30 лістапада, Мінск /Кар. БЕЛТА/. Кіраўнікі дзяржорганаў правядуць у снежні асабістыя прыёмы грамадзян, іх прадстаўнікоў і прадстаўнікоў юрыдычных асоб у Савеце Міністраў, паведамілі БЕЛТА ў прэс-службе ўрада.
Намеснік прэм'ер-міністра Ігар Петрышэнка правядзе прыём грамадзян 2 снежня.
На 4 снежня запланавана сустрэча з грамадзянамі міністра жыллёва-камунальнай гаспадаркі Андрэя Хмеля, на 9 снежня - міністра абароны Віктара Хрэніна, на 11 снежня - міністра адукацыі Ігара Карпенкі.
Трапіць на прыём грамадзян да міністра антыманапольнага рэгулявання і гандлю Уладзіміра Калтовіча можна будзе 16 снежня, міністра па надзвычайных сітуацыях Уладзіміра Вашчанкі - 18 снежня, старшыні Дзяржаўнага камітэта па навуцы і тэхналогіях Аляксандра Шуміліна - 23 снежня.
Міністр сельскай гаспадаркі і харчавання Іван Крупко правядзе прыём у Саўміне 30 снежня.
Асабісты прыём міністрамі і старшынямі дзяржаўных камітэтаў праводзіцца, як правіла, у адпаведнасці з папярэднім запісам, а намеснікамі прэм'ер-міністра - толькі па папярэднім запісе з прадстаўленнем звароту па сутнасці пытання.
Прыёмы праходзяць з 10.00 па адрасе вул. Савецкая, 9, кабінет 103. Кантактныя тэлефоны: 8(017) 222-65-09, 222-63-69.-0-
