Фота з архіва
29 верасня, Мінск /Кар. БЕЛТА/. Міністр замежных спраў Беларусі Максім Рыжанкоў у сваім выступленні з трыбуны ААН агучыў рэцэпт умацавання асноў гэтай арганізацыі, перадае карэспандэнт БЕЛТА.
"Першае. ААН павінна вызваліцца ад дыктату з боку асобных дзяржаў, якім уласціва ўседазволенасць і ўласная выключнасць. ААН - гэта ўсе мы", - падкрэсліў міністр.
Ён адзначыў, што супрацоўнікі Сакратарыята павінны памятаць, што, становячыся супрацоўнікамі ААН, яны працуюць у інтарэсах усёй Арганізацыі, а не каб дагадзіць краінам свайго грамадзянства, і таму абавязаны быць аб'ектыўнымі, непрадузятымі і незалежнымі.
"Другое. Арганізацыя павінна працаваць у падтрымку рэгіянальных працэсаў, паколькі рэгіяналізм - гэта ключавая рэалія сённяшняга дня. Мы назіраем пастаяннае ўмацаванне рэгіянальных інтэграцыйных працэсаў у розных кутках планеты", - адзначыў Максім Рыжанкоў.
Так, набіраюць абароты ў сваёй дзейнасці аб'яднанні краін Глабальнай Большасці. Гэта БРІКС, ШАС, СНД, ЕАЭС, Афрыканскі Саюз, АСЕАН і многія іншыя. "ААН неабходна ўбудоўвацца ў гэтыя працэсы, садзейнічаючы іх развіццю і спалучэнню", - лічыць кіраўнік МЗС.
"Трэцяе. У мінулым годзе краіны Захаду інсцэніравалі брудную кампанію па недапушчэнні выбрання кандыдатуры Беларусі ў склад непастаянных членаў Савета Бяспекі. Так моцна баяліся нашага сумленнага голасу ў гэтым органе. Аднак і па-за Саветам мы будзем адкрыта выказвацца па ўсім спектры міжнародных праблем. Больш таго, мы і далей будзем настойваць на справядлівай рэформе Савета Бяспекі, таму што голас краін Глабальнай Большасці ў Савеце - гэта і наш голас", - заявіў Максім Рыжанкоў.
Таму беларускі бок лічыць, што надзённая патрэбнасць дня - рэформа Савета Бяспекі ААН за кошт вялікіх краін Азіі, Афрыкі і Лацінскай Амерыкі, якія сталі на шлях развіцця. "Гэтыя краіны - на вастрыі асноўных глабальных праблем. Яны лепш за іншых ведаюць, як вырашаць войны і канфлікты ў свеце, які развіваецца. Ды і вага іх у сусветных справах сёння значна большая, чым яна была 80 гадоў таму", - упэўнены міністр.
Чацвёртае - ААН павінна сказаць сваё прынцыповае слова аб непрымальнасці аднабаковых мер. "Мы маем права чакаць ад Арганізацыі сур'ёзных і аб'ектыўных ацэнак аб негатыўным уплыве санкцый на працэсы ўстойлівага развіцця, пра якое мы так усе дбаем. Больш таго, лічым неабходным паставіць работу ў ААН па процідзеянні незаконным санкцыям на сістэмную аснову", - заявіў кіраўнік МЗС.
Ён падкрэсліў, што ўсім такім выпадкам павінна давацца прынцыповая аб'ектыўная ацэнка.
Пятае - неабходна выкарыстоўваць ААН як пляцоўку для эфектыўнага вырашэння пастаянна нарастаючых транснацыянальных пагроз.
"Беларусь заўсёды была прыхільная да калектыўнага падыходу для вырашэння агульных глабальных праблем. Міграцыя, пандэміі, стыхійныя бедствы, гандаль людзьмі, голад і многія іншыя. За сценамі гэтай залы ёсць таймер, які ў рэжыме рэальнага часу дакладна адлічвае грашовыя сродкі, затрачаныя на ўзбраенне. Трыльёны долараў! І гэта толькі тое, што ведае ААН", - заўважыў Максім Рыжанкоў.
Ён параіў, каб краіны "залатога мільярда" накіравалі гэтыя трыльёны не на развязванне і сілкаванне чарговых войнаў і канфліктаў, а на вырашэнне жыццёвых для людзей пытанняў. "Многія глабальныя праблемы тады адразу будуць вырашаны. ААН атрымае так неабходныя сёння рэсурсы на развіццё, якіх пастаянна не хапае (у донараў жа грошай няма). А свет нарэшце ўбачыць жаданне тых, хто называе сябе гегемонамі, несці адказнасць за вырашэнне, а не стварэнне глабальных праблем", - адзначыў міністр.
