19 верасня, Мінск /Кар. БЕЛТА/. План па захопе ўлады ў 2021 годзе быў класічным ваенным пераваротам і прадугледжваў блакіраванне Мінска і Астрашыцкага Гарадка. Аб гэтым у фільме "Забойная змова. Мэта - Лукашэнка" на канале "Беларусь 1" расказаў адзін са змоўшчыкаў Юрый Зянковіч, які быў асуджаны на 11 гадоў пазбаўлення волі ў верасні 2022 года, паведамляе БЕЛТА.
Юрый Зянковіч пацвердзіў, што ён і іншыя змоўшчыкі ў 2021 годзе сапраўды мелі намер забіць Прэзідэнта Беларусі. "Атрымалася так, што мы прайгралі. І трое з нашых людзей апынуліся, так мовіць, у месцах не такіх аддаленых", - сказаў ён.
Гаворачы пра план дзяржаўнага перавароту, Юрый Зянковіч назваў яго класічным дзяржаўным пераваротам: "Мы вельмі часта ў абмеркаваннях успаміналі пераварот у Чылі - пераварот Аўгуста Піначэта, калі генералы бяруць уладу ў свае рукі і ўстанаўліваюць ваенны ўрад".
Гаворачы пра план дзяржаўнага перавароту, Юрый Зянковіч назваў яго класічным дзяржаўным пераваротам: "Мы вельмі часта ў абмеркаваннях успаміналі пераварот у Чылі - пераварот Аўгуста Піначэта, калі генералы бяруць уладу ў свае рукі і ўстанаўліваюць ваенны ўрад".
План ваеннага перавароту ў Беларусі быў наступным. Да світання часці, якія прымаюць удзел у мяцяжы, павінны былі пакінуць месцы сваёй дыслакацыі. Частка сіл адводзілася на блакіраванне Мінска, каб не падышлі падмацаванні. Танкавы батальён павінен быў дайсці да Астрашыцкага Гарадка, заблакіраваць яго і ўзяць усіх, хто там знаходзіцца, у палон. У выпадку супраціўлення планавалася ўстараніць людзей.
"У нас была інфармацыя, што кіраўнік дзяржавы праводзіць вялікую частку часу ў Астрашыцкім гарадку. Акрамя таго, мы лічылі, што там можа знаходзіцца запас грошай, якія кіраўнік дзяржавы можа выкарыстаць у выпадку нейкіх надзвычайных абставін. А грошы патрэбны былі для таго, каб разлічыцца з ваеннымі, таму захоп Астрашыцкага Гарадка для нас быў дастаткова прынцыповы, паколькі нам патрэбны былі грошы, каб заплаціць ваенным", - растлумачыў Юрый Зянковіч.
Другія сілы павінны былі рушыць у бок цэнтра горада, захапіць рэзідэнцыю Прэзідэнта і асноўныя сродкі масавай інфармацыі. У прыватнасці, размова ішла пра будынкі на вуліцах Камуністычнай і Макаёнка. "Заняць іх, каб прадстаўнікі хунты маглі выступіць са зваротам да народа, насельніцтва з вельмі простым пасылам: улада пераходзіць у рукі ваенных, да ўсіх патрабаванне захоўваць спакой, выконваць свае службовыя абавязкі. Хто не падначаліцца, будзе мець справу з арміяй. Адпаведна, будзе арыштаваны або, калі акажа ўзброенае супраціўленне, будзе знішчаны на месцы", - дадаў Юрый Зянковіч.
Паводле яго слоў, адзін з абвінавачаных па справе аб спробах захопу дзяржаўнай улады Ігар Макар шукаў для куплі дом у Гомельскай вобласці. У падвале ён збіраўся трымаць заложнікаў, якіх можна было выкарыстаць у перагаворах у выпадку няўдалага развіцця падзей. "У прыватнасці, гучала імя Мікалая Лукашэнкі, якога таксама павінны былі ўтрымліваць у гэтым доме. І яго павінны былі выкарыстаць у працэсе торгу, перагавораў, размоў, націску", - канстатаваў Юрый Зянковіч.
Змоўшчыкі разглядалі ўсе варыянты і лічылі, што кроў будзе ў любым выпадку, заявіў Юрый Зянковіч. "З нашага пункту гледжання, ваенны пераварот - гэта адзіны шанц выправіць тыя памылкі, якія былі дапушчаны Ціханоўскай і яе людзьмі", - рэзюмаваў ён.-0-
Падпісвайцеся на нас у
