16 лістапада, Мінск /Кар. БЕЛТА/. Адміністрацыя Прэзідэнта Беларусі прадаўжае на планавай аснове ажыццяўляць выязныя прыёмы грамадзян і юрыдычных асоб у рэгіёнах. Чарговыя сустрэчы запланаваны на 20-23 лістапада ў Віцебскай, Гомельскай, Магілёўскай і Мінскай абласцях, паведамляе БЕЛТА.
Так, памочнік Прэзідэнта - інспектар па Мінскай вобласці Ігар Яўсееў правядзе прыём у Салігорскім райвыканкаме 20 лістапада з 10.00 да 13.00.
Памочнік Прэзідэнта - інспектар па Магілёўскай вобласці Генадзь Лаўранкоў прыме жыхароў рэгіёна ў Клічаўскім райвыканкаме 21 лістапада з 12.00 да 14.00, а да гэтага з 10.00 правядзе прамую тэлефонную лінію. У гэты ж дзень з 10.00 да 13.00 у Глыбоцкім райвыканкаме асабісты прыём правядзе памочнік Прэзідэнта - інспектар па Віцебскай вобласці Віталь Воўк.
У Мазырскім райвыканкаме 22 лістапада з 11.00 да 14.00 выязны прыём правядзе першы намеснік кіраўніка Адміністрацыі Прэзідэнта Максім Рыжанкоў.
Намеснік кіраўніка Адміністрацыі прэзідэнта Уладзімір Жаўняк будзе сустракацца з грамадзянамі ў Хойніцкім райвыканкаме 23 лістапада з 14.00 да 17.00.
Запісацца на прыём можна па тэлефонах аддзелаў па рабоце са зваротамі грамадзян адпаведных выканаўчых камітэтаў.-0-