"І яшчэ, ААН павінна быць голасам дзяржаў і не размывацца рознымі недзяржаўнымі структурамі. Паколькі менавіта дзяржавы-члены прымаюць у Арганізацыі рашэнні, якія ўплываюць на лёсы ўсіх людзей на планеце, і ў поўнай меры нясуць адказнасць за іх рэалізацыю", - рэзюмаваў Максім Рыжанкоў.-0-
"Першае. ААН павінна вызваліцца ад дыктату з боку асобных дзяржаў, якім уласціва ўседазволенасць і ўласная выключнасць. ААН - гэта ўсе мы", - падкрэсліў міністр.
Ён адзначыў, што супрацоўнікі Сакратарыята павінны памятаць, што, становячыся супрацоўнікамі ААН, яны працуюць у інтарэсах усёй Арганізацыі, а не каб дагадзіць краінам свайго грамадзянства, і таму абавязаны быць аб'ектыўнымі, непрадузятымі і незалежнымі.
"Другое. Арганізацыя павінна працаваць у падтрымку рэгіянальных працэсаў, паколькі рэгіяналізм - гэта ключавая рэалія сённяшняга дня. Мы назіраем пастаяннае ўмацаванне рэгіянальных інтэграцыйных працэсаў у розных кутках планеты", - адзначыў Максім Рыжанкоў.
Так, набіраюць абароты ў сваёй дзейнасці аб'яднанні краін Глабальнай Большасці. Гэта БРІКС, ШАС, СНД, ЕАЭС, Афрыканскі Саюз, АСЕАН і многія іншыя. "ААН неабходна ўбудоўвацца ў гэтыя працэсы, садзейнічаючы іх развіццю і спалучэнню", - лічыць кіраўнік МЗС.
"Трэцяе. У мінулым годзе краіны Захаду інсцэніравалі брудную кампанію па недапушчэнні выбрання кандыдатуры Беларусі ў склад непастаянных членаў Савета Бяспекі. Так моцна баяліся нашага сумленнага голасу ў гэтым органе. Аднак і па-за Саветам мы будзем адкрыта выказвацца па ўсім спектры міжнародных праблем. Больш таго, мы і далей будзем настойваць на справядлівай рэформе Савета Бяспекі, таму што голас краін Глабальнай Большасці ў Савеце - гэта і наш голас", - заявіў Максім Рыжанкоў.
Таму беларускі бок лічыць, што надзённая патрэбнасць дня - рэформа Савета Бяспекі ААН за кошт вялікіх краін Азіі, Афрыкі і Лацінскай Амерыкі, якія сталі на шлях развіцця. "Гэтыя краіны - на вастрыі асноўных глабальных праблем. Яны лепш за іншых ведаюць, як вырашаць войны і канфлікты ў свеце, які развіваецца. Ды і вага іх у сусветных справах сёння значна большая, чым яна была 80 гадоў таму", - упэўнены міністр.
Чацвёртае - ААН павінна сказаць сваё прынцыповае слова аб непрымальнасці аднабаковых мер. "Мы маем права чакаць ад Арганізацыі сур'ёзных і аб'ектыўных ацэнак аб негатыўным уплыве санкцый на працэсы ўстойлівага развіцця, пра якое мы так усе дбаем. Больш таго, лічым неабходным паставіць работу ў ААН па процідзеянні незаконным санкцыям на сістэмную аснову", - заявіў кіраўнік МЗС.
Ён падкрэсліў, што ўсім такім выпадкам павінна давацца прынцыповая аб'ектыўная ацэнка.
Пятае - неабходна выкарыстоўваць ААН як пляцоўку для эфектыўнага вырашэння пастаянна нарастаючых транснацыянальных пагроз.
"Беларусь заўсёды была прыхільная да калектыўнага падыходу для вырашэння агульных глабальных праблем. Міграцыя, пандэміі, стыхійныя бедствы, гандаль людзьмі, голад і многія іншыя. За сценамі гэтай залы ёсць таймер, які ў рэжыме рэальнага часу дакладна адлічвае грашовыя сродкі, затрачаныя на ўзбраенне. Трыльёны долараў! І гэта толькі тое, што ведае ААН", - заўважыў Максім Рыжанкоў.
Ён параіў, каб краіны "залатога мільярда" накіравалі гэтыя трыльёны не на развязванне і сілкаванне чарговых войнаў і канфліктаў, а на вырашэнне жыццёвых для людзей пытанняў. "Многія глабальныя праблемы тады адразу будуць вырашаны. ААН атрымае так неабходныя сёння рэсурсы на развіццё, якіх пастаянна не хапае (у донараў жа грошай няма). А свет нарэшце ўбачыць жаданне тых, хто называе сябе гегемонамі, несці адказнасць за вырашэнне, а не стварэнне глабальных праблем", - адзначыў міністр.
"І яшчэ, ААН павінна быць голасам дзяржаў і не размывацца рознымі недзяржаўнымі структурамі. Паколькі менавіта дзяржавы-члены прымаюць у Арганізацыі рашэнні, якія ўплываюць на лёсы ўсіх людзей на планеце, і ў поўнай меры нясуць адказнасць за іх рэалізацыю", - рэзюмаваў Максім Рыжанкоў.-0-
Падпісвайцеся на нас у
