19 мая, Мінск /Кар. БЕЛТА/. Узаемадзеянне з беларускімі партнёрамі мае стратэгічны характар для Краснаярскага края Расіі. Аб гэтым заявіў губернатар рэгіёна Міхаіл Кацюкоў на сустрэчы з Прэзідэнтам Беларусі Аляксандрам Лукашэнкам, перадае карэспандэнт БЕЛТА.
Міхаіл Кацюкоў падзякаваў за запрашэнне наведаць Беларусь і магчымасць сустрэчы. "Шчыра рады сустрэцца тут, у Мінску ў год юбілею Вялікай Перамогі. Краснаярцы з першых дзён вайны сустракалі ворага ў Брэсцкай крэпасці і ў выніку гналі да Берліна. Наш зямляк, Ілья Пятровіч Кузняцоў, першы бой прыняў каля паўночных варот Брэсцкай крэпасці, затым змагаўся ў цытадэлі, атрымаў неаднаразовыя раненні. Але цуд і, напэўна, сібірскае здароўе, характар дазволілі яму выбрацца з захопленай крэпасці, і ў выніку ён дайшоў да Берліна. Усяго 21 жыхар Краснаярскага края за вызваленне Беларусі быў прадстаўлены да звання Героя Савецкага Саюза, і мы імёнамі нашых землякоў, вядома, ганарымся", - сказаў ён.
Кіраўнік рэгіёна выказаў упэўненасць, што трэба захоўваць агульную гістарычную памяць і перадаваць яе моладзі. Яна дакладна павінна ведаць, што ў нас агульнае гераічнае мінулае, шматгадовая даўняя дружба, цесныя эканамічныя і культурныя, гуманітарныя сувязі. "Упэўнены, што гэтыя напрамкі мы можам істотна развіваць разам", - падкрэсліў ён.
Міхаіл Кацюкоў звярнуў увагу, што Краснаярскі край з'яўляецца адным з самых эканамічна развітых рэгіёнаў Расіі, па ўсіх ключавых паказчыках ён знаходзіцца ў першай дзясятцы рэгіёнаў.
"Узаемадзеянне з беларускімі партнёрамі для нас мае стратэгічны характар. Толькі за мінулы год аб'ём тавараабароту павялічыўся прыкладна на 7 працэнтаў, а за два месяцы гэтага года - ужо 14 працэнтаў (у параўнанні з аналагічным перыядам мінулага года. - Заўвага БЕЛТА). Таму паказчык больш як $200 млн (узаемнага тавараабароту. - Заўвага БЕЛТА) дакладна не з'яўляецца мяжой. Гэта толькі чарговы рубеж, які мы сапраўды можам істотна павялічыць", - падкрэсліў ён.
За перыяд з 2020 года ўзаемны гандаль Беларусі і Краснаярскага края Расіі дасягнуў найбольшых значэнняў у 2022 годзе - амаль $234 млн. У наступным, 2023 годзе аб'ём двухбаковага тавараабароту крыху знізіўся, але ў 2024 годзе зноў вырас, перасягнуўшы $221 млн. Пры гэтым беларускі экспарт за абазначаны перыяд паступова ўзрастаў і па выніках мінулага года склаў $141,5 млн, што на 20 працэнтаў больш за паказчыкі 2023-га. У расійскі рэгіён пастаўляюцца ў асноўным спецыфічныя тавары, аўтамабілі спецыяльнага прызначэння, злучэнні, якія змяшчаюць функцыянальную нітрыльную групу, электрычныя трансфарматары, часткі і прылады для аўтамабіляў і трактароў, бытавыя і іншыя электранагравальныя прыборы, электрапліты.-0-
Міхаіл Кацюкоў падзякаваў за запрашэнне наведаць Беларусь і магчымасць сустрэчы. "Шчыра рады сустрэцца тут, у Мінску ў год юбілею Вялікай Перамогі. Краснаярцы з першых дзён вайны сустракалі ворага ў Брэсцкай крэпасці і ў выніку гналі да Берліна. Наш зямляк, Ілья Пятровіч Кузняцоў, першы бой прыняў каля паўночных варот Брэсцкай крэпасці, затым змагаўся ў цытадэлі, атрымаў неаднаразовыя раненні. Але цуд і, напэўна, сібірскае здароўе, характар дазволілі яму выбрацца з захопленай крэпасці, і ў выніку ён дайшоў да Берліна. Усяго 21 жыхар Краснаярскага края за вызваленне Беларусі быў прадстаўлены да звання Героя Савецкага Саюза, і мы імёнамі нашых землякоў, вядома, ганарымся", - сказаў ён.
Кіраўнік рэгіёна выказаў упэўненасць, што трэба захоўваць агульную гістарычную памяць і перадаваць яе моладзі. Яна дакладна павінна ведаць, што ў нас агульнае гераічнае мінулае, шматгадовая даўняя дружба, цесныя эканамічныя і культурныя, гуманітарныя сувязі. "Упэўнены, што гэтыя напрамкі мы можам істотна развіваць разам", - падкрэсліў ён.
Міхаіл Кацюкоў звярнуў увагу, што Краснаярскі край з'яўляецца адным з самых эканамічна развітых рэгіёнаў Расіі, па ўсіх ключавых паказчыках ён знаходзіцца ў першай дзясятцы рэгіёнаў.
"Узаемадзеянне з беларускімі партнёрамі для нас мае стратэгічны характар. Толькі за мінулы год аб'ём тавараабароту павялічыўся прыкладна на 7 працэнтаў, а за два месяцы гэтага года - ужо 14 працэнтаў (у параўнанні з аналагічным перыядам мінулага года. - Заўвага БЕЛТА). Таму паказчык больш як $200 млн (узаемнага тавараабароту. - Заўвага БЕЛТА) дакладна не з'яўляецца мяжой. Гэта толькі чарговы рубеж, які мы сапраўды можам істотна павялічыць", - падкрэсліў ён.
За перыяд з 2020 года ўзаемны гандаль Беларусі і Краснаярскага края Расіі дасягнуў найбольшых значэнняў у 2022 годзе - амаль $234 млн. У наступным, 2023 годзе аб'ём двухбаковага тавараабароту крыху знізіўся, але ў 2024 годзе зноў вырас, перасягнуўшы $221 млн. Пры гэтым беларускі экспарт за абазначаны перыяд паступова ўзрастаў і па выніках мінулага года склаў $141,5 млн, што на 20 працэнтаў больш за паказчыкі 2023-га. У расійскі рэгіён пастаўляюцца ў асноўным спецыфічныя тавары, аўтамабілі спецыяльнага прызначэння, злучэнні, якія змяшчаюць функцыянальную нітрыльную групу, электрычныя трансфарматары, часткі і прылады для аўтамабіляў і трактароў, бытавыя і іншыя электранагравальныя прыборы, электрапліты.-0-
Падпісвайцеся на нас у
