9 кастрычніка, Мінск /Кар. БЕЛТА/. Кіраўнікі дзяржорганаў правядуць у кастрычніку прыёмы грамадзян у рэгіёнах, паведамляе БЕЛТА са спасылкай на сайт урада.
Старшыня Дзяржаўнага камітэта па маёмасці Андрэй Гаеў сустрэнецца з грамадзянамі 16 кастрычніка ў Лепельскім райвыканкаме.
23 кастрычніка прыём у Кобрынскім райвыканкаме правядзе міністр спорту і турызму Сяргей Кавальчук.
На 24 кастрычніка назначаны сустрэчы з грамадзянамі міністра ўнутраных спраў Юрыя Караева (у Глускім райвыканкаме) і міністра працы і сацыяльнай абароны Ірыны Касцевіч (у Барысаўскім райвыканкаме).-0-
