутавалі, нешта скарачалі, нешта дадавалі, жыццё нам падкідвала нейкія рэчы. У мінулым годзе палёт першай беларускай касманаўткі - мы ведаем асабісты ўдзел Прэзідэнта ў гэтай важнейшай гісторыі, глабальнай гісторыі нашай краіны. Вядома, гэтага не магло не з'явіцца ў кнізе", - адзначыла прэс-сакратар Прэзідэнта.
Складана было пачаць работу, але не менш складана было завяршыць, заўважыла яна. Здавалася, што можна падабраць лепшы ракурс, пераставіць месцамі абзацы, словы. Доўга не маглі паставіць кропку. Аднак гэта адбылося, і кніга лягла на стол Прэзідэнта.
"Вельмі доўгі час Прэзідэнт аб гэтай рабоце не ведаў. Мы сапраўды рабілі яе ініцыятыўна, самастойна", - дадала Наталля Эйсмант.
"У жніўні 2024 года, як нам здавалася цалкам у гатовым выглядзе, кніга лягла на галоўны рабочы стол нашай краіны. Мы ведаем, што Прэзідэнт кнігу паглядзеў. Не было ніякіх ацэнак, ніякіх рэакцый, - сказала яна. - Было адзінае даручэнне: гэту кнігу павінны пачытаць розныя людзі, розных узроставых, сацыяльных груп, людзі нашы, людзі палітычна нейтральныя".
Даручэнне Прэзідэнта было выканана. "Гэту кнігу пачыталі праграміст і пенсіянер, дэпутат і дырэктар Нацыянальнай бібліятэкі, кіраўнік аднаго з нашых цэнтральных СМІ, профільныя эксперты па самых важных для нас напрамках. І гэта быў вельмі і вельмі актыўны ўдзел. У кожнага, хто глядзеў кнігу, былі свае заўвагі, свае прапановы. Шмат у чым мы іх улічылі і прадоўжылі дашліфоўку", - расказала прэс-сакратар Прэзідэнта.
Разам з тым, аўтарскі калектыў шукаў асаблівасці, якімі павінна вызначацца такая кніга. "Вырашылі, што вельмі важна выклікаць у чытача пачуццё дачынення да прэзідэнцкай работы, прэзідэнцкага лёсу. У кнізе ў сувязі з гэтым з'явіліся дадатковыя матэрыялы", - адзначыла Наталля Эйсмант.
Так, у першай частцы, якая расказвае пра дзяцінства, юнацтва, універсітэцкія гады і ваенную службу, можна ўбачыць сапраўдны эксклюзіў - копію камсамольскай характарыстыкі Аляксандра Лукашэнкі, копію старонкі студэнцкай залікоўкі. Цяпер гэта ўсё можа з'явіцца ў кожным доме, кожнай кватэры, кожным рабочым кабінеце.
У выданні прадстаўлены таксама рукапісныя тэзісы кіраўніка дзяржавы, зробленыя ў момант удзелу ў Генасамблеі ААН у верасні 2015 года ў Нью-Ёрку.
Наталля Эйсмант адзначыла, што сама бачыла, як Прэзідэнт, знаходзячыся на Генасамблеі ААН, слухаючы сусветных лідараў, шліфаваў сваё выступленне, хоць да гэтага была праведзена вялікая работа Адміністрацыяй Прэзідэнта, МЗС. "Такая работа ідзе да апошняй секунды, літаральна да выхаду да трыбуны. Трэба рабіць так, каб нас слухалі і чулі з вялікіх трыбун", - падкрэсліла яна, дадаўшы, што названыя матэрыялы павінны выклікаць пачуццё дачынення ў кожнага чытача.
Як паведамілі на прэзентацыі, набыць кнігу можна ўжо сёння ў магазіне "Светач" і магазінах "Першы".-0-
Падпісвайцеся на нас у
